egoera

Gaizki hazitako nerabe lotsagabeen antzera gabiltza

‘Neu’ esan dut, benetan naizen bezala ikus nazazun. Ulertzen nauzu, ezta? Ez zaitez porta faxista!

0

Pako Iriarte

Euskeran eta bizitzan saiatua. Azpeitia

Textoinguru

Egoerari testuinguru deitzen diote. Aspalditik datorkit hitz horrekiko higuina. Pello Esnalen gutunak irakurri izan ditut, senda-bide antzera. Eta aldenduta ibili izan naiz, 2020. urtera arte, euskal-borborka-kale-sasijakintsu inguruetatik. Baina ez euskarari eta gizalagunoi dagozkigun benetako kontuetatik. Nire lanbide-bizitza suhiltzaile-lanetan amaitu izana argigarri izan zait.

OKER

Bazirudien biderik gabeko jardunean nintzela. Eta, bideak egin ondoren, ibilbideari zentzua har diezaiokegula suma genezake. Gerta liteke bizitzako zurrunbiloetan ere harrapatuta egotea, eta nondik atera jakin gabe ibiltzea. Aterabiderik badenik edo beste ezer badenik ohartu gabe, benetan oker ibiltzea.

Oker diot. Eta hitz horrek «fentaniloz» okerturik erakusten dizkiguten irudiak gogorarazten dizkit. Benetakoak ote dira? Honek guztiak pentsaraz lezake: geu ere, zenbateraino okertuta ote gabiltza?

GEU

Geu hitza esaten dugu eta irakurtzen dugu. Oraindik ere geu hitza ateratzen zaigu. Baina kontu batzuetarako. Eta kontu politikoetarako, esango nuke. Bestela, ni eta nireak dira ikuspegiak. Eta zu eta zureak, nirea errespetatzera mugatu beharrean, nirea dena baieztatzera alegia. 

Badirudi gaizki hazitako nerabe lotsagabe baten antzera gabiltzala…

Ui! Guka hitz egitera pasa naiz, neure kontuak izanik. Barka nazazu!

Neu, benetan naizen bezala ikus nazazun esan dut. Ulertzen nauzu, ezta? Ez zaitez porta faxista!!!

GAZTE NAHASTE

Semeak aitari esan zion:

— Nahiko diru ez didazu ematen, neure kabuz «independente» bizi nadin.

Eta aitak erantzun zion:

— «Independente» izatea nik dirurik eman beharrik ez izatea duk.

Zerbait oker bazebilen/k kalean,
Egin gabe diru gehiegi poltsikoan.
Burua kontu betez, hatzak «mobilean»,
Esku leunak eta besoak? Itxuran.
Asmo onez, beti izango da aukeran.
Egin gabe, hotza izango dugu neguan.
Pentsa zer darabilgun goguan,
buka nahi ez baduzu inpernuan.

Oharra: zerua edo infernua giza egoerak dira, “textuinguruaz” kanpo.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina

Azken artikuluak