HONTZA

Eztabaida publikorik gabe, ezin oinarrizko eskubideak bermatu

Hontza, giza eskubideen euskal behatokia, koronakrisi edo diktadurarenpeko eskubide-urraketak jasotzeko jaio zen 2021eko irailean. Hona ekintza proposamenak

5

Mati Iturralde

Familia-medikua. Zuia

Duela urte eta erdiz geroztik bizi dugun egoeran, Hontza elkarteko kideok pentsatu genuen gure lehen hausnarketak hauek izan behar zirela: zergatik iritsi gara honaino? Zergatik ez da egon hemen, Euskal Herrian, erakunde publikoetan gutxienez, planteamendu propio bat, Madrilgo aginte bakarretik agindutakoa itsuki jarraitu behar ez izateko?    

Bigarrenik, ondokoa planteatu genuen: zer gertatzen ari da gure herrian iritzi monolitiko bat eta bakarra plazaratzeko esparru desberdinetan? Hilabeteak pasatu dira, izugarri datu pila izan ditugu, baina hausnarketa propiorik ez. Are gutxiago: ez da egon eztabaida publikorako tarterik. Eta hori oso kezkagarria da. Izan ere, gure hausnarketan ikusten dugunez, benetan oinarrizko giza eskubideak ez dira bermatzen ez baldin badago gardentasunik eta ez baldin badago eztabaida publikorako aukerarik.

Behin eta berriro aurkeztu da zientzia bloke bat balitz bezala, eta behin eta berriro ukatu da eztabaida hori zientziaren izenean. Baina, neurri handiagoan ala txikiagoan zientzietan aritu garenok, behintzat, badakigu zientzia eztabaida bat dela, hipotesien arteko eztabaida bat, eta ateratzen diren konklusioak aldakorrak direla beti. Beraz, ez dago egia esentzial bat zientzian oinarrituta. Momentu bakoitzean dagokion azterketa egin behar da, momentu horretan komunitate zehatz batentzako egokiena izango den erantzuna zein den jakiteko.

Honenbestez, guk, pandemiaren inguruko aipatutako estrategia ikusita eta giza eskubideetan zituen ondorioak ikusita, Hontza elkartea eratzea erabaki genuen, eta aurrerantzean burutu beharreko ekintza batzuk proposatuko ditugu. Ekintza hauek honela sailka daitezke:

  1. Postontzi moduko bat izatea, jendartean sortzen diren kezkak, salaketak, minak jasotzeko eta nolabait bideratzeko.
  2. Aholkua eta laguntza ematea. Bai erakunde publikoei eta bai gizarte-mugimenduei honetan laguntzeko prest gaude.
  3. Ikerketa batzuk egiteko ere prest gaude (gure lehen ikerketa laster plazaratuko dugu). Ikerketa hauek gizarte-eremu bakoitzean eta jakintza-arlo ezberdinetan gertatzen ari dena aztertzera bideratuta egongo dira, eremu bakoitzean zer gertatzen ari den ikusteko, eta zein elementu ez datozen oinarrizko giza eskubideekin bat. Ikerketen txostenekin saiatuko gara gai horiek plazaratzen eta eztabaida irekia sortzen, behar dugu-eta.
https://hontza.eus/

Bukatzeko, esango nuke oso sentiberak garela, eta Euskal Herriko komunitatean, gainera, sentiberatasun berezia dagoela sufrimenduarekiko. Uneotan covid-arengatik hil direnei omenaldi bat egiten arituko dira Gasteizen. Guk esaten duguna da bakoitzak bere ardura hartu behar duela, eta jakin behar dugula zein ondorio ekarri dituen estrategia honek azken urte eta erdian gure bizitzetan, pobrezian, pertsona babesgabeengan edo edo babes gutxikoengan, etorkinengan… Honen guztiaren ardura erakundeek hartu behar dute, bai, baina baita guk ere, gizarte gisa, eta gizarte solidario baten kulturatik abiatuta konpondu behar dugu.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

5 erantzun “Eztabaida publikorik gabe, ezin oinarrizko eskubideak bermatu” bidalketan

  1. Idatzi honek planteatzen duen lehen puntuari dagokionez, erantzuna nahiko nabarmena da: dena aginte bateratu baten gidalerroen pean dago, eta “erakunde publiko” horiek isilpean mantentzen dituzte, diru-kopuru astronomikoak emandaz (ustelkeria). Eta kasu batzuetan, hertsadudaren eta mehatxuaren bidez, beldurrez geldituta edukitzen dituzte.
    Hori, kontuan hartu gabe atzerriko indar armatuek okupatutako herrialde batean, ordena guztietako aparatuekin, gure kasuan bezala, publikoa edo pribatua kimera bat dela. Dena Frantziak edo Espainiak arautzen dute. Estatu horiek, gaur egun, botere haiek baino handigoa menpean daude eta beren ekintzak koordinatzen dituzte, non gobernu guziek unisonoan, oso antzeko diktadura-neurriak aplikatzen dituzte. Men egiten dioten aginte bakar baten existentziaren froga.

    Bigarren puntuan, errealitatearen perzepzioa ageri da parrafo honetan. Izan ere bertikaltasunaren jaio eta hazi den gizartea gara horrek dakarren guziarekin: herri gisa dugun boterea elite politiko, ekonomiko eta propagandistikoei eskuordetzea eta norabide berean doan irakaskuntza eta hazkunde-ereu bat. Horrek estamentu agintari eta totalitario horiekiko obedientzia itsua dakar, herri honen jokabide politikoak zuzentzen dituen planteamendu lineal baten aurka. Eskubideei dagokionez, herri okupatu bat umezurtza da haiengandik. Nazioarteko legeetara jo badezakegu ere, baina ez dezagun ahaztu euskal herri gisa, nabar Estatu gisa ere ez dugula horietan parte hartzeko eskubiderik.

    Ekintzei berez dagokionez, laudagarria eta beharrezkoa da zuzenbide-bakarreko gatazka honen biktimei laguntza ematea eta premiarik eta interesik handieneko eztabaida bat abiarazteko exijitzen jarraitzea, Hontzak proposatzen duen bezala.

    Hori bai, ohar pare bat: Zergaitik erabiltzen da pandemia terminoa?
    Hori da hain zuzen ere etsaiak herritarren aurkako gerla hau hasteko duen lehergailua. Edo ez dago etsairik, ezta gerlarik ere?
    Utz diezaiogun bere arma hilgarria ontzat emateari.
    Modu ziniko eta maltzurrean aldatu behar izan dute, egiten duten guzia bezala, pandemia terminoaren zentzua. Hau da, ez da planeta mailan gaixotasun bat denbora errealean eragiten duen hildakoen kopurua, baizik eta “orain” pandemiaren deklarazioa kutsadurei lotuta dagoela. Inoiz ikusitakoa! Horretarako, suntsipen eta engainu handiko arma (PCR) ateratzen dute eta dena zeta bezala doa: Pandemia izendapen “berria” onartu eta pcr-sen aurka despotrikatu?
    Zuzenena pandemia horren existentziari buruzko gezurra desmuntatzea da. Txakurra hil ondoren akabo amorrua.

    Gauza bera gertatzen da birusaz naturaltasun osoz hitz egiten denean. Zer birusez ari gara? SARS-Cov-2ri buruz? Isolatua eta beraz sekuentziatuta al dago? Etsaiarekin, “fair play”-a oso desegokia da.

    Bukatzeko, “covid” delakoagatik hildakoei omenaldia? Edo Identifikazio eta Kontrol Digitaleko Vaccinal behi-kontrol Organikoari omenaldi bat egiten amaitzeko tranpan erortzen ari gara?
    Gerla honetan eraildokei egin diezaiekegun omenaldirik onena, gizateriaren aurkako krimen hauen arduradunak eta kolaboratzaileak Nazioarteko Zigor Gortera eramatea da.

    1/ Covid-19 gerla-estrategiari buruzko dokumentu guziak desklasifikatzeko exijitzea eta gerla horretan inbertitutako zenbateko ekonomiak, haien jatorria eta destinuak aurkitzea.
    Baita agiri horien justifikazioa ere.

    2/ Herriaren esku dauden agiriekin, nazioarteko instantzia judizialei dei luzatzea eta exijitzea arduradun eta kolaboratzaile guziak atxilotzeko agindua eman dezaten, Nazioarteko Zigor Gortearen aurrean eramateko helburuarekin.

    Helburu estrategiko hori lortu aurretik, ados jarri beharko dugu halakotzat hartzen badugu eta beraz, ez diegu etsaiari sekulako abantailarik emango. Helburu estrategiko horretara iristeko, helburu estrategikoarekin kontraesanean ez dauden urrats taktikoei ekin eta ekin beharko zaie.

    Gure estrategiak etsaia igatu eta ahuldu behar du gainezka egiteko politikaren bidez eta aldi berean, deskonektatuta eta isolatuta geratu behar du haien kontrol eta errepresio aparatu guziak, asko baitira.

  2. Karlo holako bat Bilbon 22an egingo dogu. Ba, idazten bakarrik pentsetan dot ez dogula gauza handirik lortuko.

  3. Ez dakit lehenago galdetu dudan…

    Zentroetan ez bada egiten TXERTATU//EZ-TXERTATUEN ARTEKO BEREIZKETA-IKERKETARIK, Mati Hontzakoak dioen bezala, nondik atera ditu datu global horiek Gobernu Zentraleko Osasun-Erakunde Ofizialak?

    Hau ere PATRAINA patrainatsua?

  4. Josu! Nire ustez, txertatu eta ez-txertatuen arteko bereizketarik ez da ematen Osasun sailatik, bere Covid txostenean (opendata). Beste gauza da datu hoiek Gobernu zentralak zuzuen jasotzea Osakidetzatik. Dena den, kontraesanak ikusten dira ateratzen diren informazio global hortan eta hemen zuzen jasotzen dugunarekin. Adibidez, umearekiko hilkortasuna: bere momentuan egin zuten akatsa (Gobernu zentrala) izan zen 100 urte baino gehiago zituzten hildakoak ume txiki bezela kontatu (102 urtekoak 2 urte bezala; 101 urtekoak urte batekoak bezala) BMJ aldizkaria eskatu zien zuzenketa baina kopuru globalean ez ziren zuzendu…

Utzi iruzkina

Azken artikuluak