INDEPENDENTEAn idatzi nuen lehen artikuluan (Noren eskuetan gaude?) nire umezurztasun politikoa adierazi nuen, totalitarismotik antolatutako plandemiaren aurrean gure alderdi abertzaleek kritikarik gabe onartu zituztelako gure eskubideen aurkako neurri larriak, COVID pasaportearena adibidez. Goizuetan konturatu nintzen ez nintzela umezurtz bakarra. Osasun arduradunek ere muzin egin zioten eztabaida zientifikoari, eta, “negazionismoa”ren aitzakiarekin, ARN mezularidun terapia esperimentala onartu zuten, edonori emateko gainera, umea izan zein emakume haurduna izan.
Batzuetan idatzi dut (Bidean galduak, Ezin da) noraezean genbiltzala, bertoko erreferentziarik edo lidergorik ez zegoela. INDEPENDENTEAren orduko jazarleek, euskal “rastreadoreek” (Terapia), hasieran argi zuten sorgin-ehizarako aukerak zein ziren, eta irtenbiderik gabeko egoera batera eramaten gintuzten. Ikuspegi horretatik argitaratu nuen boto zuriaren aldeko idatzia (Totalitarismoaren aurrean boto zuria), etorriko ziren hauteskundeen egutegiari begira zerbait adierazteko, zerbait egiteko. Artikuluen erantzunetan abstentzio aktiboaren aldeko jarrerak agertu ziren.
Jazarleek, euskal “rastreadoreek”, argi zuten sorgin-ehizarako aukerak zein ziren, eta irtenbiderik gabeko egoera batera eramaten gintuzten
Geroztik, Bizitza plataformako eta plataformatik kanpoko jendeak bi ekimenetan parte hartu du: Burujabetza eta Auzokrazia/Eguzkilore. Denak ere, batzarrean oinarritutako kontraboterea sortzeko asmoarekin. Dirudienez, hauteskundeetako aukera zabaltzeko asmoz ezkutuan zegoen alderdi baten erabilerak (Stop) eta boto nuluaren aldeko jarrerak disidentzian arrakala sortu dute.
Dena den, arrazoi asko daude gure desadostasuna eta haserrea adierazteko, baita hauteskundeetan ere. Eta botoak gure indarra edo ahulezia neurtzeko balioko digunez, horregatik bada ere, Auzokraziarekin aurkeztuko naiz Bizkaiko Batzar Nagusietarako, baina botoa berdin eskatuko nuke Burujabetzarentzat zerrendak eratzea lortu duen herrietan, edo Eguzkiloreren alde Nafarroan. Ez gaude zatikatuta egoteko moduan. Munduko agintariek, 2030 Agendaren bidez, etorkizun beldurgarri batera garamatzate, eta plandemiaren esperimentua merke atera zaie. Horregatik ez nago prest ni etxean gelditzeko maiatzaren 28an.
Angel Bidaurrazaga Vandierdonck
Eskerrik asko Angel, eta ados esaten duzunarekin. Pena da euskal “disidentzia” osoa batera ez joatea baina, gauzak horrela, zuen aukera onenetarikoa dela uste dut. Pozgarria da niretzat nire ikuspuntuak dauzkan norbait bozkatu ahal izatea. Eskerrik asko berriro!
Alderdia eta Batzarra bateraezinak dira: kontraesana da bere horretan, printzipiozko errorea. Hau ozenki esan beharra dago, hasteko. Inork kontzeptuak interesatuki zikindu ez ditzan. Izena eta izana, ez ahantz.
Aurrekoagatik, nire ustez, alderdi politiko bat demokraziaren oinarriekin berekin da bateraezina. Demokrazian herritar libre bakoitzak errepresentatzen du bere burua, eta ez dio inori bere erabakia delegatzen. Izan ere, ezin diozu zure burujabetasuna inori eman, edo subjektu oso izango bazara zure erabakia ezin da inori zure erabakimena ematea izan. Era horretan herritar izateari uzten baitzaio, subdito izatera pasatzeko.
Beraz, nik partikularki ez diot nire errepresentazioa utziko, nori eta alderdi bati, alderdi baten oinarri fundazionalak printzipio demokratikoen aurkakoak direlako.
Nire ustez, bi modutara da okerra planteamendua: filosofikoki da okerra, honaino azaldu bezala. Eta halaber, estrategikoki da okerra, erakunde egitura estatal hauek sorreratik direlako ustelak eta antidemokratikoak. Hori dagoeneko ongi daki gehiengo batek, baina zinikoki jarraitzen du, mirabe koldar andanak, erritual sustraituetan parte hartzen.
Baina bakoitzak ikusiko du, ikusi beharra daukana, ikusi behar duen garaian. Superstizio oso errotuei aurre egitea lantegi handia da, nekeza oso, eta garai ilunak dira dialektikarako. Baina eskubidea eta askatasuna ez dira negoziatzen, inongo testuingurutan.
Oinarriak oinarri, oinarririk sendoenak tinko dirau, boterea erabiltzen ari denarekin, kolaborazio aktiboak dirauen bitartean. “Colaboración con banda criminal” deitzen diote batzuk.
Idatzi duzunarekin guztiz bat etorriz, niretzat penagarria da egoera batean burugogorkeriak gizartea birsortzeko beharra gainditu izana.
“Plandemiaren esperimentua merke atera zaie”
Horregatik, nerau ere boza emotera joanen naiz, STOP-Auzokraziren eskutik.
Plandemiaren esperimentua MERKE ateratzearen arrazoi erabakiorra “Ezkerra” deritzonaren desertzioa izan da, hala ezker politikoarena, nola ezker medikoarena
ATX,
ARRANOPOLA!
Ez dela egon zinezko Ezker europarrik.
GURE jarrerak banaketa eragin dezakeela?
Agian, baina “hobe da zutunik hiltzea, belauniko bizitzea baino”
Arranopola!! Josu STOPeko luzifertxoarekin zoaz? Hobe da gurutzean hiltzea, belauniko bizitzea baino. Txarrena Mundakan bizitzea.