ERASOTZAILEAREN ANATOMIA

Jazarleari bisturia sartuko diogu

Hasiera ez zen leuna izan. Independentearen jazarleen ageriko portaera era anonimoan mezulariari min egitea izan da.

7

Ainoa Astiazaran Bilbao

Psikologoa, Giza biografia, ama. Sodupe

Pandemia garai honetan begi-bistakoa da aukera berriak sortu zaizkigula. Diskurtso bakarreko hedabideen aurrean era espontaneoan eta freskotasunarekin agerian agertu den komunikabideen ustelkeriari erantzuna emanez sortutako altxorretariko bat INDEPENDENTEA dugula esango nuke. Euskarazko hedabideen artean, gaur egun, diruaren truke saldu gabe dagoen bakarra. Independentea, nik deitzen diedan moduan, “euskal gudari berri” eta gazte batzuen sorkuntza da. Freskotasuna, pentsamendu askatasuna eta elkarlana esango nuke direla bere muinak. Eta muin horiekin bat datorren edonork elika dezake proiektu zoragarri hau, guztion artean egiten baitugu.

Baina, egunkari digital fresko honen hasiera ez zen leuna izan, ez. Patriarkatuaren pisua eta pentsamendu askearen errepresioa hurbiletik jasan izan ditu. Jazarpena jazarle identifikatu batzuen eskutik etorri zen eta elkartasunez aurre egin zitzaion.

Hain zuzen ere, jazarpena egiten duenari edo jazarleari bisturia sartzea izango da idatzi honen xedea.

Lehenengo eta behin, goazen giza diseinua errepasatzera.

Maitasunean jaio eta hezten den umea, bere amarengandik lehenengo eta ondoren inguruko familiarengandik sentitua sentitzen bada, bere barnearekin bat datorren estruktura mentala garatzen joango da. Bere parekideekin, hala nola, neba-arrebekin, lehengusu-lehengusinekin, lagunekin,… ideia kontrajarriak izanez gero, ideia kontrajarri horiek elkarrekin bizitzeko eskubidea dutela biziko du, beraz, bere parekide baten ideiak ez ditu mehatxu modura biziko. Argi eta garbi geratuko zaio, pertsona ezberdinak izanik, ikuspuntu ezberdinak izateko eskubidea dutela, eskubide hori amarengandik, aitarengandik… edota ingurukoengandik bermatua geratuko baita. Adibide bat jarriko dut. Neba arrebak hasten badira esanez: bata, “hegazti hori arranoa da” eta bestea, “ugatz bat da”. Eta horrek liskarra eta, ondorioz, ezinegona sorrarazten badie, amak esan dezake: “ea, Perurentzat hegazti hori arranoa da eta Maiterentzat ugatza da. Aaaaaaa, ezberdinak zarete eta ezberdin antzeman duzue ikusitakoa, eta ondo dago dena.” Amaren eskuhartzea gakoa izango da, haien ideietan edo antzemateetan ezberdintasuna egon daitekeela bideratuko baitu. Honela hezten den umea besteen ezberdintasuna errespetatuko duen heldua bilakatuko da, berak baitaki bere ezberdintasuna errespetatzen dela.

Jazarleak badu korapilo bat sakonean: Independentearen mezu askea mehatxu bezala bizi du, bere estruktura mentala kolokan jartzen baitu

Jazarpena egiteko xedea duen “heldua”, berriz, ez dator aipatutako haurtzarotik. Independentearen jazarleen ageriko portaera era anonimoan mezulariari min egitea izan da. Jazarleak badu korapilo bat sakonean: Independentearen mezu askea mehatxu bezala bizi du, bere estruktura mentala kolokan jartzen baitu. Horren kontzientziarik ez duenez, desbideratze bat egingo du: hain mehatxuzko bizi duen mezua dakarren mezularia etsai arriskutsu bilakatuko du. Egia esan, jazarleak duen estruktura mentala oso zaurgarria dela ageriko geratzen da portaera honen aurrean. Zergatik? Barne-egitura mentala sakonki sustraituta izango balu ez lukeelako beste inoren ideia ezberdin batek kolokan jarriko, eta, beraz, ideia hori desagerrarazteko bortizkeria erabili beharko.

Jazarleak minez ikasi behar izan du familiako pentsamendua bakarra eta helduek diotena dela

Beraz, jazarle koitadu honen haurtzaroa oso mingarria izan dela esan dezakegu. Hau da, bere kasuan, bere azalean bizi izan du bere ikuspuntua amarenetik ezberdintzen bazen nolabaiteko zigorra jasango zuela, ideia ezberdin horren mezulari zen heinean. Eta minez ikasi behar izan du familiako pentsamendua bakarra eta helduek dinotena dela. Inori ez zaio axola izan berak sentitzen zuena. Baina hau guztia ez daki, eta bere itzaletik aktibatzen du min hau, ideia kontrajarriak dakarzkienengan bortizkeria forma emanda.

Jazarleen miserietatik alderatu, eta egin dezagun GELDIEZINA den gure bidea, hedabide aske eta emankor hau guztion artean, bakoitzak bere altxorrak partekaturik, elikatuz eta zainduz.




Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

7 erantzun “Jazarleari bisturia sartuko diogu” bidalketan

  1. Nire ustez berdin da haur horrek minez ikastea besteena dela pentsamendu zuzen bakarra, edo esne mamitan ikastea kontrakoa: besteena ordez berea dela perzepzio zuzen bakarra.

    Continuum baten bi muturrak dira eta biak disfuntzionalak, abusatzaileen portaeren funtsean dauden distortsioak.

    Gizakiak ez gara autoexistenteak, harremanetik sortzen gara eta harremanetik eraikitzen, gizaki oso izango bagara.

    Jende askok ez daki zer gertatzen den hemen, eta ez daki ez dakiela. Horra, koska.

    Biba Indepe, biba zuek!

  2. Ez dakit zer pentsatu azterketa psikologiko honetaz. Jazarleen eta, oro har, kobidianoen arazoa ez da “desberdin” pentsatzen dutenak mehatxu gisa ikusten dituztela. Diskurtso dominanteari aurre egiten diotenak dira mehatxutzat daukatenak, ez “desberdin” pentsatzen dutenak.

  3. Hain zuzen ere, Zigor. Autoritateari Kultua egiten dioten Elizakoak direlako jazarle horiek… Fede kontu bat da beraiena, azken finean.
    Hori bai, interesgarria fede hori nondik datorkien aztertzea ere… eta horri dagokionez badu mamirik, bai, Ainoak dioenak.

    Dena den, egia da jazarle horiek ez direla edonorekin sartu, ez. Bakean utzi dituzte, baita gustura asko beraien diskurtsorako erabili ere, hainbat alde: faxistak adibidez, edo eztakitnor salbatzera etorriko zitzaigula ziotenak, edo besterik gabe “desberdin pentsatzen” omen duten baina agintearentzat inofentsiboak diren fantasioso asko. Irentsi ezin izan dutena eta jazarle aktibo izatera eraman dituena beste zerbait da, jakina. Kasualitatea ote?

  4. Nire ustez lotuta dago: desberdin pentsatzeak diskurtso dominanteari aurre egitea badakar, orduan zalantzan jartzen duzu autoritateren bat (gobernua, alderdia, helduak, maisu-adituak, erregea, eliza edo beste mailaren bateko edozein indar edo gehiengo). Autoritate horren aprobazioaren eta babesaren menpeko denari, desberdin pentsatzeak beldurra eragiten dio, aprobazioa eta babesa galtzearen beldur delako, bere estabilitatearentzako mehatxua da.

    Baina akaso gizakiok esentzian aske eta sortzaile izateko potentziala dugunez (horretarako eman baitzaigu guztioi eta bakoitzari bere garuna eta bere bihotza), inkoherentzian dagoenari gorrotoa inspiratu diezaiokezu, projekzioz; ausartzen ez den horretarako gai ikusten zaituelarik ezgai ikusten du bere burua. Autogorroto projektatua dela esan liteke.

    Pentsatzen eta egiten duenaz ziur dagoena, eta ulertu duena soilik bere buruaren (eta ez beste inoren) jabe dela, gai da beste ikuspegiak onartzeko. Geure burua da propietatean daukagun territorio libre bakarra, orduan argi dauzkazu non amaitzen den zeure izatea eta non hasten besteena, aldiberean onar dezakezu desberdina eta defendatu zeure askatasuna.

  5. Zanpatzaile neurotiko ek edota funtzionario soil direnek lasai egonen dira “EZ DAKITELA EZ DAKITENEKIN”

    Horiekin ez da arazorik. Kontrolpean dauzkate.

  6. Ostera, INDEPENDENTE honetan, badakinagu badakigula.

    Beraz, normala zanpatzaile neurotiko zein mertzenarioen itu izatea gu eta gutarrok.

    Argitaldarien arabera, ene liburua bikaina omen da, diotenez, baina argi utzi didate EZ DUTELA argitaratuko.
    Tira, RENOra joko dut

Utzi iruzkina, izen eta abizenez

Azken artikuluak