Estreinakoz Argian argitaratua 2025-11-12an
Palestinan gertatzen denaren kontra egotea ez da zaila. Halako bortizkeriaren aurrean askok ikusten dugu hori sarraski bidegabea dela, baina hori sentitzea hain da gauza berezkoa, non ia ez duen esanahi esanguratsurik. Munduan bakea nagusitzearen nahiarekin ere antzeko zerbait gertatzen da, oso zilegi dela desioa, baina inor ez dagoenez esplizituki gerraren alde eta bakearen kontra, ezer gutxirako balio duen aldarri neutro huts bilakatzen dela.
Gatazka baten kontra egote hutsa ez da aski, eta ez da guztiok bat egiteko nahikoa baldintza, gatazkaren arrazoiak eta soluzioak zein diren arakatzea delako benetan egin beharreko ariketa, analisi politiko horren araberako jarrera koherentea hartzearekin batera. Baina noski, hor bukatzen dira bake-aldarri aseptikoen inguruko adostasunak, eta hor gelditzen da agerian halako batasun antzuen hutsaltasuna.
Munduan elkarbizitza baketsua eta iraunkorra nahi duenak, munduan giza-eskubide oinarrizkoak indarrean ezar daitezela exijitu behar du, eta estatuetako agintariak behartu horiek oinarrian izango dituen politika demokratikoaren arabera joka dezaten. Baina giza-eskubideetan lehena eta funtsezkoena herrien autodeterminazioarena da, eta horren urraketa, hain zuzen ere, munduan ankerkeria eta bidegabekeria gehienak eragiten dituen arazo sistematikoa. Bakearen oinarrian, herriek bere lurraldean libre bizitzeko duten eskubidearen errespetua dago, atzerriko inbasio eta okupaziorik gabe.
Nola da posible Palestinarentzat askatasuna eskatzen duten euskaldun askok euskaldunon askatasun falta aipatu ere ez egitea?
Palestinaren alde antolatutako elkartasun orokor honetan badira kirrinka egiten didaten hainbat kontu. Hasteko, Palestinako genozidio krudela salatzetik harago, benetako arazoa den okupazio-erregimena litzatekeela benetan salatu beharrekoa, jatorrian dagoen inperialismoa seinalatuz eta autodeterminazio eskubidea aldarrikatuz. Baina noski, auzia hala planteatzeak inplikazioak ditu. Palestinarentzat eskatzen dugunak munduko populu guztiendako balio izan behar duela, baita –eta bereziki hemen– Euskal Herriarentzat ere. Eta ez da egiten ari, ez da auzia koordenada horietan kokatzen ari.
Nola da posible Palestinarentzat askatasuna eskatzen duten euskaldun askok, euskaldunon askatasun falta aipatu ere ez egitea, salatzen dituzten zapalkuntza, kolonizazioa eta etnozidioa Euskal Herriak ere pairatuko ez balitu bezala? Eta nola liteke horretan aritzea, gainera, gure nazioak jasaten duenari ez ikusiarena egiten dionaren ondoan, edo are, mendean hartuta gaituzten estatuetako partidu eta sindikatu guai bezain lotsagabeekin ere? Palestinako estatua aitortzen duten baina euskaldunona bahitua duten horiekin berekin?
Ez dit balio auzi honen larritasunak denak batera aritu beharra eskatzen duelako baieztapenak
Ez dit balio auzi honen larritasunak denak batera aritu beharra eskatzen duelako baieztapenak, oinarrizko printzipio izan behar lukeelako gure menderakuntza ahalbidetzen duenarekin inora ez joatearen baieztapenak. Ezta bi gatazken bortizkeriaren intentsitate konpara ezinaren justifikazioa erabiltzea ere. Nazio zapaldu bakoitzak duelako bere historia partikularra, non tartekatuta pairatzen dituen ofentsiba bortitzeko uneak “lasaitasunezkoekin”, zapaltzailearen komenientziaren eta zapalduaren jokabidearen arabera. Ze, zein litzateke gure egoera Saharak eta Palestinak bezala jokatuta autonomiaren amua irentsi ez bagenu? Zein, Palestinarena edo Sahararena, gure moduan jokatuko balute? …
Gehiegi entzuten ari gara ezin dela Palestinan gertatzen dena gurearekin konparatu, eta seguru nago gure erresistentzia (gehiago) desaktibatzeko beste trikimailu baten moduan erabiliko dela argudio hori. “Benetako” zapalkuntzen nolakotasunaz ohartuta (eta beldurtuta), zintzo onar dezagun geurea. Kasu.
Artikulu hau ere “saku baten” sartutakoak astinduz egindakoa deritzot. Kontu asko kanpoan dituelarik…… Arestirena al da: ” ez gera hain onak benetan”…
Bikaina zure artikulua.
Oso artikulu ona Ane. Harrigarria da euskal eragileek nolatan ez dioten gaiari zuk aipatutako perspektibatik heltzen.
Palestinako kontuak hain gogoko izanik, komendagarria litzateke Mosab Hassan Yousef-en gaur bertan atera den hitzaldi bat ikustea. Arabe palestino hau, Ramallahn jaioa eta Hamas-en sortzaileetako baten semea da.
https://youtu.be/bWe3bhhc1sE?si=6E3JLZGzbC8PX-Pi
Badago zer ikusi…..jakinmina ere behar da.
Mosab Hassan Yousef amorratua eta traidorea da. Eta esaten duen guztia gezurra da. Gezurretan hasten da esanez Palestina izena ingelesek jarri ziotela. Israelgo juduek ez dute judu palestinarren ondorengoak izateko DNArik; judu askenaziak dira denak. Askenazi Erdialdeko eta Ekialdeko Europako judua da (Alemania, Polonia, Errusia, etab.), eta sefardietatik (Iberiar Penintsula) eta mizrajietatik (Ekialde Ertaina) bereizten da. Erlijioko judua izateaz gain, askenaziak jududaismora bihurtutako europar asko dira, eta ez die lurrerako eskubiderik ematen, ezta ezein jainkok agindutakoa ere, ezta faltsututako historia batek heredatua ere. Eta, gainera, lurraldearen izena gutxienekoa da; sionistak iritsi aurretik han bizi ziren pertsonak ziren benetako biztanleak, bertakoak, erlijioarekin zerikusirik ez dutenak. Palestinar musulmanak, kristauak, juduak eta ateoak zeuden, eta harmonian bizi ziren, arazorik gabe. Bigarren intifadaren eta Hamasen garaipenaren ondoren, gobernu sionistak Gazako gune judu historikoak, musulmanek betidanik errespetatzen zituztenak, Israelera mugitzera behartu zituen, zerrenda inguratzen duen harresia egiteko. Eta horrela hasi zen aro modernoko genozidioaren gertaera krudelenetako bat. Israeldarrek eliza kristauak ere bonbardatu dituzte, dena suntsitu dute; hori ezin du justifikatu ez Hamasen sortzailearen seme traidoreak ez beste inork, krimena da eta ez da egokia beste alde batera begiratzea.
Bideo hau ezinbestekoa da. Waterlooko Unibertsitatean emandako hitzaldi batean, Norman Finkelsteinek gogor kritikatu zuen ikasle bat, publikoaren sentimenduak iraintzea leporatu baitzion.
https://www.youtube.com/watch?v=s5nWVtMGrWg
Gezur asko darabilte eta indarkeria jokoetan dabiltzenak ere asko dira. Nahasketa da ezaugarria nonahi. Bainan ba dago zer begiratu.
Badirudi Judutar kanpotarrak bakarrik joan zirela Palestina lurraldetara britaniar garaitik. Inguruko arabeak ere milakak migratu zuten. Arafat bere egipziarra zen.
Islama, jihada eta islamistak zertan jardun duten eta ari direnetaz ezer gutxi dakigu…..
Begira….O.L.Pko Siriaren aldekoa eta 1979an eraila, Zuheir Mohsen-ek zion: “Palestinar jenderik ez du existitzen…Ez dago alderik Jordaniar, Palestinar, Siriar eta libanotarren artean….Gu herri bateko zatiak gara, Arabe aberria…Arrazoi politikoengatik gabiltza gure palestinar identitatepean……Palestinarren izatea, zionismoari aurre egin diezaiogun delarik, Arabiarren interes nazionalarengatik. Arrazoi taktikoengatik bakarrik dago Palestinar identitate banandua…..”.
1948ko gerra inguruko Arabe musulman estatuek hasi zuten…..Gerra arabe israeli izan zen.
Hango inguru guztia Britaniarrek deitzen zioten Palestina. ” The Palestin Post” 1932an judutarrek sortutako egunkaria zen.1950 “The Jerusalem Post” izena hartu zuen.
Begiratzekoa da “ikurrina” noiz eta nortzuk sortu zuten. Hiyazko erreinuarena izan zen. Jordaniak hartu zuen, erreinu sortu zutenean. Gerora arabe-palestinarrek. Eta frente Polisariok ere hartzera iritxi zen….50 urte eta gero hau!!
Azaroan izan naiz El Aaiunen, Españako probintzia izandako lurraldetan. Marroki Banderaz eta Mohameden argazki haundiz beterik dute. Hortarako badago dirua!!!!
Ongi izan eta zaitu gaitezen.
hau kakanastea Pako, ez diat ondo ulertzen, zesatek, Laaiun Palestinarrek zeukatekela inbaditua?
Ez…..”Liga arabe”ko Bandera bera dukela Polisariona ere. La Mecan sortua Britaniarren garaian. Eta Atlantikoraino iritxi zela. Islama dutelako zabaltzeko doktrina. Gerra santuan daudela. “Ala akbar” duk deia. Eta ez “herritarrok libre”.”Libre” mendebaldekoentzako hitza duk…….
Bazegok “ERREFORMA MUSULMANA”. Gutxi dituk eta mendebaldeari pazientzia eskatzen ditek.Gizartea oso adoktrinatua dutelako.
Oharra: Gai gehienak oso azaletik bizi ditugu……”Ankak ariñak eta burua ariñago, dantzan hobeto daki artajorran baino”.
Duela mila eta bostehun urte iritsi huan atlantikoraino baita pirinio azpiraino
XX. mendean, “bandera” honekin garai berria.
XXI. euskalerrian ikurriña baino gehiago ikusten duk.
Ze pentsatzen duten hemengoetaz (gutaz) jakingo bagenu?
Azpeitia bertan euskeraz pakistani batek esana neuri: “Jihada beti dago martxan”.
Leku batetik ez bada bestetik ateratze haiz, kortxoa bezala ezinbestean flotatzen.
Sareak zulo haundiak dizkit eta…..