Euskarazko egunkariak

Jaio da Independentea!

Badabil burujabeon egunkari libre berria! Jaio dan bezala deituko diogu: Independentea. Instituzio, alderdi, elkargo guztiekiko independentea delako, egileok burujabeak garelako.

9

Kote Camacho

Marrazkilaria eta zinegilea. Orereta

Oraingoz online dator, beraz lagundu zuen Telegram kanaletan eta beste sareetan zabaltzen, orain arte zentsuratu zaizkigun ikuspegi horiek ezagutu ditzagun. Probatu ezazue iruzkinak sartzen ere, eta animatu zaitezte artikuluren bat idaztera.

Bizia emango digu, bortxaketa baten ondorioz jaio den arren.
Duela 9 hilabete, oso bestelako ametsak genituen, oso bestelako harremanak senide artean, lagun eta gure bikoteekin. Dena aldatu da, erabat. Guzti hau antzeman zitekeen, gizarteak telebistako birus super-hiltzailearen ziria jan zuen momentuan, etxean geratzeko agindua obedituz eta eskuak plastikoekin bilduz.

Batzuk ospitaletik ospitalera ibili gara, min fisikoak, emozionalak eta psikologikoak ere pairatuz. Hedabideek ez dituzte hauek isladatu, alderantziz baizik: hedabideetako muntai eroek eragin dute gaitz hauek, neure muturrean ikusitakoak, eta neure haragitan jasandako kalbario latza. «Okerrena sikiatria unitatean dago,» aitortu zidan ahopeka Covid19ra destinatutako erizain batek, iktus unitatean bisitan koinziditu ginen batean.

Harrigarria izan zen hasierako asteetakoa, ahots librerik entzun gabe, ez medikurik, ez biologorik, ezta kazetari bat ere. Gerora ezagutu dugu zenbateraino aplikatzen ari den zentsura eta mehatxua gure artean.
Egunkari nazional bakarreko hizkuntza honetan, albiste eta iruzkin guztiak norabide bakarrekoak izatea gaixoti samarra litzateke berez. Eta norabide hori eskubide guztien urraketa zuritzen duen kontsentsu faltsuaren aldekoa izateak benetako alarma dakar.

Momentu batean ohartu nintzen nire iruzkin guztiak ezabatuak izan zirela Berrian. Horrelako egoeran, batek susmoa hartzen du: beste asko egon zitezkeen egoera berdintsuan. Baina besterik ezagutu ezean, arazo pertsonala dela sentitu dezake batek, eta neurri batean, baztertua sentitu.

Eskerrak kaleetan elkartzen eta saretzen hasi ginela, eta indar txiki bat garela sentitu genuen. Sare sozialetan sartzen ditugun ordu guztietatik, bakar batzuk dedikatutako bagenio artikuluren bat garatzera, agian antolatu gintezke egunero-egunero artikulu bat argitaratzeko prest uzteko. Gutxieneko hori lortuta, egunkari izateko oinarrizko baldintza beteko genuke. Hori da, beraz, gaurtik aurrera izango dugun helburua, oraingoz.

Pablo Sastre Forest euskal idazlearen mezu elektroniko bat errebotatu zidan lagun batek abuztuan. Berria egunkariak argitaratu ez zion artikulua zekarren atxikita. Berea bezalakoa beste ehunka artikulu, argitaratu gabekoak, egon zitezkeela ohartu nintzen. Hau erabakiorra izan da gune hau diseinatu eta martxan jartzeko. Nahi genuke Independentea haiengana iristea, eta zentsuratutako ikuspegi kontrajarri guzti horiek biltzen eta garatzen hastea. Hilabete hauetan zentsuratutako altxor burujabe guztiak. Pabloren artikulua, Kiberen, ederra bezain beharrezkoa iruditu zitzaidan.

9 erantzun “Jaio da Independentea!” bidalketan

  1. Zorionak!
    Zentsura jasan dugun elkarte batekoak gara eta bai, 4 iritzi artikulu ez dizkigute Berriakoek argitaratu. Gara eta Deia-Diario de Noticias txarrago.
    40 urte eta frankismoaren zentsura gogorrera itzuli gara, supitoki, konturatu gabe, ala agian Turkiara, ala… ez dakit baina hau ez da frankismo amaieran gure borrokalariei esker lortu genuen giro askea

  2. Ekimen eder paregabea. Artikuluan errandakoa askori gertatu zaio. Aunitz gara, anizkunak eta pluralak, eta bilgunea behar dugu. Agian Independentea izanen ahal da elkargune hori. Nik bederen zuei laguntzeko prest, garai ilun etsigarri hauetan. Egunsentia heldu da, biba zuek!

  3. Caixo,
    Phozten nau pila aguercari digital berri haur jaio izanac. Pandemiac ceocer onic badu ekarri gurerat. Mila esquer!
    Fermin Xabier lagun preciatua, cein eijer zu ikustea.
    Adeitassunez
    Alexandre

  4. Zorionak ! Oso berri ona da mundu korapilatsu honetan zerbait librea edukitzea. Ahal dudanean idatziko det, honez gain, eta, ahal den neurrian, sare sozialetan hedatuko dut informazio-bide horren agerpena.

  5. Independenteak argi zirrikitu txiki bat ireki du gure egunerokoan, eta oso bereziki euskal hedabideen irakurle eta babes-emaile izan garenon duintasun zaurituan, Independentearen jaiotza, hain zuzen ere, adibidez Berria eta Gararengatiko gure dolua zeharkatzen ari ginela iritsi baitzen. Mingarria da urtetan eta urtetan babestu dituzunek, zugana diru eske hainbatetan etorri direnek (eta guk eman, gure borondate onenaz) zentsuratzen zaituztela ikustea, gutxiesten zaituztela, difamatu ere bai, pentsamendu bakarraren sustatzaile direla, konbertsoaren fede okerrenarekin… eta neurrigabeko tratu txarra ematen dizutela onartu behar izatea. Euskaldun gisa iraindua izatea. Gure herriaren gainbeheraren erantzule zenbait “gure artean” aurkitzea. Eta abar… gogorra da, inondik ere.

    Hala ere… eta ezinbestean… badator egun berria! Eta elkarrekin egingo dugu bertarainoko bidea.

    MILA ESKER, INDEPENDENTEA.

  6. “Denborarekin, prentsa mertzenario, demagogiko, ustel eta ziniko batek bera bezalako publiko zital bat sortzen du” esan omen zuen Joseph Pulitzerrek. Horregatik behar dugu Independentea, herritarren eskutik eta dirutik sortutako euskal prentsa horrek herriari bizkar eman dion honetan. Esker mila iniziatibagatik.

Utzi iruzkina

Azken artikuluak