Kardabera – Sonchus oleraceus
Ezagutzen ez dutenek txikori belarrarekin nahasi dezakete, hostoen forma eta loreen antzekotasunagatik. Izena bera ere, dirudienez, biak izendatzeko erabili ohi da euskaraz. Kardabera hobetsi dugu honentzat, kardoarekin duen antzekotasunarengatik, eta izen latinoak lagunduko digu informazio zehatzagoa bilatu nahi izanez gero ere. Hala ere, erraza da biak bereiztea.
Alde batetik, txikori belarrak sustraitik zuzenean botzatzen ditu hostoak, goraka etorri gabe, eta kardaberari zurtoinean gora sortzen zaizkio, zurtoina bera biltzen dutelarik. Kardaberaren zurtoina hutsa da eta esne txuria dario. Esne honek bereizten du antzekoak izan daitezken Senezio familiakoengandik, eta beste konfusio posibleak ere sahiesten ditu.
Txikori belarra baino samurragoa izan ohi da kardabera, eta zaporez ere leunagoa, nahiz eta Sonchus asper deiturikoa Sonchus oleraceus baino latzagoa izan. Hala ere, Sonchus biak dira jangarri.
Entsaladan eta barazki bezala erabiltzen ditugu hostoa zein zurtoina, loreak gozoak dira.
A eta C bitaminan aberatsa da, eta tiamina, riboflabina, niazina, kaltzioa, fosforoa eta burnia ditu. Proteina ere bai: 100 gramo hosto lehorreko 28 gramo.
