etxebizitzaren auzia

Zergatik kudeatzen dira gaizki etxebizitzak?

Gertatzen ari denak ez nau asko harritzen. Izan ere, Administrazioa, jendeari laguntzen baino gehiago, dirua biltzen saiatzen ari da.

3

Patxi Aznar Bellido

Aktibista. Zarautz-Andoain

Azken garai hauetan, asko hitz egiten da etxebizitzen edo alokairuen prezio garestiez. Denok dakigu arazoa ez dela oraingoa; adibidez, putre-funtsen sarrera Mariano Rajoyen gobernuarekin gertatu zen, eta orduan ere, hiri-errentamenduen legearen erreformaren bidez, kontratuen gutxieneko iraupena murriztu zen. Orain, gainera, PSOEk onartutako bi lege-dekretuek ez die kalte txikirik ere egingo funts horiei.  

Edonola ere, inguruabar horiek alde batera utzita, nahiko kaskartzat jo daiteke Administrazio Publikoen jarduera etxebizitzaren eremuan, batez ere babes ofizialeko etxebizitza gehiago merkaturatu ez direlako.

Kudeaketa txar horren atzean beste arrazoi batzuk daude eta gertatzen ari denak ez nau asko harritzen. Izan ere, Administrazioa, jendeari laguntzen baino gehiago, dirua biltzen saiatzen ari da. Horren adibide xume bat jarriko dut: 2021ean 203.200 euroan etxebizitza bat erosi nuen eta 2025ean 205.000 euroan saldu nuen. Inflazioa kontuan hartuta, 25.000 euro inguruko galera izan nuen. Baina, 1.800 euro gordin irabazi nituenez, Udalak 89 euro kobratu dizkit gainbalioaren kontzeptupean. Ondorioz, nahiz eta higiezin bat saltzean inflazioaren ondorioz galera izan (milaka euroko galeraz ari naiz), salmenta prezioa erosketarena baino euro bakar bat handiagoa baldin bada, ordaintzea tokatzen da.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Zergatik kudeatzen dira gaizki etxebizitzak?” bidalketan

  1. Lurraren itxitura edo hesia – jabetza pribatua… – patriakatuaren oinarri bat da. Monogamiaren ofizialtasuna bezala, etabar…

  2. Etxebizitzak norentzat?
    Jaiotzen dena baino jende gehiago hiltzen ari den unean etxebizitzak eraiki eta eraiki ari arren bertako gazteak etxebizitzarik eskuratu ezinik.
    Hitz egin dezagun hortaz, lelo hanpatuetaz haratago.

Utzi iruzkina

Azken artikuluak