Helduagoak gara hilabete hauetan Independentean egindako auzolanaren ondoren, ikaste emaitza berri bat geure egin dugu. Konturatu gara berria argitaratzea garrantzitsuegia dela komunikabideen eta kazetarien esku uzteko.
Eguneroko Berria ere, edo Argia egingo zaion informazioa, zein den erabakitzeak duen balioaz konturatu gara. Eta ikusi dugun hutsunearen gainean eraiki dugu, hutsunea ikusteko gaitasun horretatik joan gara eraikiz eskuz esku bakoitza bere bakardadetik komunikaziorako plaza burujabe eta independente hau osatzen. Herritar askeagoak gara orain, burujabeagoak, independenteagoak. Iritziz, informazioz eta hausnarketaz elkar elikatuz herri libreago, burujabeago eta independenteago baterantz urratsa eman dugu. Argi baitugu hau dela independentziarako bidea.
Ez gara kazetariak, baina kazetaritzan aritu gara. Ez gara ezertan adituak, baina bai behar izan dugun guztian arituak. Ezjakinak, baina jakin-min ase ezinak.
Zeruko argia itzali denean ere barruan daramagun argitxoa ez dugu itzali nahi izan, bidea argituz esna egoten lagundu digu, eta elkarri argia egin diogu.
Bagenekien gure seme alaben hezkuntza garrantzitsuegia zela besteren esku uzteko, hala erakutsi ziguten gurasoek, orain hamarkada batzuk guretzat ikastolak sortzean. Nahiz gaur doluz bizi dugun ikastetxeek izateko zuten zentzua desegin izana: haur, gazte eta nerabeen garapen eta gizarteratzea laguntzea.
Plazer handi bat izan da, ia dena eman duzuen Haizea eta Kote ezagutu eta eskuz esku lanean aritzea. Eskerrik asko nire eskaerei erantzun diezuen autore guztioi, berdin ezkututik aritu zaretenoi. Besarkada bana komunikazioa proiektu honetan parte hartu duzuen guztioi, irakurle gisa besterik ez bada ere.
Independentea, hasiera bat besterik ez bai da.
Irakurri duzunarekin lotuta:
Kazetaritza ez da kazetariena
ZIGOR OLABARRIA – 2021eko ekainak 7
Kultura segurua?
AITOR UNANUE – 2021eko apirilak 5
Bai Aitor, zurekin nago, eta Pablok esaten den bezala, ‘Hazia, baina, ereinda utzi duzue. Ez da esate hutsa; neure ariman benpein, ereinda dago’ !!!