Ezkerrak oso ondo identifikatuta dauka eskumuturrekoaren, eskua goian eta esbastikaren faxismoa. Baina arazoak ditu beste faxismo mota batzuk identifikatzeko, ez hain ikonikoak. Ezkerrak aldarrikatzen duen antifaxismoa anti-VOX izatera mugatu da, haren inguruan mugitzen diren neonaziak barne, noski.
Alemanian antzeko zerbait ikusten ari gara; izan ere, bertan nazi sinbologia oro debekatuta dago, baina politika faxistak areagotzen ari dira, orain Palestinari emandako laguntzaren inguruan.
Hemen ez dugu aldagai hori, eskerrak, hemen ezker antifaxista pro-Palestina baita. Besterik ez genuen behar.
Baina hemen baditugu beste aldagai batzuk, faxismoari ate handitik sartzen utzi diotenak, eta ukabila ireki gabe.
Duela hiru urte, EH Bilduko zinegotzi batek (Hodei) proposatu zuen Sars-Cov-2aren aurkako txertoa hartzen ez zuen orok urtebetean etxetik irtetea debekatuta izan beharko lukeela. Arnaldo Txertatu Txertatu Txertatu jaunak jarraitu beharreko gidalerroa argitu izan ez balu, eta, aitzitik, VOXeko zinegotzi batek proposatu izan balu, ziur nago Hodeik jakingo zukeela hori faxismoa dela.
Beste batzuek, aldiz, faxismoa ikusten zuten nonahi. Hori bai, instituzioek ezarritako neurri anker eta absurdoen kontra manifestatzen ziren pertsona eta komunikabideetan bakarrik ikusten zuten faxismoa. Nire lehengusuak, adibidez, Independentea.eus-en ikusten zuen faxismoa, Sars Cov-2-ak eragindako hilkortasuna erlatibizatzen zuten iruzkinetan, edo geroago OMEk berak berretsi zituen baieztapenetan.
Baina ez zuen faxismorik ikusten oinarrizko eskubideen ezabaketan.
Ezker antifaxistak ez zuen faxismorik ikusten haurrei kalean jolastea debekatzen zien dekretuan, edo zure joan-etorriak poliziari azaltzera behartzen zintuen dekretuan ere ez, ezta kalean maskararik gabe joateagatik isuna jartzen zizun dekretuan.
Ez zuen faxismorik ikusten ama bati bere semea zaintzeko Basurtuko ospitalera sartzea galarazten zion dekretuan, baliozko QR kodigorik ez edukitzeagatik. Ezta Urdulizko mediku batek 15 urteko neska bati apendizitisa tratatu nahi ez izatean ere, haurrak PCR frogarik egiten ez zuen bitartean, proba hori legez borondatezkoa denean.
Polizia batek zortzi hilabeteko haurdun zegoen nire bikotea ez besarkatzeko agindu zidan. Baina polizia hori ez zen bere botereaz abusatzen ari, ari zen bete nahian (alferrik) ezker antifaxistak bermatutako dekretua.
HORI da faxismoa.
Beraz, denbora baten buruan faxismoak gobernatutako bizitzan murgiltzen bagara, lasai egon gaitezke, ez direlako izango eskumuturrekoa, eskua goian eta esbastika paparrean dutenak. Gureak izango dira, antifaxistak.
Ze beharrezkoa idatzi duzuna. Esan duzun bezalaxe, HORI da faxismoa, faxismo soziologikoa, faxismo normalizatua. Mila, Mila esker, Oier.
“Instituzioek ezarritako neurri anker eta absurdoen kontra manifestatzen ziren pertsona eta komunikabideetan bakarrik ikusten zuten faxismoa”: geure larruan bizitu dugu. Maite izan ditugun pertsona gehiegik hartu zuten jarrera hori, beren okerrena erakutsiz, beren alderik mediokreena, min sakonak eraginez bidean.
Zure lehengusuarentzako erronka: ORAIN defenda ditzala orduan defendatu zituen neurriak.
Artikulu ederra Oier. Penagarria artaldeak lurrera besterik ez begiratzea. Garai hurbil haietan, Hipokresiari stop kantua eskatu nuen irrats saio batean. Egoera hari ere stop esango zion F. M.-ak ?
Ez addiorik!
Hitzegin beharrezko Gaia benetan…..Esanguratsua egiten zait. Batzutan Estatu bat dela eta beste batzutan talde politikoa bat, fazista alegia.
Herrialde musulmanek, beraien arteko nolako askatasun maila dutela esango zenuke?
Ekintzak dira fazistak, esango nuke nik……..Argi ibili beharrean gaude. Atzokoak gaur eta gaurkoak bihar zer?
Askotan pentsatu dut ez dugula behar bezala ikasi eta barneratu demokraziaren eta oinarrizko eskubideen eta libertate indibidualen inportantzia.
Euskal-herrian, nazio zapalkuntzaren kontzientziak gainontzeko guztia ezabatu du eta agian ez diogu inoiz balio nahikorik eman bakanako askatasunaren errespetuari.
Nire kasuan, pandemiaren totalitarismoaren eragina hain biziki bizitzeak eta “gure” politiko eta komunikabideen konplizitateak begiak ireki dizkit.
Eta noski, faxismoa eta ultraeskuina hitzak egunero erabiltzen dutenek irri mingots bat baino ez didate sortzen.
Bai, Oier, erabat ados zurekin. Ehbilduk eskuin muturra VOXen bakarrik ikusteaz gain, PPren eskuin mutur frankista zuritzen du zeharka. PPk 7 eserleku lortu ditu, beraz, Ehbildu 27 – Eskuin muturra 8. Eta kontatzen dizkiguzun egia guztien artean, nik Ehbildu eta ustez ezkerrekoak diren gainerako alderdi estatalak, independentista katalanak eta abar bezala zehaztu nahi dut, beraiei eragiten zienean, ahoa betetzen zitzaiela Mozal legearen aurka. Eta oraindik ere PSOEri gutun zuria emateaz aparte, GAL sortu zutenak izan ziren, eta ez dute inoiz kondenatu, ezta barkamenik eskatu ere beren estatu-terrorismoagatik; eta gero ikustea nola aplikatzen ziguten mozal legea kalean eta haiek isilik, edo okerrago batzuk poliziari deika kalean maskararik gabe zeundela esateko, etor zitezen eta mozal legea aplika ziezazuten, zinismoaren mugarria da. Gainera, mozal legeak indarrean dirau, zer egiten dute profeta faltsu hauek? Ehbilduko ezagun eta boto-emaile batek ere esan zidan ondo iruditzen zitzaiola ertzain batek urrutitik tiro egitea eta foam-bala bat ematea Donostian botiloia egiten ari zen mutil bati. P.P.ko gazteak direnez, izorratu daitezela. Ba ez, inoren aurkako polizia basakeria, eta inoren aurkako mozal legea. Gogoan dut, baita ere, “komunista estalinista, ezkertiar eta abertzaleen” jazarpena Koroa Biluzik izeneko Facebookeko taldean, Euskal Herritik sortutako Plandemiaren aurkako sare sozialetako lehen taldeetako bat, administratzailea bainintzen. Izan ere, une honetako eskuin muturra ez zaigu etorriko burua zapaltzera, ezker faxista berriak zapaltzera datorkigu, bai.
Pako, ez diat ulertzen zer esan nahi duan ” herrialde musulmanekin”, denak ezagutzen al dizkiagun,denak berdinak eta uniformeak ote diran.
Urrutiko gaiztoak hamalau….
Eta islamismoak kezkatzen bazaitu, dagoeneko irakurri ez baduzu, irakur ezazu liburu hau, askatasun globala lortzeko arrasto onak emango dizkizun liburua, eta ez mendebaldeko erremedio supremazista kapitalista. https://independentea.eus/politikoki-umezurtz /
Gogoz erantzungo nioke Pakori baina tira…. Beste batek egingo du.
Gogoratzen naiz behin semearekin mendi buelta egin eta gero, Igeldoko Mendizorrotz tabernan, bi pintxo eta 2 garagardo eskatu nituela.
Pase nazia eskatu zidaten eta ez genuela erantzun…. Baina bere esku zegoela lasai erantzun nion, kanpoan terraza zeukaten.
Bapatean aurpegi txarra jarri eta bertan zeudenak mala ostia rekin hasi ziren begira eta modu txarrean bota gintuzten. Nik faxistak direla oihukatu, eta alde egin genuen.
Orain gogoratuz amezgatoa izan zela ematen du,
Nire ustez jende askok aldaketa politikoa gura eban eta Bilduk horren alde egiteko estrategia malguak erabili ebazan bere eremua zabaltzeko, holan boto gehiago lortzeko. Badakigu pandemian txertaketaren aurka egitea mundu marjinal batean sartzea izan zala eta alderdiek ez eben hor gura sartu eta horren ondorioz ez eben denon eskubideak babestu. Orain hauteskundeen emaitzak ikusita agian ez dauala merezidu estrategia malguak erabiltzea. Baina ezin dogu ahaztu azken momentuan betikoek ETA sartu ebela eta hori zala ta Bilduk boto asko galdu ebazan. Orain gauza bera Katalunian gertatzen ari da , P Sanchezek trikimailuak erabili dauz PSCk hauteskundeak irabazteko, bere andreak zer egin dau azaldu beharrean, dana gezurra dala eta demokrazia arriskuan dagoela esan dau. Nire eretxiz B. Gomezek egin dauana legala izango da , baina etikoa ziur ezetz. Hori Bilduk eta beste batzuek be badakie, baina euren alde egin behar dabe, egunen batean boterea lortu gura dabe, nahiz eta orain ez dala posiblea izan . Agian estrategiak be aldatu beharko dauz…….
Ausarta Oier, aspaldi nabil esaten gurean ekofaxismoa ez duela eskuin-muturrak ezarriko, ezkerrak baino. Eh bildu-psoe-podemos-sumar-pnv (barregarria da baina pnv ere egungo ezker alderdien agenda bera dauka 🤣)
Ildo horretatik idatzi nuen hau 🤣
https://independentea.eus/naturarentzako-azken-notak/
ZORIONAK, Oier:
Gauzei izena jarriz. Gaur egun eskuinmuturra ezkerretik eta eskuinetik zetorrek, baina nagusiko ezkerretik erahiltzeko diseinatua zegok. Oso ondo pentsatua. Ederto irentsi ditek, hortik goitik aspaldi ari ditukelago batzuk kriminalen aginduetara.
Mila esker eure ausardiagatik!
Newtral edo Maldito bulo baino askoz lehenago Wikipedia sortu zuten…
Zure lehengusu hori CIAk dauka nominan, ala doan aritzen da azpijoko horiek egiten?
https://latamnews.lat/20230805/juego-de-wikipedia-la-cia-usa-la-enciclopedia-web-global-para-librar-una-guerra-de-informacion-1142301797.html
Bai Aitor, ondo ekarria. Egia da Oier, zure lehengusuak EHUNKA mezu toxiko sartu dizkigu, eduki antisemita, transfobo eta abar luze ikaragarria, bere “Trol” zerrenda amaigabearekin,horregatik, hain zuzen, behar du Independenteak iruzkinen moderazioa, zure lehengusuaren erasoengatik batipat.
Ez dakit nor den lehengusu famatu hori…
Luisito bai, ezagutzen dut ikastolatik.
Arrazoi osoa Oier, nik EH Bilduko emakume bati euskal parlamentuan entzun nion neurri irmoagoak hartu behar zirela txertatzen ez zen jendearen kontra, eta EH Bilduri ez ziola eskuak dar-dar egingo neurri gogorragoak hartzeko, hori faxismo hutsa da. Oso gauza arriskutsua iruditu zitzaidan.
Nik laguntzat neukan pertsona bati oso ongi iruditzen zitzaion niri ospitalean sartzen ez uztea nire bikotekidea ikustera, nik ez neukalako pasaporte nazia, tontolapiko horri ongi iruditzen zitzaion pasaporte naziarena.
Eskerrak buru argiak badauden gure artean! eta ez da txantxa. Behin haserrea, amorrua atera eta gero, zer egin? Okerrak aipatzen jarraitu edo bizi nahi duguna eraikitzen hasi nolabait, han hemen saiatuz… Gure senideak, lagunak eta batez ere hurbilenak ditugun auzokoekin saiatzea da etorkizuna.. zein neketza den suertatu zaigun bidea, ezta?
Aitor Bastarrika, Galder Gonzalez Larrañagaz ari gara. https://www.diariovasco.com/sociedad/txikipedia-eskolaumeen-beharretara-20210322133723-nt.html
Milesker Patrik!.
Kriston argazki paregabea diarion.
Eskerrik asko, Oier. Bete-betean aztatu duzu.
Totalitarismoak agerpen asko ditu, iruditeria eta propaganda ezberdinekin: esbastika, igitaia eta mailua, uztarria eta geziak… Orain kolorinetako uztaia.
Beti helburua da gizakion bizitzaren alde guzien kontrola eta suntsiketa. Badago helburu nagusi bat: ariar arraza, proletarioen iraultza, por el imperio hacia Dios… Osasun publikoa, aldaketa klimatikoa…
Etsaia ere identifikatzen da: juduak, burgesia, gorri-separatistak, negazionistak… Eta haien kontra errukirik ez, dena da zilegi.
Faxismo hitzak badu bere indarra. Nik, ordea, nahiago dut ‘totalitarismo’ hitz orokorra erabili. Eta egungo agerpenari deitura jartzekotan ‘globalismo’.
Chapeau, Oier. Ezingo nuke hobeto adierazi pentsatzen eta sentitzen dudana.
Besarkada bat Oier, hauxe sentitzen dutena zure idatzia irakurri ondoren. Hainbat egun eta urte ulereziñeko sentimenduekin eta miñez pasa ondoren, zure idatziak argiz apaindutako bidea erakusten digu. Beraien ustez, ez dute ezer geizki egin, argitxo txikia bazuten ere beraien buruetan, orain esango nuke erabat itsututa zirela eta zoritxarrez horrela jarraitzen dutela.
Ulertzea? Mingarria.
Oso ondo idatzi eta adierazita.
Hontaz askoz gehiago hitzegin beharra dau.
Mileskerrr
Iñaki Uritz, bai, nik ere inoiz ez dut “faxismo” hitza erabiltzen, ez baitzait oso zehatza iruditzen. “Faxista” edo “fatxa” irain bezala erabiltzen da jatorrizko esanahia ahaztuz, “putaseme” hitzarekin gertatzen den bezala. Izan ere, politikan aritzen den putasemeari deitzen zaio fatxa. Baina antifaxista direla ahoa betetzen zaienei ez dira Musoliniren zaleei buruz ari, baizik eta (horrela ulertzen dut behintzat), askatasuna eta gizakion duintasuna murrizten dituzten politikei buruz, hots, totalitarismoa. Baina ez dagoenez “Sare antitotalitarista”, ezta “Antitotalitarista” kamisetarik, deigarriagoa iruditu zait antifaxismoaren izenean politika faxista bultzatzen dutenak badaudela salatzea.