Urriaren 19an Arteako Herriko Bentan elkartu ginen Gloval Sumud Flotillan parte hartu duten euskaldunak entzuteko. Labur bada ere, bertan jasotako ideia batzuk zuekin partekatuko ditut:
• Flotillak ez zuen lortu Gazara iristea, baina zeharka bada ere elikagaiak lortu zituzten gazarrek. Israelgo armada ontzidiarekin entretenitu zenean, arrantzan egiteko aukera izan zuten palestinarrek. Hauxe da autosufizientziarako lehen ariketa, inguruak eskaintzen diguna bildu eta baliatzea.
• Ezberdintasunen gainetik, zerk elkartzen gaituen ulertu eta horretan jarri behar dugu arreta. Palestinako genozidioaren aurrean milaka herritar kalera atera garen moduan, ekintza zuzenekin eta desobedientzia praktikatuz.
• Boikota eta burujabetza, txanponaren bi aldeak dira. Etengabe gure dirua multinazionalen poltsikoak gizentzeko bideratzen dugu eta horrek zuzenean edo zeharka sionismoa finantzatzen du kasu askotan. Gurpil zoro horretatik ateratzeko herri bezala egin dezakegun ekarpen indartsuena bai ikuspegi internazionalista batetik zein Euskal Herriaren etorkizuna bermatzeko ikuspegitik, burujabetzan sakontzea da. Oinarrizkoenetik hasita, elikaduratik noski baina bestelako arlo eta eremuetara zabalduz.
Irati Mujika Larreta
Ama. Burujabetzaren alde. Aramaixo
Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >
Erabat ados Irati. Baina kontuz, oraindik ere badaude hemen Independentean idazten duten pertsonak errealitate ukaezina ezeztatzen eta demagogia egiteko gai direnak. Batek esan zidan, grafiko ta guztiz, Gazako populazioak gora egin duela, eta zinismoz esaten zidan genozidioa gezur hutsa zela. Zeren, zoritxarrez, munduko kontzentrazio-esparrurik handienean sartzen dituzte, eta populazioa gainerako okupatuen desplazatuekin igotzen dute. Eta alde horretatik, bi urtera, bereizi gabeko sarraskia izaten ari da Gazako zerrendan. Beste batzuek Palestinako banderaren koloreez eta Islamarekin duen harremanaz hitz egiten dizute. Ikurrinaren gurutze zuriak ere kristautasuna irudikatzen du. Bere jatorriak historia gainditu du, eta txikikeria horietan aitzakiak bilatzea eta horrela genozidioa ukatzea nazkagarria da. Edo batzuek esan diezazukete, beste inolako argudiorik gabe, ez baitaukate, «Palestinaz hitz egiten duzun bitartean, zure auzokidea etxegabetzen dute». Lehenik, bizitzan fronte asko irekita eduki daitezke, eta sarraski bat, zuzenean ikuste hari garen sarraski bat gainera salatzeak ez du esan nahi beste kausa batzuengatik ezer egiten ez denik. Iruzkin mota hori giza eskubideen aurkako iraina da, eta duela urte gutxi batzuk Plandemia, nazien pasea eta txerto genetikoen aurka giza eskubideak defendatzen zituzten pertsonak orain sarraski bat zuritzen saiatzea, adorerik gabe eta haserre uzten dit.
Ona, Irati: “autosufizientziarako lehen ariketa inguruak eskaintzen diguna bildu eta baliatzea da”. Horretarako lur, ur eta itsasoak bertakoen esku egon behar, jakina. Mendekotasun interesatutik ez baitugu etorkizunik, ez han eta ez hemen.
Bestalde, norbaitek ba al daki zer esan nahi duen ontziteria horren izenak, “Global Sumud Flotilla”? Nondik datorren edo…?
Global Sumud Flotillaren itzulpena, nik ulertzen dudanagatik, “Erresistentzia globalerako ontzidia” izango litzateke.
Sumud erresilientziaren antzeko hitza da, baina ez da zehazki erresilientzia. Palestinarrek duela 100 urte baino gehiagotik erabili dute, britainiarren agintalditik. Palestinako literaturak eta poesiak sumud hitzari buruz hitz egiten du, eta idatzi zen esanahiak eta testuinguruak kontzeptualki aztertzen baditugu, erresilientzia indibidual eta kolektiboa dela ulertzen dugu, zapalkuntzaren, irmotasunaren eta pertseberantziaren aurkako erronka barne hartzen duena; ez da egoera mentala soilik, ekintzara ere bideratuta dago, garai oso zailetako portaera pro-soziala da. Esanahi horiek guztiak hitz batean jasota daude: “sumud”.
Eskerrik asko biei azalpenengatik.
Horregatik, sinboloak maitatu ala ez, nazio-sinboloetara eramanda, Palestinako bandera bakoitzaren alboan (eta, manifan bagara, manifaren buruan), ikurriña bat ikusi beharko litzateke.
Burujabetza helburutzat eta Greta Thunberg, Ana Alcalde, PSOE, Bildu, sindikatu, hedabide, eta laburbilduz “Agenda 2030” txontxongilo guztien eta “GLOBAL flotilla” baten atzetik ???
Hau al da burujabetza???
Gero eta harrituago independenteren artikulu hauekin eta irakurleekin are gehiago, iruzkinetan idatzitakoak aztertuz.
Badirudi plandemian ikasitakoak ahaztu ditugula.
Badirudi sarraskia dagoela, hori dago eta ukaezina da. Zureek nazka ematen dute, ez dago ezer, ezer elkartasunik ez izateko. Zer agenda 2030 eta zer ostia ozpinetan? Zer zerikusi du horrek? Zer duzu buruan, munduko kontzentrazio-esparrurik handienean dagoen herri bat sarraskitzea? Ideia batzuk ez dira onargarriak, ez dago eztabaidarik. Nazismoa ez dut errespetatzen, arrazismoa ere ez, eta sionismoa ere ez. Eta aitzakia absurduak asmatzen dituenak, nabaritasun bat eta basakeria bat ukatzeko, nire mespretxurik handiena baino ez du izango.
Kaixo: Aitorrek idatzi duelako idazten dut…….. Plandemia garaian bezela gabiltza. Propagandaren menpe. Iritzi bakarra…… Jada, entzuteko gai denarekin bakarrik hitzegiten dut. Agur.