Boto Zuria

Totalistarismoaren aurrean BOTO ZURIA

Mundu-mailako larrialdiaren prentsaurrekoaz ez da inortxo ere enteratu, ezta eskoletako protokoloaren kontrako manifestuaz ere. Benetako agintariek hedabideak eta alderdiak izan dituzte haien esku, eskumatik ezkerrera.

6

Angel Bidaurrazaga Vandierdonck

Medikuntzan doktorea, EHUko irakasle ohia. Bilbo

Nori bozkatuko diogu datorren urtean? Pandemiaren ondoren zein alderdirengan sinistu dezakegu? Euskal legebiltzarretan (EAEn eta Nafarroan) edo Espainiakoan dauden alderdiek zer egin dute azken hiru urteetan? COVID 19 pasaporte lotsagarria onartu dute, gure askatasuna inoiz pentsatuko ez genukeen moduan mugatu dute terapia geniko (“txerto”) arriskutsu bat inposatzeko gizartean, zentsura eta jazarpena babestu dituzte ildo ofizialetik kanpo agertzen zen edozeinentzat, faltsukerietan oinarritutako diskurtso absolutua hedabideetan babestu dute eta NMFren (Nazioarteko Moneta Funtsa), Davosen edo munduko eliteen agendari jarraitu diete. Izuaren eta beldurraren bidez, Mattias Desmet psikologoak azaltzen zuenez, hipnosi kolektibo batera eraman gaituzte eta sekulako neurriak eta terminoak (kutsatzaile/gaixo asintomatikoa, adibidez) onartu dira, egoera arrazional batean atzera botako genituzkeenak.

Zentsura eta jazarpena babestu dituzte ildo ofizialetik kanpo agertzen zen edozeinentzat

Pandemia hasi zenean, aitortzen dut iritzi kritiko batzuengan ez nuela gehiegi sinisten; esaterako, esajerazioa iruditzen zitzaidan gizartea dominatzeko gaixotasun bat erabiltzearena, irabaziak gehitzeko, kontrola zabaltzeko edo zentsura ideologikoa eta zientifikoa garaitzeko. Baina nire usteak motz geratu ziren, eta, gertaerak ikusita, panorama ezin etsigarriagoa dago munduan, eta are gehiago gure txokoa den Euskal Herri honetan. Ezarri diren neurri zorrotzenak hemen ezarri dira, gaur egun oraindik “txertoa” zabaltzen ari dira nagusiengan zein umeengan (!!!). Hilkortasunaren eta gaixotasun batzuen gehikuntzak ezkutuan jarraitzen du gehiengoarentzat. Mediku batzuek munduko larrialdi medikuaz egindako prentsaurrekoaz ez da inor enteratu, ezta eskoletako Covid 19 protokoloaren kontrako manifestuaz ere.

Hilkortasunaren eta gaixotasun batzuen gehikuntzak ezkutuan jarraitzen du gehiengoarentzat

Honen guztiaren atzean erabaki politikoak daude, eta benetako agintariek hedabideak eta alderdiak izan dituzte haien esku, eskumatik ezkerrera. Datorren urteko maiatzaren 24an hasiko da hauteskunde zikloa, Udaletakoetatik hasita, Espainiakoak, Europakoak eta euskal Legebiltzarretakoetara. Eta zer egin beharko dugu? Gehiengoari jarraitu eta abstentziora jo? Badirudi kide batzuek plataforma bat eratu nahi dutela, baina ez dakit noraino heldu daitezkeen, udal batzuetara edo, agian, probintzia edo Aldundi batera. Baina, hori gauzatzen ez den bitartean, boto ZURIAren bidez adierazi dezakegu gertatutakoarekin gure desadostasuna eta haserrea. Gainera, maiatzaren 24an bi bozketa egin behar ditugunez egun berean, agian gure ohiko alderdiari eman diezaiokegu bozka Udaletxean, eta boto zuria Aldundian edo Parlamentuan, horrela alderdiek ere aukera izan dezaten bere sinesgarritasunaren galera zenbatzeko.

Norbaitek autokritika eskatu die alderdi politikoei, bereziki ezkerrekoei. Alor honetan, gure subiranotasun gabezia izugarria izan da, baita alderdi abertzaleetan ere. Zoritxarrez, ez dut uste aldaketarik egongo denik, eta, halabeharrez, bozkatzeko orduan, nire hautua boto ZURIA izango da. Ez nago prest inori bere jokaera politikoa zuritzeko. Autoritarismoari aurre egin behar zaio, bestela galduak izango gara etorkizunerako.

Angel Bidaurrazaga Vandierdonck

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

6 erantzun “Totalistarismoaren aurrean BOTO ZURIA” bidalketan

  1. Oso artikulu ona, gai giltzarri bat mahai gainean jartzen duena. Dena den, nik bozkatu, argi daukat ez diodala alderdi politiko, koalizio edo plataformari egingo. Orain plataforma bat sortzea, batzuen ideia xenofobo eta arrazistak ikusita, dardarka hasteko modukoa da. Beraz, boto zuria edo abstentzioa geratzen zaigu. Zer alde dago bi aukera horietan? Ondorio praktikoetan eragina izango al du azken emaitzetan? Eta politika hiltzaileak geldiarazten? Nik ezetz uste dut, beraz, bi aukeren artean nahiago dut joko nahasi demokratikoan ez parte hartzea eta abstenitzea. Abstentzio aktiboa, ez bozkatzea, ez du esan nahi ezer egin gabe geratu behar denik, esan nahi du politika herritik egin behar dela, bere arau amañatuak eta erakunde ustelak alde batera utzita. Nire aldetik, abstentzioa eta desobedientzia eskatzen ditut, eta zuzeneko ekintza baketsuak.

  2. Gizartetik bota nahi izan gaituztenak ez dezatela guregandik ezer espero. Oso argi ikusi dugu noren alde lanegiten duten, elite kapitalistaren morroiak baino ez direla, batak eta besteak. Pikutara joan daitezela betiko, maiatzean eta azaroan ere.

  3. «El día de votar, bota; sobre sus cabezas» jotzen genuen altzibarko talde punkian, orain inoiz baino argiago barneratuta eta, berandu bada ere, aplikatuko dudan letra, joder, bota sobre sus putas cabezas de sicópata, aurtengo zorigaiztoko urte honetan, sei ezagun gazte joanda, artean “vota, bota” gitarreatzen zuena, taldeko gazteena zeinekin parrandan egon ginen eta aste berean bapatitisa jota joan zaiguna, ezustean, ezin sinetsi.
    Vota, bota, bai. https://matxinadafanzine.bandcamp.com/track/04-vota-bota
    Aingeru, Ioritz, Etxepe, Txema, Eli, Amaia, ezin sinetsi, gure baitan bizi zarete.
    Eta Ogrue ere, ezin sinetsi, aurtengo ikuskizunari izena jartzeko behar zaitugu, dominoa? zer da hau?

  4. Batzuok geure botoa betiko alderdiari emongo deutsagu. Ez dogu eskuin edo eskuin muturreko gobernurik gura. Hasieran geure eskubideak zapalduta izan eta gero ez bozkatzea erabaki genduan. Baina denbora joan ahala Osasunaren Munduko Erakundearen portaera ezetuta, geure moduan bizitzen euren pandemian ikasi genduan. Gero Medikuntzaren historiaz gogoratu ginan eta txertaketa gai oso polemikoa beti izan dala konturatu ginan. 1885ean Leicesterren baztangaren txertaketaren aurkako manifestazino handia izan zan , garai haretan txertatzea derrigorrezkoa zan, eta ez txertatzearen ondorioak: isunak, kartzela eta ondasunen enbargoak ……ziran. Azkenean derrigorrezkoa ez izatea lortu eben. Jende askok , pentsetan eben baztanga saihesteko erremediorik onena : osasun-baldintza hobeak, elikadura ona, ur asko erabiltzea, etxe argitsu eta ondo aireztatuak eukitea…… zala. Laburbilduz, bai lehen bai orain alderdiak beti txertaketaren alde izan dira eta osagileak hasieran ez baina gero gehienak txertaketaren alde dagoz. Badakit txertaketaz aparte, beste gai batzuk be jokoan dagozala. Baina alderdiek teoria “ofizialista” onartu dabe, polemikan sartzea bere amaiera izango litzatekeela pentsetan dabelako. Behinik behin, kultura, eskubide batzuen alde…….egingo dabe eta guretzat be ona izango da.
    Disidentziaren plataformetan eskuin eta eskuin muturreko asko dagoz. Horregaitik hauteskundeetan aurkezteko ados egotea oso gatx izango da.

  5. Kriston argumentazio idatzi dut, eta galdu!

    Ondorioa bakarrik azalduko diat:
    1.- hauskunde KUATERNARIO hauetan, kalamitatea duk boza ematea, konpon zelaian
    Jokatzen dugulako, refere eta liniers erosita GURE kontra.
    Alferrik gabiltza zelai honetan ezelan ere ezin irabazteko.

    2.- bestalde, boza ezein ere ez ematea borroka-zelaia abandonatzea DOK, hori argi dakusat: hemen ez zegok neutral izaterik, gerra-denborak bizi baikara.

    Edo hago OTAN-Sgegorriaren alde ala Putinskiren alde. Ez zegok sbstenitzerik.
    Argi zeukeat bederen e dudala emanen ene boza Sugegorriaren alde; beraz, Errusiaren alde.
    EH mailan ere korapilo bera.
    Onena litzateke GEURE PLATAFORMATXO bat sortzea, GURE bozak bertan gomitatzeko.
    Osasuna eta topa erraiteko!

Utzi iruzkina, izen eta abizenez

Azken artikuluak