Artikuluaren iturria: mpr21.info erredakzioa, 2025eko ekainaren 27a.
Egileen onespenaz ekarria Independentea.eus egunkarira.
Itzulpena: Kote
Robert Kennedy AEBetako Osasun idazkariak eten egin ditu gobernuak GAVIri (Global Alliance for Vaccines and Immunization erakundeari) emandako diru-laguntzak. Txertoen aliantzak, gainera, 2001etik gobernu-finantzaketa gisa jaso dituen 8.000 milioi dolar ere justifikatu beharko du, sustatu dituen txerto bakoitzaren eragina zehaztuz.
Kennedyk iragarri du ez duela beteko Bidenen agintaldian GAVIri agindu zitzaion 1.200 milioi dolar emateko konpromisoa, eta txertoen aliantzak azken urteotan sustatu dituen txerto bakoitzaren eraginkortasunari eta segurtasunari buruzko datu zehatzak eman behar dituela.
GAVIko zuzendariak, Sania Nishtarrek, ohartarazi du diruaren galerak hurrengo bost urteetan beste 1,2 milioi pertsona hil ditzakeela, nahiz eta ezinezkoa den jakitea nondik atera zuen zifra hori.
Egun batzuk lehenago, Senatuaren txosten batek baieztatu zuen pandemia garaian osasun-agintariek COVID-19 txertoekin lotutako arriskuak gutxietsi zituztela eta ez zutela biztanleria ohartarazi injekzioen osasun-ondorioei buruz.
Azken finean, txertoen salmenta sustatzera dedikatzen den publizitate-agentzia bat da GAVI, informazio oso zalantzazkoa erabiltzen duena. Beste alde ilun bat ere badu: OMErekin lankidetzan (Osasunaren Mundu Erakundearekin), zentsura ezarri zuen sare sozialetan pandemia garaian, iritzi disidenteak isilaraziz, galdera deserosoak galaraziz eta adierazpen askatasuna erreprimituz.
Irakur dezakezu hau ere:
“Mark Zuckerberg-en gutuna
Estatu Batuetako Botere Judizialaren
Batzordeko Mahaiburuari”
Estatu Batuek USAID eta OMEri emandako diru-laguntzak ere murriztu dituzte, nazioarteko erakundea itoaraziz, ostiralean laguntza eske oihu bat botaz kexu agertu zena. Aurten, iaz baino 10.000 milioi dolar gutxiago jasoko ditu; hondamendia multinazionalen farmazia-enpresei zerbitzatzen dieten osasun-politikei esker gizendu den burokrazia batentzat.
Azken urteotan, OME bigarren mailan geratu da, munduan osasuna baino askoz garrantzitsuagoak diren gauzak daudelako, hala nola armak. Ez dago diru nahikorik, lehentasuna orain ez baita sendatzea, hiltzea baizik.
Irakurri hau ere:
“Trumpek erabateko gerrara
garamatza uneotan”
OME bere historiako finantza-krisirik okerrenetako bat jasaten ari da. 5.300 milioi dolarreko aurrekontutik 4.200 milioi dolarretara igaro ondoren, aldea 2.500 milioi dolarrekoa izango da 2026-2027an, hau da, % 45eko defizita.
Bitartean Espainiak %30 igoko du GAVIri diru laguntza (130 miloi euro) datorren bost urteetarako, inolako erantzunkizunik eskatu gabe Bigfarmatik sortutako mafia horri.
Herri pobretan txertoak zabaltzeko aitzakiarekin kapitalistei lagunduz, “ezker” politikoren beste adibide negargarri bat.
RFKren gobernu ardurako lehenengo 6 hilabeteen azterketa bat Sasha Latypovak hemen : https://sashalatypova.substack.com/p/maha-scorecard-first-6-months-of?utm_source=substack&utm_medium=email&utm_campaign=email-restack-comment&r=3ha788&triedRedirect=true
Oso egokiak bi ekarpenak, Angel eta Eleder
Demoledorea Sasha Latypovak atzo idatzitako artikulua, eta da hain zuzen honi buruz. Bueno, atzo laburbilduz baina aurreko hilabeteetan ere idatzi du… Irakurri izan banu ezer itzulitako mpr21ko artikulu hau argitaratu aurretik… Orain Sasharena ere prestatzera. Eskerrik asko Eleder
Hau ez da izan Pandemia arrunt bat, baizik eta PLANdemia zeharo antolatua (elite batek), jendea inuzentzian hartzeko asmoz; erromatarrek oso azkarrak ziren horretaz, eta zera galdetu ohi zuten:
“Cui prodit?” (a quién beneficia?);
Argi geratu da:
sasi-txertoen saltzaileei! (Big Farma eta abar)!
Big-Farma deritzona izan da topera aberastu den erakundea: farmazeutikoak; argi datza: armagintza eta farmazeutika.