Daramagun martxan, ez nintzateke harrituko hemendik urte batzuetara hainbat europarrek Europa utzi eta, beste kontinenteren batean lana edo babesa hartu nahi edo hartu beharko balute.
Ni, nere adinez, ez naiz seguruenera horietakoa izango baina, baldin banintz, estimatuko nuke bertakoek (joan naizen toki horretakoek) harrera ona egingo balidate. Badakit, baiki, hori erraztearren, bertakoen kultura neure egiten saiatu beharko nukeela.
Antzina, kultura gehienetan, atzerritarrari harrera ona egitea, lege bezalako bat omen zen.
Zierto, kapitalismoak, kolonialismoak, globalismoak, eta abarrek, oso desitxuratu dute gauza.
Inposatutako etorkinak, bertakoek ongi hartu beharko lituzkete? Ez baitezpada. Horrekin ados nago.
Hargatik, gauzak direnean direla (enpresarien interesak batetik, pobreen antzutzea bestetik, politikarien ezaxola, eta abar), guk gurean, etor litekeen etorkizunean, geure inguruan etorkin gehiagorekin bizi behar izatea, saihestezina dirudi.
Halako batean, gerraren batek, zelan-halango hondamendiak edo-eta gure herrialdeen segurueneko pobretzeak stopatu egingo dute Europarako inmigrazioa.
(Independentea-n azken aldian aipatu izan den iraultza komunalistak edo horrelakoren batek ere stopa lezake, inprobableagoa da baina.)
Bitartean, Afrikatik, Amerikatik eta abarretik jendeak etorri nahi izaten jarraituko du, edo etorriarazi egingo dute, eta guk, euskara ere bai noski (edo, batzuek behintzat, batez ere euskara) baina, gure pribilegioak ere zaindu nahiko ditugu…
Inmigrazioaren aurkako europar askoren oraingotxe oldean, gehienetan esan gabe doana, pribilegio ukagaitz horien eta dugun (edo genuen) kontsumo mailari eusteko nahia ikusten dut nik.
Bestalde, gure hausnarketetan edo gure mitzaldietan inmigrazioa puntumiran jartzeak, nazionalismoa eta, agian, nazioa ere bizkortu egin ditzake, baina eliteek egiten diguten hil arteko gerra bistatik galarazi ere egiten ahal digu. Etsaia zein den.
Ikuskeran dago aldea. Eta ikuskera da egokitu eta zuzendu behar duguna. Esaldi ezaguna da: Ikuskerak sortzen dizkigu arazoak.
Eskubide eta pribilegiozko gizarte neurketa eginez, gizagaixo baztertuenetik eliteetaraikoa mailak aurkituko ditugu. Zapaltzaile eta zapalduen gaizki egindako mundu ikuskera…..e.a…..e.a.
Arduraz eta emaitzaz osaturiko gizarteak ikusten baditugu. Giza garapen urria duten gizarteak ditugula ikusiko dugu..e.a. e.a….,.Arrapari-arten bizi gara.
Gizabanakoaren lana gizartea osatzen eta babestea dela esango nuke. Lurralde eta gizarte bat, ez da eskubide kontua, ardura kontua da…….Zein da arduraduna?