1836ko irailaren 6an, karlistaldi betean, Nafarroako Diputazioak nafar ordezkariak Madrileko Gorteetara joatea kontrafuero zela ebatzi zuen.
Biharamunean, irailaren 7an, Madrileko gobernuak Erresumako Diputazioa bota zuen; Probintziako Diputazioa osatu zen ondoren…
… 1977tik aurrera, Madrileko Parlamentura joan behar zen, ez zen, eztabaidak izan ziren ezker abertzalean –ez naiz eztabaida haien xehetasunez oroitzen. Harrezkero, behintzat, alderdi abertzale nagusiek normaltzat eta biziki inportantetzat ere eman izan dute, “politika egitera” Madrilera joatea.
Zaila behar du, kontrafuerorik ezean, behin sartu ezkero, hauteskundeen makineriatik ateratzea. 1979an Iruñeko eta Gasteizko parlamentuak eratu ziren…
HAUTESKUNDEZ hauteskundeko demokrazian herritarrok, ziegan ziegan nor bere pantailan botoen gora-beherak jarraitzera, edo espetxeko pasilloetan preso-lagunekin alderdiburuen ikamikez jardutera zigortuta gaude.
Bizi arteko kartzela-zigorra duen presoaren lehenengo egitekoa ihes egitea baita… ihesbidea argituko diguten herri-demokraziaren legeak idazten hasi gintezke.
“Ze’sate’k, Pablo!… Jendea politikan sartuko dela uste duk ala?!”
Horretaz, bi gauza.
Batetik, jendea ez da sartuko dagoen-dagoeneko politikan: zikina dela jakin eta, ez da nahastuko hartan.
Bestetik, jendeak ez du nahi parte hartzeko ixtoriorik; badaki ixtorio horiek ez daramatela inora, tar-tar egiteko besterik ez direla.
Aldiz, zaintza-politikei buruz, inmigrazioari buruz, euskarari buruz, herrian ze obra izango diren, dirua nola banatuko den… erabaki ahalko bagenu, jende gehiena gogotik jarriko litzatekeela, ez dago dudarik.
IDATZI ez eze, gauzatzen ere hasi gintezke demokraziaren legeak…
Udaletan, dagoeneko, pausoren batzuk eman litezke. Asko litzateke hautetsi ondraduek ulertzea, herritarrek erabakitzea ez dela trajedia bat; erabakimen hori praktikan jartzeko mekanismoak bilatzen lagundu ere egin lezaketela.
Kontua ez litzateke eginik dagoen etxea, udaletxea, gure egiten saiatzea; ezinezkoa da. Ondoan edo haraxeago beste etxe bat jaso beharko genuke: batzarretxea. Egun on batean, etxe horretara aldatzeko.
Eskerrik asko Pablo.
Arrazoi guztia du berorrek, alternatiba eraikitzen hasi beharko genuke, teorian “gure” diren udal horiek aprobetxatuz.
Proposamen bikaina benetan.
Batzarretxea edo batzar tokia, Batzokia?
Udalari ez kasu ez diru zergarik, ez ikusiarena soilik?
Batzarretxeari dirua eta so egin?
Ihesa edo iraultza?