Zergatik bozkatu AUZOKRAZIA-STOPeri?
Biziraupenagatik. Totalitarismoaren gidariei ez zaie axola, plandemiaren iruzurraren bidez, gure osasuna arriskuan jartzea, terapia geniko bat den inokulazio esperimentalaren bidez, gizakiok laborategiko saguak izango bagina bezala eta gure erabakitzeko eskumena kenduz.
Eskumenak berreskuratzeko. Azken hamarkadetan boterearen birxurgapen bat egon da, herri-mailatik interes pribatuaren aldeko erakundeetara. Davoseko foroa, Nazioarteko Diru Funtsa edo Osasunaren Mundu Erakundea bezalako teknokapitalismoaren estalkietatik eztabaidaezinezko neurriak inposatu dizkigute.
Askatasunagatik. Segurtasunaren edo osasunaren aitzakiekin gizarte kontrolatuago batera garamatzate, COVID ziurtagiriaren QR-arekin gertatu bezala, zeinak, zoritxarrez, alderdi politiko guztien onespena izan duen.
Fidagarritasunagatik. Botereari men egin dioten alderdiek zein hedabide publikoek argi utzi dute ez dutela arazorik eduki zentsura bultzatzeko arlo guztietan. Ildo ofizialaren monoteismo bat inposatu dute; 2030 Agendarekiko agertzen duten atxikimendu akritikoa ikustea besterik ez dago.
Ezagutzagatik. Kritika eta debateak desagertu egin dira plaza publikotik. Konfinamendua eta osasun histeria bultzatuz, gizartea narkotizatu dute hipnosi kolektibo bat sortuz eta mundu diktadura bat ezarriz. Hori guztia, alde bakarreko errelatoa jarraituz, transhumanismorako bidean.
Humanismoagatik. Gizaki sumiso eta robotizatu baterako neurriak eta aholkuak gure izaeraren aurka doaz. Adimen artifizialaren bidez, gure pentsatzeko eta sentitzeko gaitasunaren galera sakonduz doa.
Euskal nortasunagatik. Gure txikitasunetik, batzarraren bidez, behetik gorako agintea berreskuratu nahi dugu, gure talde izaeraren balioak goraipatu nahi ditugu.
Balioengatik. Diru gosean oinarritutako indibidualismoa ez dugu atsegin; elkartasuna, errespetua eta askatasuna beharrezkoak ditugu garai hauetan. Ezin dugu gehiago galdu.
Egiagatik. Hainbeste gezurren artean, egia behar dugu, ezagutza eta eskubideak berreskuratzeko. Horregatik, behintzat, Auzokrazia-Stopen alde bozkatu beharko genuke.
Angel Bidaurrazaga Vandierdonck
Zinez bitxia eta liluragarria gertatzen zait, beste batzuek alderdi horri ez bozkatzeko hautua egiten dutela ikustea, nolatan eta… zehazki arrazoi berberengatik. Hain justu.
Eta orokorrean ere, beti eragiten dit harridura jendearen jokaeren konstatazio horrek: ekintza guztiz aurkakoetara heltzea, motibazio edo arrazonamendu berberetatik abiatuta.
Badute funts eta fundamentu eta ematen dute tertuli/eztabaidarako lehengarik aipatzen duzun taldeari botoa emateko arrazoiek, Anjel baina bultzatzen duzun plataforma politiko horren aurkezpen batean heziketa sexualari buruz entzundakoa kezka handia sortu dit, eta galdera da: noiz eta nork behar du heziketa sexualaren hartzaile? Nola da heziketa sexualaren “gauza” hori? Eske niretzat hain funtsezkoa eta oinarrizkoa da giza sexualitatearena jendartearko giro osasuntsua erdiesteko. Besterik gabe, askatasuna eta osasuna opa dizkizut. Izan ongi.
Kuriosoa, justu nik ez dut botorik emango eta botoa ez emateko deia egiten dut, zuk bozkatzeko planteatzen dituzun arrazoi berberengatik. Zalantzarik gabe, zu asmo oneko norbait zara. Beraz, hauteskunde-gaietan desberdintasunak egon arren, nire errespetu osoa merezi duzu giza zentzuan.
Azken hiru urteetan bizi izan dugunak arrazoi asko eman digu zigor-botoa eman nahi izateko. Nire kasuan beti bozkatu dut 18 urte bete nuenetik, baita nire botoa “nulua” izango zela nekienean ere. Eta oraingo honetan, uste dut oihu ozen eta argi bat egin behar dudala denek (batez ere, “gure” politikoek) jakin dezaten ez dugula barkatzen pairatu dugun traizioa. Zein den horretarako aukerarik onena? Batek daki, baina nago onena izango zatekeela estrategia bateratu bat koloreen gaineko disidentzia osorako. Pena da hori ez bideratu izana. Botoa zuriarena kontuan hartzekoa zen, nire ustezabstenzioarena baino askoz eraginkorrago. Baina Angelek planteatzen duena ere, nahiz eta erantzun unitarioa ez izan, kontuan hartzekoa da eta Stop-i bozkatzea zaplazteko ederra izan daiteke merezi dutenentzat.
Angel:
STOPen bideo eta orria arakatzen aritu naiz eta euskarari ematen dion trataera tamalgarria iruditu zait. Tentatzen gintuen baina beita ez zaigu gustatu,
Bingo, Asier.