Sare digitalak

“Euskalvox” hedabidea “ezkerreko” ziber-jazarleen sintonian

Garai kobidianoetan harrotu den aspaldiko hedabide xenofobo eta arrazistarekin bat azaldu dira “ezker” establishment-eko jazarleak, euskarazko ahotsak isilarazteko garaian.

2

Idoia Hierro

Dantzaria eta antzezlea. Donostia

Entzun / 2022ko urriak 25

Sare digitaletan mezu xenofobo eta arrazistak zabaltzen dituen hedabide digital anonimo eta ezezaguna harrotu da garai pandemikoetatik hona, nagusiki gazteleraz argitaratuz eta ahots kritikoak bilduz, eta hauen argitalpenak han hemenka azaltzen zaizkigu, gure artean beti gaudelako baten bat ez garena enteratzen.

Atzerriko “immigrante” arriskutsuengandik Euskadi babestu nahi duen gaztelerazko hedabide digitala da. Han eta hemen erabiltzen da pandemiaren kontrako ikuspegiak zabalduz.

Digital horrek ez du sekula salatu ezer Independenteak jasandako jazarpenaz. Ez du erakutsi elkartasunik kobid operazioko zentsuraren aurka altxatu eta euskara hutsean aritutako proiektu txiki honekin. Garai bortitzenetan, aldiz, establishmentak bideratutako jazarpenari garrantzia kendu dio, jazarpena zurituz. Independentea bere jarduera moztera behartuta zegoelarik, jazarleekin bat egin zuen, eta irainka eta gezurretan batu zitzaien, euskarazko hedabide txiki hau eusten zutenen kontra eginez pertsonalki.

Ahotsa altxatzea zer den dakigunontzat, ordea, ez da harritzekoa “ezker” establishmentaren jazarle ofizialak hedabide honen sintonian agertu izana halako egoeretan, “Euskalvox” deritzon digital poliziazale eta xenofoboarekin. Ea nor den, beraz, “eskuin muturreko hedabideetatik edaten duena”, kontzienteki edo inkontzienteki.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun ““Euskalvox” hedabidea “ezkerreko” ziber-jazarleen sintonian” bidalketan

  1. Egia, zintzotasuna eta giza eskubideen defentsa izan behar dugu helburu. Hori alde batera uztea konplize izatea da, Covid-19aren krisiari buruz zalantza eta gezurrak esaten dituztenak bezala. Ezin da erreferentetzat hartu interesatzen zaizkion giza eskubideak defendatzen dituen komunikabide bat, hirugarrenei giza eskubideen urraketa sustatzen dien bitartean. Bateraezina da, eta ezikusiarena egiten duenak oso koherentzia-arazo serioa du, eta horrek, gainera, disidentziaren sinesgarritasuna ahuldu eta kaltetu egiten du.

Utzi iruzkina, izen eta abizenez

Azken artikuluak