Minpeko barik 14
Euskaraldia eta parkimetroko mezu anonimoa
Goienako podcast berria eman da argitara. Izenburu deigarria du. Euskarari eta euskararen erabilerari buruzko hainbat gogoeta egiten dira bertan.
«Honek Euskal Herrian Euskaraz-en hasiera ekartzen zidan gogora. Akordatzen haiz zelan biltzen ginen Bergaran 7-8 lagun 1979an? 46 urte pasatu ditun jada. Sortzaileen artean jende dezente zegonan eta tartean Txillardegi, Iparraldetik etorri berria; haren alaba Maddi Alvarez ere ibili zunan, baita Antton Erkizia ere. Nafarrak, giputzak, bizkaitar batzuk… horrela sortu zunan EHE.
Orduan bezala orain, euskarak erabilera publiko txikia zaukan.
Laster sortu zunan Euskal Telebista, 1982an, eta harekin batera ETB2. Guk ikusten geninan ETB2k jango zuela euskarazko katea, gero pasatu den moduan. Borroka latza izan geninan sasoi hartan, ETB2 hori ez zedin sortu edo behintzat bigarren mailakoa izan zedin, baina ez geninan lortu.
Orain bazirudin berpizten ari dela EHE. Ea egia den… Nik uste dinat gaur egun “Euskaldunekin euskaraz” izan beharko lukeela lema nagusiak. Izan ere, denok zekinagu zer pasatzen den: sarritan, euskaldun hiztunen elkarrizketa erdiak edo gehiago erdaraz izatea. Beraz, hori dun gaur egunean erronka nagusia.
Hipokrisia eta zurikeria asko ikusten dun Euskaraldiarekin.
Parkimetroan topatu nuen kartelean, zera jartzen din:
“ESTATU ESPAINIARRA ETA FRANTZIARRA IKARAGARRI POZTEN DITU EUSKALDUNOK EUSKARA AKABATZEN IKUSTEAK.
MILA ESKER ZURE EKARPENAGATIK.
BIHOTZA EUSKAL ABERTZALEA IZAN ARREN, BURUA ZEHARO ESPAINIARTUTA DAUKAZU. BI ESTATUEI LAN ZIKINA EGITEN ARI ZATZAIZKIE, KONTURATU GABE, ETA GAINERA ERDARAZ HITZ EGITEA ZUK MODU ASKEAN AUKERATZEN ETA ERABAKITZEN DUZULA SINITS ZENEZAN LORTU ZUTEN (BERAZ MANIPULATUTA ZAUZKATE).
ESNATU!!!!!!”
Hori da mezua, anonimoa — ez dago sinatuta –, baina zer pentsatua eman beharko ligukeena.»
Ipar-lonbardiko menditxotik, Hartza-tik, zorionak EHE ! Ta zuri asko ere :)))
(ASK-ko ‘partigiani’ ere bai…;) ?)
Aupa Juan Martin! Polito eta hika! Bai, fina lelo aldaketa: euskaldunekin euskaraz, E2. Mertxi!
Edo, are hobe EHE mantentzeko, euskaldunekin hika eta euskaraz ;-)!
Polito eta hika ari gozak,
polit-hika gabizak,
politikaz
polithika 😉
Gaztelaniaz ihardutean, hori modu askean egiten duzula uste baldin baduzu, oker zabiltza: mende askoko ahalegina egin du espaiñierak, zuk orain euskararen ordez, gaztelania mintza dezazun!
Ez zaitez engainatu, ez duzu libreki erabakitzen gaztelaniaz edo frantsesez egitea; lan handia egin da atzean, zuk hala egin dezazun, euskaraz mintza beharrean; esklabo bat zara, konturatu gabe!