instrumentalizazioa

Palestinaz Euskal Herria kolonizatuz

Mendebaldeko komunikabideek genozidioa erabiltzen dute norbere herriaren aurka burutzen ari dena estaltzeko.

4

Aitor Unanue

Euskal Herritarrok-eko zinegotzi ohia. Azpeitia.

Ez da hitzik Palestinako herriaren aurka sionista juduek daramaten genozidioaren tamaina izendatzeko, ezta gaitzesteko ere. Munduan eta historian zehar etnia edo nazio desberdinen aurka desagerrarazteraino burutu dituztenen artean, krudelenetakoa bezain mediatikoena izaten ari da Palestinakoa.

Mendebaldean genozidio hau salatzeko eman diren mugimendu gehienek ez dute inolako eragin praktikorik izan, frontean bederen. Gobernuen aurpegi zuriketarako baino ez dira erabili hainbat adierazpen, Espainiako gobernuarenak besteak beste.

Bada, ordea, ulertzea kostatu zaidan ekintza bat Euskal Herrian Palestinaren inguruan: Euskal Herrian ikurrina egon ohi den haga edo mastetatik berau kendu eta palestinar bandera ezartzea. Leku publikoetan egin da eta ez egun bat edo birako, baizik eta aste, hilabete eta urteetarako, betiko ez bada. Biribilguneetan, bost-sei metroko hagetatik ikurrinak kendu dituzte gure herrian, ikastoletan, alderdi politikoen lokaletan eta abarretan. Ikurrin hauek ez dira kendu Vox edo PPk agintea duen udaletan, EH Bilduk agintea duen udalerrietan baizik; frankismoan bezala.

Euskal Herriaren aurkako etnozidio historikoa bizirik dela oso jakina da.

Palestinar herria erabiltzea, Euskal Herriaren aurka bere nortasun edo identitatea ezabatzeko, palestinar herriari bigarren zigor bat ezartzea da. Palestinar herria Euskal Herriaren kolonizatzaile gisa erabiltzea oso larria da bi herrialdeentzat. Palestinarrek ez dute ezer irabazten beren ikurrez euskaldunenak ordezkatzearekin, eta are gutxiago euskaldunek. Eta horretan diharduenak bi herriei egiten die kaltea; bereari traizioa eta bere buruaz beste. Judu sionistentzat ari da lanean; palestinar herriaren desagerpena bezala, Euskal Herriaren desagerpena ere helburu baitute.

Nazioartean, herrialdeen arteko elkartasunak bakoitzaren identitatea eta ikurrak errespetatzen ditu

Nazioartean, herrialde desberdinen arteko lankidetza eta elkartasunak baditu mugak, eta bakoitzaren identitatearen eta bere ikurrenganako errespetua da horietako bat.

Mugimendu hau ez da bakana Euskal Herriaren aurka, bere identitatearen, nortasunaren, hizkuntzaren zein kulturaren aurkako erasoen artean bat gehiago baizik.

Palestinar herriaren aurkako benetako genozidioa norbere herriaren aurka burutzen ari dena estaltzeko erabilia izaten ari da Mendebaldeko komunikabideen artean.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

4 erantzun “Palestinaz Euskal Herria kolonizatuz” bidalketan

  1. Izen eta ikur gehienak esanahi aldaketak izan dituzte……Ez dute jatorrizkoa. …..Hamelingo ipuina eta Homeroren Odisea ulertzeko gai ez garela uste dut……Ikasketadunez inguraturik eta erakusteko gutxi!!!

Utzi iruzkina

Azken artikuluak