Jatorrizko argitalpena, 2025 uzt 2:
«MAHA scorecard: First 6 months of Trump Admin appointed HHS.»
Autorea: Sasha Latypova
Artikulu honen egilea Sasha Latypova da, Ameriketako Estatu Batuetan finkatutako farmazia exekutibo ohia.
MAHA, ‘Make America Healthy Again’, hau da ‘Egin Amerika Osasuntsu Berriro,’ R. F. Kennedy Jr.-ekin lotutako kanpaina politiko da.
Eta MAHA PAC kanpainia horren batzordea da, Political Action Committee, edo Ekintza Politikoen Batzordea.
MAHA PAC webguneak ondo iragartzen ditu «MAHA wins» edo MAHA garaipenak biltzen dituen zerrenda. Batzordea, jakina, partziala da, bere helburua POLITIKOA baita, eta horrek baztertu egiten du egia bilatzeko aukera. Hien erreklamazioak aztertu nahi nituzke eta ahalik eta objektiboen izan. Egiaztapena MAHAren helburu nagusiaren aurka egingo da, hau da, amerikarrak osasuntsuago bihurtzea. Demagun horrek esan nahi duela gaixotasunaren eragina jaistea, batez ere gaixotasun kronikoak gazteenen eta haurren artean.
MAHAren webgunean ikusi dudan lehen adierazpen arraroa:
“Amerika osasuntsu bat dago hortxe zerumugaz haratago” dio guneak.
Tikis-mikis ez naiz jarriko, baina badirudi esaldia arraro samarra dela. Normalean, berehala, laster edo eskura duzun hori adierazteko, izkinaren bueltan moduko zerbait esango genuke. Ez zerumuga. Egon al zara inoiz Lautada Handietan eta ikusi al duzu non geratzen den zerumuga? Tokitan dago, OSO urrun! Eta horretaz haratago dagoena, beraz, non geratzen da? Tira, ba ezingo zintezkeela inoiz iritsi. Horrela funtzionatzen du gure lur borobilak. Lur lauean… auskalo! Agian, horren sinistunak dira haiek? Zernahi direla ere, norbait nahiko gogor pentsatzen aritu zen lelo hori ateratzeko, zerbait nabarmendu nahian.
Jarraian, ikus dezagun zer diren haientzat wins edo garaipenak:
1
«Covid txertoak jada ez dira gomendagarriak haur “osasuntsuentzat” eta haurdun dauden emakumeentzat»
Egiaztapena: gehienbat GEZURRA
Azalpenenak;
Gai hau hainbat artikulutan jorratu dut:
«CDC issued the anticipated update to the children’s schedule for covid shots» («CDCk haurren covid txertoen egutegiaren eguneratze aurreikusia argitaratu du.») Sasha Latypova, maiatzak 30. (Hemen osoa ingelesez).
«Eugenics for Dummies, aka HHS’s “Evidence-Based Approach” to covid shots.» («Eugenesia tontoentzat, edo osasun sistemaren “Ebidentzian Oinarritutako hurbilketa” haurrentzako covid txertoetara.») Sasha Latypova, maiatzak 28. (Hemen osoa ingelesez).
Egiaztapena: gehienbat GEZURRA: MAHA PACek arrazoi du Robert F. Kennedy Juniorrek horixe “iragarri” zuela, hori bai. Hala ere, zerbait iragartzeak ez du errealitate objektibo bihurtzen. “Garaipen” hau, egia esan, benetako garaipen edo aurrerapen baten AURKAKOA da, Amerikako amen eta haurtxoen osasunaren hobekuntzari dagokionez. Zehazki, FDAren politika (Food Drug Administration delakoa, Estatu Batuetakoa), idatzi eta argitaratu den bezala The New England Journal of Medicine aldizkarian, ez dator bat Kennedyren adierazpenarekin eta haurdunaldi GUZTIAK “osasun-egoera azpiko” gisa tratatzen ditu, hau da, gaixotasun bezala, “babes extra” bat jasotzeko modukoa:
FDAk Kennedyrekin duen desadostasunaz gain, CDCk ere kontra egin dio zuzentarauaren aplikazioan. Hona hemen zentzuzko azalpen bat, harritzekoa den arren beste argitalpen liberal woke honetan datorrena, filtratutakoaren inguruan:
« 58 segundoko bideoan, sare sozialetan argitaratutakoa maiatzaren 27an, asteartea, Kennedyk esan zuen alde bakarrez ezeztatzen zituela CDCren gomendioak, haur osasuntsuek eta haurdunek COVID-19aren aurkako txertoak jaso ditzaten.
“Ezin nuen gusturago iragarri, gaurtik aurrera, haur osasuntsuen eta haurdun dauden emakume osasuntsuen COVID txertoa CDCren gomendiozko immunizazio egutegitik kendu dutela”, esan du Kennedyk bideoan.
Osasun-agentziaren immunizazio-egutegiak ez zeuden eguneratuta iragarpenaren unean. Ondoren, Washington Post-ek jakinarazi zuen CDC itsu-itsuan zegoela iragarpenarekin. Bost ordu igaro ziren bideoa argitaratu zenetik eta CDCko funtzionarioek esan aurretik orri bateko “idazkaritza-agindua” jaso zutela aldaketei buruzkoa, Kennedyk sinatuta eta maiatzaren 19ko data zuena, iruzkinaren arabera.
Osteguna amaitzear zela, CDCk immunizazio egutegiak eguneratu zituen. Kennedyk bideoan esandakoari kontra eginez, CDCk ez zuen kendu haur eta nerabeen immunizazio egutegian haur osasuntsuentzako COVID-19 txertoak jartzeko gomendioa. Horren ordez, honako hau erantsi zuen: «Haur baten medikuak bat egiten badu txertoarekin eta gurasoek haurra txertatzeko duten nahiarekin, haur osasuntsuei txertoa jar dakieke» […].
Helduen immunizazio-egutegian, ikusitakoan “by medical condition or other indication” (“egoera medikoak edo beste zantzu batek” moduan) (2. taula), COVID-19aren aurkako txertoa jartzeko gomendioa grisa da orain, hau da, “ez dago orientaziorik/ez da aplikagarria”. Kurtsore bat kaxa gainean jarrita, gomendio hau ematen da: “Txertaketa atzeratu haurdunaldia amaitu arte, txertoa jartzen bada”. Lehen, COVID-19aren aurkako txertoak haurdunaldian gomendatzen ziren. Aldaketak aukera gutxiago ematen du osasun-aseguru-etxeek haurdunaldian txertoaren kostua ordaintzeko. »
Baina RFK Jr-ek sare sozialetan esaten duenaren eta FDAk eta CDCk egiten dutenaren arteko nahaste eta gatazka horiek txiki geratzen dira “vaccines for unhealthy” edo “ez-osasuntsuentzako txertoen” gai monumentalarekin alderatuz gero, zein eta hori axolagabeki mRNA injekzioetarako politika bihurtu zen.
AstraZeneca-ko zuzendaritza-bilerako audioan, (…) covid-a operazio militarra dela eztabaidatzeaz gain…
Hori gertatzen da osasun publikoaren politika orain arte izandakoaren guztiz kontrakoa delako. Txertoen politika estandarrak (txorakeria hutsean oinarritutakoak) eskatzen du haur GUZTIEK derrigorrezko txertoak jasotzea, “artalde-immunitatea” lortu ahal izateko. Gainera, arriskuak justifikatuta daudela diote, haur osasuntsuak ez baitira osasungaitzak diren eta immunodeprimituak direnen babesleku izan daitezkeelako, eta hauek ezin izango dituzte txerto horiek jaso hauskorrak direlako. Nolabait, gure haurrak erre behar ditugu “zaurgarriak” diren haurrei berotasuna emateko. Gainera, immunodeprimituen egoera izan da txertoetatik salbuespen medikoen oinarria! Osasun publikoaren historia arkaikoa gogoratzen ari naizela uste baduzu, ez naiz ari. AstraZeneca-ko zuzendaritza-batzordeko bileraren audioan, denbora batez argitaratzen aritu naizena, covid-a operazio militarra dela eztabaidatzeaz gain, Arizonako zuzendari nagusiak, Pascal Soriotek, adierazpen bat egiten du honela: “immunodeprimituak diren pertsonek ezin izango dute txertorik jaso… beraz, gure mAb-ek merkatu-potentziala dute”.
Denbora asko eman dut gai honetan, garrantzitsuena delako. Laburbilduz, “garaipen” hau porrot handia da.
1. Egiaztapena:
PORROTA
(Datorren puntuak laburrago jorratuko ditut:)
2
«Kennedyk haurrentzako formula seguruaren estandar berriak iragarri ditu»
Bai, osagai nutrizionalen berrikuspena iragarri du. Inor osasuntsuago egingo al du? EZ. Haur guztiei txerto tradizionalen 70 injekzio baino gehiago ematen zaizkie, eta ACIPeko Bob Malone eta beste batzuek RSV mAbs gehitu dituzte jaioberrientzat. Haurrek gaixotasun eta desgaitasun bat edo gehiago dituztenean injekzio horien guztien ondorioz, mRNA injekzioekin akabatzen dituzte, FDA eta CDCren eugenesia politika agerikoaren arabera. Ez du batere axola formulan zer dagoen. Ama-esnea da onena, txertorik gabeko ama batetik datorrena, baina hori ez da inon aipatu ere egiten.
2. egiaztapena:
DISTRAKZIO BAT DA.
3
«FDAk haurrentzako botiketatik eta agian uretatik fluorra kenduko du, eta elikagaien koloratzaile sintetikoak debekatuko ditu»
3. Egiaztapena: EGIA DA
4
«Presidenteak Executive Order bat sinatu du Gain-of-Function ikerketen irabazia debekatuz»
(Gain-of-Function, edo GoF, genetika eraldatzeko teknika da).
Honi buruz idatzi nuen hemen (ingelesez). Ez du berez ezer debekatzen, eta bai esplizituki baimentzen dio AEBetako armadari GoF egiten eta finantzatzen jarraitzea, 1943tik hona etenik gabe egin duen bezala. Nire irakurle guztiek badakite GoF oso ipuin errentagarria dela, jendeari burua jateko, berez autosuntsiketara daramana “kontra-neurri azkarrekin”. Nire Substack-en atal oso bat daukat zentzugabekeria honi eskainia.
Laburbilduz, 4. egiaztapena: EGIA.
5
«FDAk animalien proba krudelak amaitzea»
Idatzi nuen honi buruz hemen (ingelesez). MAHAko propagandistak benetan lotsagabeak dira. Gizakiekin egindako esperimentazioa ospatzen ari dira, drogak eta pozoi-txertoak erabiliz, ez direnak probatuko 8 sagutan ere. Nola egingo du honek inor osasuntsuago? A bai, saguak bai egongo direla osasuntsuago.
5. egiaztapena: PORROTA.
6
«Ez dago finantzaketa federalik covid txertoa aginduta duten eskolentzat»
Ez zegoen covid txertoa derrigorrezkoa zuen lehen hezkuntzako eskolarik, iragarpen hau egin zen unean. Hala ere, medikuntza eskola gehienek bazituzten edo oraindik badituzte, eta agindu honetatik kanpo geratu ziren. Galdetzen diot neure buruari: zergatik?
6. egiaztapena: ENGAINAGARRIA.
7
«Autismo-kausen ikerketa espero da 2025eko 3. laurdenean»
Ikusi nahiko nuke zertan datzan ikerketa hori. Zein da protokoloa? Nork egiten du lana? Zer datu mota berrikusten ari dira?
7. egiaztapena: ?
(Eta onena jarraian, azkenerako gordeta! – ACIP…! )
8
«Kennedyk txerto-batzordea aldatuko du interes gatazka handiak direla eta»
«2025eko maiatzaren 13a: Kennedy idazkariak CDCen ACIPeko 17 kideak, guztiak, erretiratu zituen. Txertoen segurtasunari, eraginkortasunari eta behar klinikoari buruzko gomendioak egiten dituen aholku batzordea da. Kennedyk esan zuen bere erabakia bultzatu zutela interes-gatazkek, taldeari eragozten ziotenak gomendio zientifiko objektiborik egitea.»
(CDC dira Atlantako “Centers for Disease Control and Prevention” edo “Gaixotasunen Kontrolerako eta Prebentziorako Zentroak”, alegia Pentagonoaren adar bat eta covid txertoen diseinatzaileak, besteak beste)
(ACIP, “Advisory Committee on Immunization Practices” da Txertoen Praktiketarako Aholku Batzordea)
Ez naiz honetan sartuko, ziurrenik ACIPeko kide berriei buruzko iruzkin asko irakurri dituzulako. Batzuek besteek baino interes gatazka gutxiago izan ditzakete. Badirudi batek, edo bik, nolabaiteko iparrorratz moral funtzionala izan dezaketela. Gehienak interes gatazkan daude.
Children Helath Defense-k ondo laburtu zuen ACIPeko azken bilera eta batzorde horrek emandako gomendio higuingarria, jaioberri guztientzat RSV antigorputz monoklonalen injekzioa aholkatzearena (enfatizazioa nirea):
«Atzo Merck-en antigorputz monoklonal berriaren inguruko bozketa Retsef Levi doktoreak sendagaiaren entsegu klinikoek eragindako gertakari kaltegarrien seinaleei buruzko hainbat kezka agertu ondoren etorri zen. Entsegu batean, esan zuen, 5 heriotza izan zirela txertoa hartu zuten haurtxoen taldean eta bat ere ez plazebo taldean. Beste batean, lehendik zegoen tratamendu batekin alderatuta, heriotza-ratioa 5etik 1era izan zen. Hirugarren entsegu batean, 7tik 3ra izan zen. Entseguetako batean, RSVrekin lotutako gaixotasunagatik ospitalera sartutako haurtxo txertatuak denbora gehiagoz egon ziren egoera bera zuten txertatu gabeko haurtxoak baino. Levik esan zuen horrek kezka sortzen duela txertoak kaltea egin diezaiekeelakoan, hau da, txertoak okerragotu dezakeen gaixotasuna, haurtxoentzako RSV txertoa garatzeko aurreko saiakerak zaildu dituena. Esan zuen entseguak eta gertakari kaltegarriak txikiak zirela, baina “agian kezkatu beharko genuke?”. Batzordeko zazpi kideetatik bik, Retsef Levi doktoreak eta Vicky Pebsworth doktoreak, gomendioaren aurka egin zuten, segurtasun-kezkak aipatuz. Gainerako bost kideek babestu egin zuten.»
Entseguak txikiak izan ziren, baina heriotzak benetakoak izan ziren. Benetako haurtxoak dira, “zientziagatik” hil zituztenak. Gurasoei ergelkeria leporatu diezaiekezu, Robert Malonek egiten duen bezala (ikus behean), baina pertsona horiek engainatuta daude. Barkatuta daude 200+ urteko txorakeriak jasateagatik, zientzialariak direla dioten gezurtiengatik, pozoia irabazien truke bultzatzen duten medikuengatik, “osasun” topaketa guztietan gurasoen kontrako jazarpena eta propaganda bilioiekin diruztatzen dutenengatik, mehatxatzen eta behartzen dituen gobernuarengandik. Bultzatzen duten horiek, mehatxatzaileak eta behartzen dutenak dira hemen benetako errudunak. Haiek dira errudunak.
Entsegu guztietan, RSV mAb injektatutako taldeetan, heriotzak kontrol taldeetan baino handiagoak izan ziren. Gainera, Mercken RSV mAb injekzioak (clesrovimab, marka Enflonsia) heriotzak, kausa guztietako hilkortasuna, goiko arnasbideetako infekzioak eta beheko arnasbideetako infekzioak handitu zituen kontrol taldearekin alderatuta. Osasun arautzaile zentzudun batek ere ez luke hau gomendatuko haurtxoentzat, eta pozten naiz ACIPeko gutxienez 2 pertsonak hori aitortu izanaz. Baina ez gaude hemen erregulatzaile zentzudunekin, hori nahiko argi dago, beraz, ahots zentzudunak bozkaz gainditu zituzten eroek, haurrak pozoitzeko asmoz farmazia-irabaziak asetzeko. Aurretik, ACIPek gripearen aurkako txertoetatik merkurioa kentzearen alde bozkatu zuen. Hori konpentsatu behar zen beste txerto bat gehituz, hil eta zauritzeko eta ezer ez saihesteko.
X-eko jende askok aurre egin zionean, Malonek oina ahoan sakonago sartzea erabaki zuen, eta jenio-lan hau sortu zuen:
Robert W Malone doktoreak: «FWIW – zerbitzu publikoaren iragarpena – bigarren belaunaldiko iraupen luzeko antigorputzak ez dira txertoak. Hau egia bat da, edozein influencerrek argitaratzen duena argitaratzen duela ere. Eskerrik asko zure arretagatik.»
Guraso guztiok: poztu zaitezte! Zuen haurra hiltzen denean, turbo-minbizia garatzen duenean edo Robert Malone-k jaioberri guztientzat onartu dituen RSV mAb-ek bestela zauritzen/ezgaitzen duenean, ez da txertoa izango zuen haurra hil eta zaurituko duena! Beraz, ez ezazue entzun antitxerto eroei (alegia ni bezalakoei), hau da zuen haurrarentzako pozoi “ona,” txertorik gabekoa.
Gure MAHA askatasun adituaren aipamen gehiago egin nahi nuke:
“25 mila ume egunero mRNA ziztada jasotzen. Oraindik ere! Motherfucker.”
Ea Malonek: “Ezin sendatu ergela (gurasoak)”
Robert Malone maitea, ACIPek gomendioak ematen al ditu guraso guztientzat edo guraso ergelentzat bakarrik?
8. Egiaztapena: ZITALA.
Eta bukatzeko
Azkenik, HHSko administrazio berriarekiko bidezkoak izateko, badaude nire ustez garaipen esanguratsu batzuk,
GAVIri finantzaketa kentzea, adibidez.
Egia izanik, arrazoiren batengatik, AZKEN hau ez dago MAHA PACen garaipenen zerrendan!
Jatorrizko argitalpena:
«MAHA scorecard: First 6 months of Trump Admin appointed HHS.»
Autorea: Sasha Latypova
(Itzulpena eta maketazioa: Kote)
