Jesús García Blancaren ekarpena

OME, pandemia faltsu honen sortze ofizialaren erantzule

Zergatik? Egin ahal izateko beharrezkoak diren mekanismoak zituelako. Eta baldin bazituen, bi-hiru hamarkadetan zehar hornitzeaz kezkatu direlako da, aurreko epidemia/pandemiez geroztik. Definizio aldaketak eta estatu kide guztiek bere ildoak jarraitzeko konpromisoa jasotzen duen Nazioarteko Osasun Araudia funtsezko bi erreminta dira horretarako.

4

Haizea Urtasun Rosano

Ikaslea eta ama. Sarasa

Plural-21eko kideen baimenari esker, Jesús, zure hitzak eta doinua ahalik eta gehien errespetatzen (ezinbesteko subjektibotasunetik, noski) atalka jasotzen ari naizen honetan, HIESaren gaiaz jarduteak dilemaren aurrean kokatu nau, parez pare. Esan beharrik ez legoke (baina, antza denez, argitzea ez dago sobera) komunikabide nagusietan isilarazten diren ikusmoldeei lekua egiteak ez duela nahitaez ehuneko ehunean ikuspuntu horiek partekatzerik suposatzen. Beraz, teorian behintzat, saia nintekeen azpimarratzen “Jesús García Blancak honakoa dio, nik gaiaren inguruan ez dakidan arren…”. Baina ez dut egingo. Irakurri dut HIESaren inguruan, bertsio bat eta bestea kontrastatu eta oinarrizkoak diren galderetako hainbat egin nire buruari (adibidez, zein da bakoitzaren motibazioa?, zer irabazten du honek bere bizitzaren zati handi bat ikerketa lan horri eskainita?, eta zer besteak, diskurtso ofizialak dituen arrakala erraldoiak ikusi eta beste aldera begiratuta?), eta ez, ezin sinets dezaket bertsio ofiziala.

Egia Eztabaidaezina bilakatutakoa horren errotua daukagu, ezbaian jartzen duen ezer estreinakoz irakurri/entzutean erreakzio berbera izan ohi dugula: ezinezkoa da hori ere gezurra izatea. Baina, luze, zabal eta zorrotz dokumentatua dagoen gaia izanik, informazioa egiaztatzen jarri orduko ikuspegia erabat aldatzen da, eta hortik HIESa iruzur kasu konkretu bat  izateaz gain paradigma bilakatu denaz jabetzera saltoa ia aldiberekoa izan daiteke.

Hemen uzten ditut Lluís Botinasen liburuak, kontua ezin argiago eta ulergarri azaltzen dutenak, nahi duenarentzat eskuragarri. Gezurrak eraikitzeko modurik birrintzaileena dena delakoa esatea baino gehiago, bestelakoa isiltzea denaz jabetzen ari naizen honetan, benetan dardara eragiten dit gainera etor dakigukeenak ondokoak esango duenaren beldur mutu geratzen bagara. Hor doa, beraz, Jesús eta elkarrizketatzailearen arteko hartu-emanetik ateratakoa, eta bai, naturaltasun osoz mintzo dira biak HIESAren muntaiaz.

Konspirazio famatua

Hasieran genion ez dela beharrezkoa jende asko izatea sistemarekin ados dagoena. Medikuek dena delakoa egiten dutela, testak baliozkoak ez direla, birusa ez dela hau edo beste, eta tankera honetako ideiak planteatzen hastean, jendeak esaten duen lehenengo gauza “A! Orduan zer gertatzen da? Konspirazio bat dagoela?” da. Orain arte azaldutakoak argi asko erakusten du ez dagoela inolako konspiraziorik. Beharrezkoa ere ez da. Jendeari ez zaio ordaindu ere egin behar, nahiz eta jakina, badauden kobratzen duten batzuk. Baina jendearen gehien-gehiengoak jakin ere egin gabe egiten du lan Sistemarentzat. Hori Jesús Ibáñez soziologoak esaten zuen: jendeak egiten duenaz kontziente izan gabe egitean datza menperatzearen gakoa. Hortaz, sendagile gehienak ziurrenik borondate hoberenaz ari dira, baina tira; LH, DBH eta Batxilergoko heziketa-makineriatik atera dira eta unibertsitateko botere-makinerian sartu, non, urteetan zehar, buru-jate bat pairatzen duten, egin behar dutena egiten eta egin behar ez dutena ez egiten ikasten duten karrera batean. Hori hor grabatzen da urte luzez, eta programazio horri erantzuten diote, salbuespen ohoragarriak salbuespen, hots, programazio horretaz libratzeko eta Sistemaren aurka matxinatzeko gai den jendea. Horiek ez dira konspiranoikoak, matxinatuak dira. Eta jakina, matxinoak jazarriak izaten dira.

Konfinamenduak

Europan hildako gehien izan dituzten bi estatuak Italia eta Espainia izan dira, hain zuzen ere konfinamendu zorrotzenak izan dituzten estatuetako bi. Haatik, badaude beste estatu batzuk, konfinatu ez dutenak, eta hildako kopuru oso txikia dutenak, erdia baino askozaz gutxiago. Kasuok oso era nabarian agertzen dute konfinamenduak ez duela balio izan.

OMEren adierazpenak

OMEk bere komunikatuetan honelako adierazpenak egin ditu: musukoak ez direla beharrezkoak, inork ez duela demostratu hau kontaktu bidez kutsatzen denik, hau ez dela aire bidez kutsatzen… Baina estatuei belarri batetik sartu eta bestetik ateratzen zaie. Orduan? Dena antzezpen bat da? Nola ulertzen da hau, OMEk, saltsa-maltsa honen guztiaren buru denak, halako ikerketak publiko egitea? Bere kabuz doa, edo zerbait gehiago dago?

Jendea izu-ikara eta segurtasun-gabezia egoera iraunkor batean mantentzeko giltzetako bat: albiste kontraesankorrak.

Botere harremanen ikuspuntu batetik begiratu behar da hau. Topiko bihurtu den arren, aipatu beharra dago George Orwellen 1984, jendea izu-ikara eta segurtasun-gabezia egoera iraunkor batean mantentzeko giltzetako bat agertzen duelako: albiste kontraesankorrak. Gaur Eurasiaren aliatuak gara. Gaur etsaiak gara. Gaur gerra bat egon da eta garaile atera gara. Ez, ez, gerra galdu egin genuen. Hau da, zuk autoritatetzat identifikatzen dituzun horietatik datozen informazio kontraesanezkoek eragiten duten segurtasun ezak laztura hori sortu eta mantentzen du.

Esan bezala, ez dira ados jarri. Modu automatikoan funtzionatzen duten erremintak dira hauek. OME pandemia faltsu honen sortze ofizialaren erantzulea da. Zergatik? Egin ahal izateko beharrezkoak diren mekanismoak zituelako. Eta baldin bazituen, bi-hiru hamarkadetan zehar hornitzeaz kezkatu direlako da. Aurreko epidemia/pandemiez geroztik mekanismo multzo bat eratzen joan dira.

Funtsezko bi erreminta

Nazioarteko Osasun Araudia

Horien artean garrantzi handikoa da 2005ean onartu eta pare bat urte beranduago indarrean sartu zen Nazioarteko Osasun Araudia.

Funtsean, araudiak dioena OMEk nazioarte mailan garrantzia duen osasun arazoren batengatik alerta bat deklaratzen duenean, estatu kide guztiek OMEk dibulgatzen dituen ildo horiek jarraitzeko konpromisoa hartzen dutela da.

[Nire oharra: ikusteak merezi duen bideo honetan Jesúsek berak sakontzen du gaia, besteak beste, araudia juridikoki loteslea izatearen inplikazioetan].

Definizio aldaketak

Horri “pandemiaren” definizio aldaketa batzen badiogu, 2009an jazo zena, makineriaren oinarrizko bi piezak primeran ahokatzen dira.

2009a baino lehen, gaixotasun edo epidemia bat pandemia zela deklaratzeko, heriotza-tasa esanguratsuak egon behar ziren. Baina 2009az geroztik, jada ez da beharrezkoa. Lurralde ezberdinetan gaixotasun-fokuak badaude, OMEk pandemia deklaratu dezake, kasu edo hildako kopuru esanguratsua egon arte itxaron beharrik izan gabe.

Pauso erabakigarriak

Horiek dira OMEk pandemia hau muntatzeko erabili dituen funtsezko bi erremintak. Baina aurretik, OME bera izan zen, Wuhanen lehenengo pneumonia kasuak gertatu zirenean, muntaiarako pauso erabakigarriak eman zituena.

Pneumonia kasu batzuk agertu ziren; pertsona horiei test batzuk egin zizkieten; hainbat birus eta bakterio identifikatu zituzten, medikuntza ofizialak gaixotasun hauen erruduntzat jotzen dituenak… Baina ez dira horretan geratzen: tira, kontua identifikatu dugu, dagokion medikazio farmakologikoa emango diogu. Ez! Jadanik identifikatua egon arren, jatorri ezezaguneko pneumonia batez hitz egiten hasi ziren, eta birusa bilatzeari ekin zioten.

HIESaren muntaiarekin

Antzekotasunak

HIESaren bertsio ofiziala Robert Gallo doktorearen iruzur zientifiko batean oinarritua dago

Lluís Botinas, DSalud 115 zk. (2009ko apirila) [Aipua nik ekarria]

1981ean gertatutakoaren berdina da, zehatz-mehatz. Lehenengo ustezko HIESdun gaixoak agertu ziren eta segidan birusa bilatzeari ekin zioten, beste edozein balizko kausa baztertuz.

Ezberdintasunak

Bi  gertakarien arteko aldea honakoa da: HIESaren muntaian 81etik 83ra arteko denbora behar izan zuten (edo baita 84ra arte ere Gallok) ustezko birusa aurkitzen, oraingoan birusa hiru egunetan agertu zen, izugarri azkar ibili ziren.

Luc Montagnierrek, Gallorekin batera “birusa aurkitu zuela” kontsideratzen denak, jada 1997an aitortu zuen berak ez zuela birusa purifikatu eta Gallok ere ez zuela hala egin uste zuela

DSalud, ‘HIESAren fartsa’ [Aipua nik ekarria]

Egun gutxiren buruan, birusa lokalizatua zuten, ustez identifikatua, sekuentzia genetikoak mundu osotik argitaratuak zituzten, eta diagnosirako lehenengo testak prestatzen ari ziren. HIESarekin urte luzez luzatu zena… garaiotan, mekanismo guztiak ongi kateatuak dituztenean, egun gutxi batzuen buruan, egina.

Teknologiak ere paper erabakigarria jokatzen du, Montagnier eta Galloren garaian ez ziren egungo tresna birtualak existitzen. Orain iruzurra sekulakoa da. Hain da izugarria, non birusa isolatu dutela dioten ikertzaileek beraiek euren buruak engainatu dituzten. Hemen ere ez dago konspiraziorik.

“Jesús García Blancarekin elkarrizketa: Konspiranoikoak ala matxinatuak?” bideoa / Plural-21

Konspiranoikoak ala matxinatuak? elkarrizketaren laburpena, atalka:

4 erantzun “OME, pandemia faltsu honen sortze ofizialaren erantzule” bidalketan

  1. Elite globalista eugenikoa inoiz baino gehiago zelatan dago. Jakidunak dira beren “obra” amaitzear dagoela.
    Azken erasoak prestatzen ari dira, hasieratik helburu nagusia izan zuena. Gure ADNa aldatzea gure ordez erabakitzeko gure bidaiaz bizitza honetan.
    Inposatutako neurriei, bata bestearen atzetik, ezin izan diete aurre egin eta ondorioz, probisionalki, azkena izango dena exekutatzen hasi dira. Horretarako guk pentsatzen genuen existitzen zena azken zuzenbide inalienablea ere kenduko digute.
    Erasori ezin izan diogunez erantzun, denbora gainera etorri zaigu eta olatua gainean dugu.

  2. Bikaina gaurko ekarpena, mila esker berriz ere!!
    Euskal irakurleok badugu, badugunez, kalitatezko edukien beharra, basamortu mediatiko lotsagalduaren erdian fundamentuzko eztabaidak planteatuko dituena.
    Euskal hedabideen irakurle naizen aldetik, Independenteak kultur-maila ederki igo duela esan behar dut (ez zen hain zaila ere azkenaldian). Ikasiko al dute zerbait bertsio ofizial pozoituen eta agentzia salduen jarraitzaile itsuek eta mentalki kolonizatutakoek!

Utzi iruzkina

Azken artikuluak