Burujabetza

Ezin da

Azken hamarkadetako inboluzioa azeleratu egin da. Zeozer asmatu beharko dugu menpekotasunetik eta ezintasunetik askatzeko.

3

Angel Bidaurrazaga Vandierdonck

Medikuntzan doktorea, EHUko irakasle ohia. Bilbo

Ezin da Iruรฑa Veleiako aurkikuntzaren benetakotasuna defendatu. Ezin da ‘pandemiaren’ kudeaketa negargarria kritikatu. Ezin dira terapia genetikoaren ondorioak (edo albo kalteak) ezagutu. Ezin da gure herri okupatu honen historia azaldu gure eskola eta ikastoletan. Ezin da ETAren sorrera defendatu edo ulertarazi. Ezin da torturatzaile damutu baten testigantza aurkitu. Ezin da kontraesanetaz galdetu, nola gure birtxertatutako lehendakariak Covid hartu duen, beste txertatutako ugarik bezala, eta iruzurra salatu. Ezin da gure aberkide batzuen monumentu edo kale izenik jarri. Ezin da espainolak ez garela gauzatu. Ezin da estatu patetiko honetatik irteteko aukeraz hitz egin gure Legebiltzarretan. Ezin dira gure telebistak ematen dituen euskalduntze berantiarra bezalako fantasia maltzurrak kontrastatu. Ezin da gure nafar independentziaren kronika zabaldu, 5 mendez okupaturik jarraitzen dugularik ordutik. Ezin dira euskal kulturzidioaren errudunak seinalatu, nahiz eta gure hirietako kale izendegietan agertu.

Ezintasunean bizitzera behartzen gaituzte herri kolonizatu honetan, non mundu mailako diktaduraren urratsak aurrera doazen, hala nola txerto-pasaportea zein Osakidetza eta Mutualiaren arteko akordio arriskutsua bezalakoak. Adimen artifizialaren ahalmenak boteretsuen esku daude, eta, azken denboran ikus daitekeenez, zentsura bideratzeko erabilia izan da, Youtubeko milaka bideo desagerraraziz. Hasierako Internet eremu askearen ametsa pikutara joan zen, Snowdenek aspaldi salatu zuenez.

Adimen artifizialaren ahalmena boteretsuen esku dago eta zentsura bideratzeko erabili dute

Adrian Zelaiak bere hitzaldietan ondo azaltzen duenez, Ukrainako gudak kapitalismoaren desbideratze feudala gogortu du, eta geopolitikaren bi indar nagusien (AEB eta Txina) lehiaren erdian atrapatuta gaude, Europaren gainbeheraren lekuko, eta gure txikitasunetik ezin dugu enbata honetatik atera, gure arbasoek Karlistadak eta Espainiako guda zibila jasan zituzten moduan. Mendeak daramatzagu gudak galtzen, baina, mirariz-edo, hemen jarraitzen dugu. Mitxelenak zioen moduan, euskararen misterioa ez da bere jatorria, bere mantentzea baino.

Zeozer asmatu beharko dugu menpekotasunetik eta ezintasunetik askatzeko, bai gure herri mailan zein munduan, azken hamarkadetako inboluzioa azeleratu egin da eta laster Espainiako gobernu aldaketak zaldien oinetan lagako gaitu. Hispanozentrismoan integratzeko darabiltzaten komunikabide eta alderdi politikoek gure izaeraren jarraipena kolokan jartzen dute, eta beste diskurtso apurtzaile baten beharrean gaude, konformismoak pentsamendu ezintasunera garamatzalako. Ezin dugu horrela jarraitu.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Ezin da” bidalketan

  1. Bi gauza bakarrik behar da gure ezintasunetik ateratzeko:

    1.- Kolonizatuak garela jabetzea
    2.- eta hori populuari transmititzea.

    Horretarako bidea, gainera, geure esku dago; horrem froga egitea behintzat.

    Soil-soilik borondatea behar da… eta bolondresak…
    KULTURGINTZA-II-2022-2025 egiteko,

    KULTURGINTZA-I-1960-70koaren antzekoa.

    Egin dezagun aproba.
    “hagamos la prueba”, Periko Solabarriak zioen bezala…
    eta abia, neska-mutilak!

  2. Josu, hirugarrena:
    5.000 herri, kultura, hitzkuntza, ekologiak …etabar daude Ama Lurran, gero ta esnatuago. Asko autodeterminazioaren bidean. Elkar harremanak garatu behar ditugu!

  3. Guztiz ados Angelekin.
    Hala ere, gauza bat azpimarratu nahiko nuke:

    “Ezin da kontraesanetaz galdetu, nola gure birtxertatutako lehendakariak Covid hartu duen, beste txertatutako ugarik bezala, eta iruzurra salatu.”

    Nire ustez “gure” lehendakariak ez du inolako txertorik hartu.

Utzi iruzkina, izen eta abizenez

Azken artikuluak