Urte gorria

Independentea aurrera!

Bere jaiotzaren urteurrenarekin bat eginez, itzuliko ote da Independentea? Oztopoak oztopo eta jazarpenak jazarpen, osotasuna eta burujabetasuna helburu. Independentearen lagunok izango dugu zereginik!

26

Asier Galan

Biokimika eta biologia molekularrean doktorea. Hernanin

Gaurko egunez, duela urtebete, jaio zen Independentea. Urte gorria. Independentea modu itsuan eraikitzen hasi ginelarik, nola aterako zen jakin gabe, baina ekinez, bazen zerbait espero zitekeena: errepresalia handia. Ustekabean harrapatu gintuen, ordea, erasoen jatorria ustezko euskalgintzan bertan egon izanak. Ustekabean harrapatu gintuzten horien izaera lazgarriak eta lehenengo momentuko azkartasunak.

Irakurle eta kolaboratzaile askorengan Independentea arnasgunea izan zedin, gutxi batzuek ia dena eman dute, hustu arte. Beraien bizitzarekin proiektua egunero-egunero sustengatu zuten pertsona gutxi batzuentzat etengabeko lintxamendu ikaragarria ekarri du, proiektua etenda ere bai.

Beraz, egoeraren beharrak bultzatuta, jarri gara lanean. Isilpeko beste langile batzuekin, aurreko horien txanda ordezkatzeko antolatzen. Ez da izango hain modu itsuan, oraingo honetan, aipatutako zentzuan. Esaterako, oraingoan badakigu jazarleak nortzuk diren. Zer eta nola egin duten. Eta jendarteak nola erantzun duen, eta nola ez duen erantzun. Independentearen irakurle arruntak flipatu egingo du, behin gu ikertzen ari garena, ondo landu eta gero, argitaratzen dugunean. Garai bateko Triple A-ren bonbak; egungo euskalgintzan errotutako pertsonaia eta enpresetatik datorren ziber–jazarpena. Alajaina!

Garai bateko Triple A-ren bonbak; egungo euskalgintzan errotutako pertsonaia eta enpresetatik datorren ziber–jazarpena. Alajaina!

Gure arrazoiak, lehengo berberak: osotasuna eta burujabetasuna. Elkar lagundu dezagun, nahi dugulako. Bada garaia elkar laguntzeko, asmatu gabe ere, modu itsuan behar bada ere. Mediku eta psikologoen benetako laguntza behar dugu, eta jendearena batez ere, jazartuak zaindu eta defendatu ahal izateko. Besteak beste, itzultzaileak behar ditugu, euskara-zuzentzaileak, wordpresslariak, marrazkilariak, bideogileak, informatikariak, lege-aholkulariak, abokatuak. Ahotsa altxatu eta edozein jazarpen txiki publikoki salatu dezakegun guztion laguntza behar dugu. Gure hautuak egiteko, haurrak askatzeko! Bizidun izateko. ´Sortzeko, sare sozialak zaintzeko, digitalak ere bai, baina batez ere aurrez aurrekoak.

Gonbidatuta zaude Independentea aurrera diruz laguntzeko:

Laboral Kutxa
ES60 3035 0011 24 0110149358
(CLPEES2MXXX)
Onuraduna: Serios Kultur Elkartea

Trasferentziaren kontzeptuan norberaren izena edo ezizena jarri.

Beste laguntza motarako: lagunak@independentea.eus

Arduragabekeria galanta egingo luke herriak kazetaritza kazetarien esku utziz, beste alorrekin bezala. Independentearen lagunok ere erantzukizun handiegia utzi genuen langile amorratu gutxi batzuengan. Eta bada garaia ardurak elkarbanatzeko.

Antolatu gaitezen, isilpean, gertatutakoa aztertuz eta adi, egoerari buelta emateko modurik egokiena planifikatuz. Teoria konspiratiboetan barrena galdu gabe, baina konspiratuz, noski, egunerokotasunari adi, isil-isilik, egunero-egunero, jazarpen egoera orokor honi buelta emanez.

Isilean jarraituko dugu, baina gaurko egunean ahotsa altxatu nahi izan dut. Zori onak, Independentea!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

26 erantzun “Independentea aurrera!” bidalketan

  1. Txantxangorriari guk Antton papagorri deitzen diogu, eta hemendik aintzina egunak hoztu ahala hurbiltzen zaizkit kanpoko lanetan edo ikuiluan, aurten goizik etorri zara agurtzera. Ongi etorri, izan zaitez osasunaren zoria eta ez Eitbko kronika patogenoz gaixotutako bertze hori!!
    Aupa Asier! Saia gaitezen hegan, konfidantza izanez gugan…..askatasuna dugu miresteko ortzimugan…..

  2. Gora zuek! Egiaren bila doan euskal komunikabide bakarra! Oztopo guztiak gaindituz indartu egin zarete, oraingoan ez zaituzte geldituko!!! Aurreraaaaa!!!

  3. Esker mila talde!!
    Itxura denez INDEPENDENTEAren gainbehera ez da berezkoa izan. Badirudi ahalegin berezia egin dela hau gauzatzeko. Honen inguruan zerbait irakurtzeko aukera izan dut, baina azaleko informazioa delakoan nago, informazio lausoa. Uste dut honen inguruko informazio zehatzagoa beharko genukeela; nik behintzat biziki eskerruko nuke. Nire ezjakintasunetik hauxe galdetuko nuke: Nor/nortzuk ibili d(ir)a bazterrak nahasten eta independentearen lana oztopatzen?
    Iluntasun garaietan bizi gara. Azpijokoak, gezurra, iruzurra eta zentsura nagusitu dira. INDEPENDENTEA inoiz baino premiazkoagoa da!
    Nekeza da baikor izatea baina Arabako Oleta herrian entzun nuena gogora ekarriz…
    BIZITZAREN SUSTRAIETATIK
    EDAN DEZAGUN GOGOTIK
    LEHENA, ORAINA ETA GEROA
    DIHOAZ BETI ESKUTIK

    PIZTU BEDI ESPERANTZA
    EZ DUGU DENA
    GAU BELTZA
    LOREZ APAINA
    AGERI ZAIGU
    EUSKAL HERRIKO BARATZA

  4. Ze berri ona!! Berriz ere lehengo iturritik ur berria. Eskerrik asko. Negua pasatzen lagunduko digu, ur trago eta trago artean!!!

  5. Duela urtebete Independenteak arnasa eta indarra eman zigun. Etenaldia gainditzeko asmoa primerako albistea da. Eskerrik asko!

  6. Guk ordaindutako lanorduetan, batzuek tik-tok bideo lizunak bezala, beste batzuek iruzkin faxistak idatzi dituzte Independentearen kontra. Zergatik egiten ote die halako mina hemen esandakoak? Badakigu beldurra oso barnean daukatela, Autoritatearen Kultuaren sinestun guztiek bezala.

    Aurrean izango gaituzte beti iritzi eta pentsamendu-askatasunaren etsaiek. Eman dezatela euren meza… eta ostiak gure kontu!

  7. Ametsak amets eta txantxangorriak berriz beti ditugu inguruan sagastian nahiz zoroan, argi. Jazarpenak jazarpen… izan genituen, ditugu eta izango ditugu gero ere (esana da horretara errazago apuntatzen dela jendea, lanera baino), baina guztien gainetik Independenteak gizarterako bidea egitea nahiko nuke. Herrian babes hartzea, plaza agerian. Auzolana berrantolatuz eta ber abiaraziz, bikaina! Ez du beste arnas biderik izan. Euskarari eta bere herriari Bizitza emanaz. Independentearen Lehen Batzar Orokor agerikoa zein plazatan izango denaren zain gelditzen naiz, goraintziak Asier!! Eta besarkada bana Kote eta Haizea.
    Ea izarren hautsa egun batean bilakatzen den bizigai …

  8. Ea ba, zer dakargun orain, zer ikasi dogun eta zelan birziklatzen dogun aurrerantzekoa.

    Barri pozgarria puntuan irakurria. Lagun bategaz kafelitoa hartuten nagoela, komunera joan Kantinen, eta hantxe, “tenploaren” atetan, ingelesez zekarren mezu argia hizki ederrez, hona euskerara moldatua:

    Egon hadi argitsu;
    Bizitza beti eder;
    Perspektiba dok gakoa;
    Gogoa/burua Jainko

    Osotasunaren alde, banakako pentsamenduaren alde, elkar-zaintza, -hizketa, eta -laguntzaren alde, talde sormenaren alde, egi(ar)en bila. Euskerazkoari berea emonda.

    Aitorrek dion batzar irekia dala eta, lagungarri balitzaigu, Gune Irekikoa (https://openspaceworld.org/wp2/what-is/eusk/) burutzen laguntzeko prest eta gogotsu. Eta besterako.

    Zorionak eta animo pilo bat!

    Amorea, adorea eta umorea ;-)!

  9. Txantxangorriek oztoporik ez dute Bidasoako urak zeharkatzeko…
    Milesker Asier mezu pozgarria idatzirik eta bide batez, Euskal gizarteak merezi duen proiektu anitza eta askea berpizturik!!

  10. Ehutsi gogor kanpoko jazartzaile hoien boikot ahalegiñei. Badakigu gizarte egitura honek ez dituela gidoitik irteten diren ekintzak onartzen. Gidoi honek giza masaren kontrola du helburu. Irakurketa bakarreko inposaketa diktatorial eta kapitalista da argumentua. Eta guk, Kubrickek Laranja mekanikoan masa kontrola originalki kritikatu zuen bezala, gidoia nahiko genukeen bezala eraikitzeko eskubidea lortu arte borrokatzeko ahalegiña egin behar dugu, nire iritziz. Gurea eta ondorengoen etorkizuna hobea izan dadin.

    Beraz, Zorionak eta animoak Aurrera jarraitzeko. Ni, ahal dudan bezala, laguntzeko prest.

Utzi iruzkina, izen eta abizenez

Azken artikuluak