Duela hiru urtetik datorren asmoa betez eta Elosuko baraualdian erabaki genuena errealitate bihurtuz, azkenean Independentearen ale berezi bat, papereko lehena, lortzeko aukera izango da aurtengo Durangoko azokan, abenduaren 7tik 10era. Bila gaitzazu azoka horren sarreretan, ertzetan, hor egongo gara nahi duenari ale bat emateko prest.
Papereko edizioa izango da; 2020an (eta geroago ere bai) Independentea “komunikabide bat ez zela” esatera ausartu zirenen malurrerako. Ez dakit zer izango den haientzat “komunikabide bat”, baina pandemiak zerbait erakutsi baldin badigu, hori da “gure komunikabide” gisa hartutako horiek hedabide edo fedabide huts eta hits zirela, eguneko meza geza irakurtzeko toki bat, eta ez, hain justu ere, gure artean komunikazioa errazteko bide bat. Komunikazioa, bai. Euskarazko komunikazioa.
Hori ikusi eta ikasi dugu, ez minik gabe, azken urteotan. Beraz, geurea egin behar, beste inork egiten ez zuenez eta behar genuenez. Orain paperean ere badago Independentea, eta irakurle oro gonbidatzen dugu bere herrian, auzoan, etxean, tabernan, lantokian banatzera. Euskal Herriko txoko guztietara irits dadin nahi dugu, eskuz esku pasatuz, benetako auzolan erreal autogestionatuan, ez itxurazkoan eta subentzionatuan. Beraz, ekimen honetan parte hartu nahi dutenek gurekin harremanetan jarri besterik ez dute egin behar.
Honenbestez, Independentea paperean jaso eta zabaldu nahi baduzu, Durangotik pasa edo/eta info@independentea.eus-era idatzi, eta plazer handiz helaraziko dizugu.
Komunikazioa ekintzaren koordinazioa delako.
Independentea. Ziurrenik, beste inon irakurriko ez duzuna.
Zorionak Independentea!!!
Ze argi eta polito idazten duzun, Ihintza!
Independentea, niretzat gaur egun komunikabide nagusi eta kutuna.
Eta komunikabide izatez gain, komunitate sentipena ematen didana.
Eskerrik asko danori!
ps. Durangoko Azoka eta gero ere Independentearen paperezko aleak eskura emateko izango ditugu, Euskal Herrian eta munduan zehar zabaltzeko. Busturialdean eta Bilboaldean inork nahi bal(it)u, esan!
Aurrera!!! ✊
Argian ere emon dabe idatzia, Ihintza, zorionak danoi!
https://www.argia.eus/albistea/independentearen-papereko-edizioko-lehen-alea-banatuko-da-durangoko-azokan?mtm_campaign=Fedibertsoa
Izugarri pozten naiz, pauso bat gehiago ,eta oso garrantzitsua, Zorionak.
Ze polita izan den Durangon Independentearen paperezkoa banatzen ibiltzea, eta ondoren talde-lagunekazko bazkaritxua!
Gogoan piztu zaizkidanak:
& lehengo inpresioa: “ze ederra!” Zorionak!
& bitxialditik isil-urrun sentitu dodazen lagun zahar ugariri eskura emotea, aurrera ausart urrats-zubi eginez
& jende anonimo askori lehen barri emotea, bada Indeendentea!
20-30 urte inguruko askori emotea
& eskatzen urreratu diren bakanei emoteko poza, artean, bereziki, Ipar Euskal Herriko koadrila bati, eta ondoren Jon Eyherabide eta rapaz mintzo
& paperezko aleak bildu dituen hainbeste idatzi bide erakusle agertzea (asunei buruzkoa kontra-azalean). Independentean horrelakoetan espezializa gaitezen, media menpekoan horren zabalduta dagoen “ilunegikeria” gaindituz. Argitaratzekoetatik erditik gora argi emole eta ekin-piztaile egiteko gai ote gara?
& irudi eta argazki aukeraketa eta lanketa bikaina!
& baraualdiaren balioa
Euro baten jarriko bagenu (sinbolikoa, eta balio ematen diona egindako lan ederrari) hurrengo baten, eta “Estra, estra!”alai jostari ahots ozen argiz aireratzea opari-barri pozgarria (irudi honetako estiloan: https://www.alamy.com/1930s-winter-street-scene-of-man-wearing-pawnbroker-sandwich-board-t238c-har001-hars-old-time-frozen-nostalgia-media-old-fashion-1-square-communication-cool-information-billboard-jobs-copy-space-full-length-persons-males-risk-corner-americana-main-pawnbroker-wintertime-downtown-skill-marketing-occupation-skills-exterior-employment-occupations-street-corner-business-man-business-men-business-people-sandwich-board-small-business-businesspeople-daytime-frigid-advertiser-advertise-icy-bad-weather-daylight-foul-weather-merchandise-mid-adult-mid-adult-man-philly-season-solutions-har001-main-street-image442325718.html?imageid=6D0DA428-6513-4E48-91DF-8BFF4E7F6033&p=38057&pn=1&searchId=dbf5f175b22a2f79e700c3fa16f208bd&searchtype=0)?
Eskerrik asko parte hartzeko gonbiteagatik!!
Aurrera bolie
Hurrengo baraualdira josteko makinak eroan ezkero “Extra! Extra!” hurrengo azokan banatzeko argazkiko moduko amantal batzuk josi ahal doguz…😊.
Nik ere emozioz bizi izan dot ilusioz, maitasunez, duintasunetik eta barne koherentziatik guztion artean egindako proiektu berezi honen parte dan Durangoko esperientzian parte hartzea.
Aurrera…