Pablo Sastre Forest Independentea egunkari librearen autore fundatzaileetako bat dugu. Haren Kiberen artikulua –Bihotza nora liburuan irakur dezakezuna- argitara eman ahal izatea izan zen herri komunikabide autogestionatua abian jartzeko arrazoietako bat. Testua debekatu zutela eta genuen egunkari nazional bakarrak emandako erantzuna jakinik, pozez eta itxaropenez beterik plazaratu zen 2020ko udazkenean, euskaldun ororen eskura jarrita.
Hurrengo hilabete eta urteetan etorriko zenari adi, artikuluak gehitzen joan ziren eta pentsamendu librea gure artean saretzen, fronte ugaritatik oraindik datorren ofentsiba hertsatzailearen aurrean antidoto gisa.
Bihotza nora autorearen azken garaiotako eta lehenagoko artikuluen bilduma duzu, Independentea eta Berria egunkarietan eta Argia astekarian argitaratutako lan hautatuen emaitza. Liburu hau Pabloren pentsamenduaren adierazgarri da eta oraindik izan bagaren herri askea elkartzeko -eta elkar ulertzeko- bide izan nahi du.
* * *
Liburua 15 eurotan salgai dago jada. Zure alea eskuratu nahi baduzu, egin diru-sarrera kontu korronte honetan, idatziguzu mezu bat zure datuekin eta postaz helaraziko dizugu.
Laboral Kutxa
ES60 3035 0011 24 0110149358
Onuraduna: Serios Kultur Elkartea
Kontzeptuan: Bihotza nora + zure izena
Idatzi mezua info@independentea.eus helbidera.
Elkar liburudendetan ere aurki salgai egongo da.
Opari polita gaur, gure garaipen historiko urrietako baten urteurrenean.