Ziber gerra zikina

Independentea-ren aurkako gerra zikina (I): Euskalgintza goizez, iraina eta jazarpena arratsaldez

EkaiCenter, 2021eko abuztuan, ziberjazarpen sasoi betean: «Lotsagabekeria hori erasotzaileen zigorgabetasunaren ondorio da.»

8

Ane Miren Elordui-Zapaterietxe

Psikologian lizentziatua eta itzultzailea. Leioa

Ekai Centerren working papera, 2021-8-28an zabalduta,
«Guerra Sucia contra “Independentea” :
Euskalgintza por la mañana e insulto y acoso por la tarde»

Itzulpena: Ane Miren Elordui-Zapaterietxe

1

Harrigarria da Independentearen aurkako gerra zikinean sarritan erabili den lotsagabekeria. Argi dago lotsagabekeria hori egileen zigorgabetasunaren ondorio dela, jarduera mota hauetan.

2

Zigorgabetasun hau benetan harrigarria da, batez ere eraso hauen egileak ustez “euskaltzaleak” diren erakunde eta enpresetan daudelako. Kasu batzuetan badakigu erakunde horiek jarduera hauek ezagutzen zituztela, eta, arrazoiak arrazoi, baimendu egin dituzte.

3

Erakunde batean kudeaketa edo erantzukizun postu bat duen pertsona batek era horretako jardueretan etengabe parte hartzen duenean, agerian dago erakunde horren irudia eta erantzukizun morala —eta kasuren batean juridikoa ere bai— jokoan jartzen ari direla.

4

Nola liteke erakunde horiek jarduera hauek onartu izana? Enpresa eta erakunde bakoitzak bere mugak ditu, baina –jarduera hauen egileen kasuan bezala- litekeena da ekintza horiek errepikatzeak ageriko ondoriorik gabe, erraztu egin duela harrigarria den utzikeria edo konplizitatea.

5

Nolanahi ere, euskara bultzatzeko beren jarduerarengatik oso ezagunak diren erakundeetan normalean kudeaketa-funtzioak garatzen dituzten pertsonak modu osagarrian aritu izan dira —lan orduetan edo ordu libreetan— Interneten irain, laido eta jazarpen kanpainak garatzen haien ikuspuntuak partekatzen ez zituzten proiektuen aurka.

6

Hala, paradoxa hirukoitza dugu:

A) Maila pertsonalarena, halako maila profesional bat duten pertsonez ari garelako, zeintzuek uste omen duten beren jarduera euskararen arloan bateragarria dela beraienak ez bezalako ideiak legez kontra jazartzearekin, eta, harrigarriro, hau bateragarria litzatekeela euskararen aldeko haien ustezko konpromisoarekin.

B) Euskara sustatzen jarduten duten erakundeena, haien kideek beren denboraren zati bat irainari eta jazarpenari ematen baitiote Interneten.

C) Mugimendu euskaltzale osoarena; bere zutabeetako bat “euskalgintza” deitzen zaien euskal kulturaren munduko erakundeak dira. Seguruenez modu inkontzientean, bere barruan pertsona-talde bat sortzea baimendu dute, pertsonen, proiektuen eta erakundeen aurka etengabe dihardutenak, iraina, laidoa eta jazarpena bezalako tresna sofistikatuen bidez.

7

Bistan da, hedaduraz, horrelako jarduerek euskal gizarte osoari eragiten diotela. Euskara sustatzea edo Internet bultzatzea ia euskal herritar guztiek partekatzen dituzten helburuak dira, eta ezin dira konprometituak izan edo ez dira konprometituak izan behar horrelako jokabideengatik. Jakina, ahaztu barik besteen ideiak, pertsonak eta partekatzen ez ditugun proiektuak errespetatzea ere oinarrizko euskarria dela edozein gizarte zibilizatutan.

8

Euskalgintza goizez eta iraina eta jazarpena arratsaldez ez dira jarduera bateragarriak. Hau gertatu izana ikaragarria da eta lehenbailehen konpondu behar da, ziurtatu nahi badugu jokabide horiek ez direla errepikatuko, ez direla hedatuko eta eragina jasan duten erakundeen, euskararen eta euskal gizartearen beraren irudiaren gaineko eragin negatiboa geldiarazten dela.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Independentea-ren aurkako gerra zikina (I): Euskalgintza goizez, iraina eta jazarpena arratsaldez” bidalketan

  1. Booom! Mila esker eta kuraia on, lagunok. Bistan geratzen da gaiztakeria gizadiaren txoko guzti-guztietan txertatuta aurki daitekeela, soziopatia estrato sozial orotan zabaldutako elbarritasun morala dela, familia eremu ezkutuenetik plaza soziopolitikoko erlazio publikoetaraino. Mediokridade etikoak zerikusi gutxi dauka adimen intelektualarekin, euskaldun, korona-disidente, gida espiritual, begano, fededun, doktore, mugalari, guraso, gerente edo punk izatearekin, ezta antzinako filosofoak eta pentsalari libertarioak ahotan hartzearekin ere… ez da pertsonaia edo profil bat, uneoro askatasunez egiten dugun hautua baizik.

  2. Independenteak ziberjazarpena garaitzea eta eraso berriak neutralizatzea lortu du. Bizirik jarraitzea lortu du, eguneroko jarduera nabarmenarekin. Egunetik egunera, jende gehiagoren erreferente gisa finkatzen da, eta gehiago indartzen da. Aurrera Independentea!

  3. Oso oso gogorra gertatu dena.

    Oso tristea euskaltzaleontzat. Jazarriak entzuteko, babesteko eta osatzen laguntzeko garaia orain.

    Eta horrelakorik berriro ez gertatzeko lanari ekitekoa.

    Horrelakoetan ari direnak, jazarleak eta euren babes taldeak oso kaltegarriak eta arriskutsuak izateaz gain, oso gaixorik daude beraiek. Buruko gaixo larri eta sakonak dituzte. Artatu behar ditugu beraiek ere bai, epe luzera osatu eta bergizarteratu. Zaindu maite duzun hori, zaindu “gorroto” duzun hori.

    Ziber-jazarpena eta horrelako ekinak eta jazarleak nola geldiarazi, alde guztietatik, hor jarri ditzagun buru-bihotzak!

    Eta, bide batez, smartphonek-eta itzel errazten duten teknologia eta internet erabilera gehiegizko eta osasun-kalteak gainditu.

    Ziber-jazarpena eta jazarpen oro gizarte osotik publikoki arbuiatu ditzagun, horrelakoetan aritzea pentsaezina bilakatu dakigun. Are gutxiago, lan-talde “boteretsuek” sustatzea edota babestea horrelako ekinak.

    Gure gizartean, txiki-txikitatik dugu itzel normaldua hitzezko bortizkeria. Arreta jarri diezaiogun ikastetxetik etxera datozen gaztetxuek elkarri eta geuri gurasoak nolakoak esaten dizkieten (geu helduongandik ikasi dituztenak, bide batez). Eta adi entzun geu helduagoen arteko elkarrizketetan zelako hitzak eta “txantxak” egiten ditugun. Ikaragarria da.

    ETA-Espainia-Frantzia lehia biziko sasoietan-eta kaleetan oso agerian zen indarkeria fisiko bortitza. Saltsa horretan hazi gara gutako asko. Dena dago elkarri lotua: gizarteko indarkeria fisiko umetan zurgatua eta normalizatua, gaurko gaixo mental ziber-jazarleak, eta haien eta babesleen izkutuko indarkeria koldar basatia.

    Eta, kontu, orain ere sentitzen dugu itzelezko terrorismoa, hainbeste polizia uniformedun eta armadun bazter guztietan ikusita, inoiz baino gehiago, inoiz baino zabalago, inoiz baino harroago). Geure poltsikoetatik ordaindutako soldatapean! Desbideratzen ari naiz gaitik, amai dezadan.

    Epe luzera zuzendu ahalko dugu, bai giro suntsigarri hau. Lan mardula dugu egiteko gaur hasi eta egunero, tratu onen alde, komunikazio zuzen, gozo eta maitekorraren alde,…

    Txikitan, indarkeria kaleetan bero-bero eta zabal-zabal zen sasoi hartan, hor beheko kanta hau irakasten ziguten ikastolan ;-)! Gogora etorri zait orain (hitzak hemen jasoak: https://www.letras.com/herrikoiak/1243910/)

    Gozatu egun euritsu hau be! Gora bihotzak!

    Aitorren hizkuntz
    zaharra
    nahi degu zabaldu
    munduaren aurrean
    gizonki azaldu,
    baldin gure zainetan
    odolik badegu
    euskaldunak euskaraz
    hitz egin behar degu.

    Zein hizkuntza ederra
    euskera guria
    inun ez det aurkitzen
    beste bat hobia
    usai goxodun hizkuntz
    txukun ta argia,
    biraorikan ez duan
    hizketa garbia

    Gora euskara maitea
    zoragarriena
    euskalduen artean
    maitagarriena.
    Munduan sortu zanik
    hikuntzik zaharrena,
    gora ta gora euskaldunak
    eta gure euskara.

  4. Dana.dan iragarria zegoen: Sozialdemokrazia dekadenteak eskuinekoen eginkizuna hartuko zuela bere kargu.

    Eta horixe gertatu da euskal SOZIALDEMOKRATA dekadenteekin ere.

    Gaixo neuronal hori ez da GURE gizartean den-denena. Haiena da.
    DENAK EZ DIRA BARDINAK.
    “DANAK DIRA BARDINAK “goiburua faltsua da. DANAK EZ DIRA BARDINAK ezein kasu garrantzitsutan!

  5. Gertatu den ziber-jazarpenaz, ez nituzke “baloiak kanpora” botako: digitalen teknologia demasa errudun eginez, etc, etc.

    Erruak euki duenak dauka eta kitto.
    Badakigu zein izan da egitan errudun – ez jarri aitzaki merkerik, ez esan “pasadizo neurotiko bat” bat izan dela eta gaixoari lagundu egin behar zaiola erredimitu dadin…

    Ez lagunok, subjektu horrek KONTZIENTEKI egin du eraso ( eta eginen du, babes handia duelako atzean edo azpian edo alboan

    Eta nik ez nuke esango “

  6. Hori, nik ez nuke esango erasotzaile horiek “EUSKALGINTZAN” ari direnik (“EUSKALGINTZA” egiteko nobleegia horiei esleitzeko)
    Gehio esango nuke “Euskal Saltsan” ari direla

  7. Zapla! Erabat ados, Josu. Euskalgintza handiegi geratzen, zalantzarik gabe, agente horiei. Politikariek justizia ahotan hartzea bezalaxe.

  8. Beraz, deutsut dezagun behar bezala ziber.erasoaren eta erasotzailearen ekintza: ziber-erasotan dabilen subjektu hori ez dela ari “euskalgintzan, baizik eta “EUSKAL SALTSAN” Edo halakoren batean bere ordu libreetan.

    Orain, subjektu hori bere lanorduetan ari bada bere sator-lanak egiten (askatasun adierazpenaren eta etika ororen aitzi, bere babesleak erantzukizunei aurre egin beharko dio, nahiz eta Jesukristo edo Ama Birjina izan.

Utzi iruzkina, izen eta abizenez

Azken artikuluak