Jesús García Blancaren ekarpena

Koronabirus Operazioa, eraikitze modu eta helburuak antzematen

Pseudoerlijio berria da “zientzia”, onartzen joan behar garen dogmak ikerketa eta aldizkari “zientifikoen” bidez heltzen zaizkigu. Baina xehetasun garrantzitsua ahaztu ohi dugu, egiazki zientzialari talde jakin batek idatzitakoak direla, erakundeetan boterera iristea lortu eta zientzia eredu zehatz bat inposatzea lortu dutenek, hain zuzen ere.

2

Haizea Urtasun Rosano

Ikaslea eta ama. Sarasa

Beste behin ere, eskerrik asko Plural-21 eta Jesús. Atalka jasotzen ari naizen elkarrizketaren zati honen sarrera orain arte “elkarrizketatzaile” hitzarekin soilik aipatu zaitudan hori, José Luís Ruíz Hernández, nor zaren azaltzeko aprobetxatu nahi dut. Kimikari ohia eta homeopata da José Luís, eta https://www.twitch.tv/plural_21/ kanaleko koordinatzailea.

Zeharka bada ere, honakoan beste behin alderatzen dute bai berak eta bai Jesúsek Koronabirus Operazioa HIESaren muntaiarekin. Aurreko ataleko hasieran jaso nuen honen inguruan labur esateko dudana.

Dogmen barneratzea

Mozala ez erabiltzearen zure ergelkeriarekin arriskuan jartzen nauzu” tankerako egozpenekin etsaitasunezko jarrera ere hartzera iristen den jendea dago. Baina horren aurrean ezer gutxi dago egiteko. Pertsona horrek gu gaixotzeko zelatan dauden birus batzuk daudela, eta beraz, mozalik ez darabilzunez zu erantzule zarela benetan barneratu badu… Funtzionatzen duen mekanismo bat da.

Erabateko absurdoa

Jendeari birusak pisatzen duela eta ondorioz, zuk listu tantatxoak isurtzen dituzunean, birusak pisatzen duenez,  lurrera erortzen dela eta hori dela bi metrotako distantzia nahikoa izatearen arrazoia esatera iritsi dira. Zer izango da hurrengoa? Birusak erortzean ping-pong pilota balitz bezala errebotatzen duela, eta orduan, errebotatzen hasten denez, 15 metrotara dagoen jendea ere arriskuan jartzen ari zarela, birusa boteka hel daitekeelako haraino? Auskalo! Jada edozer asma dezakete.

Ikerketa zientifiko batek birusak erortzean errebotatzen duela eta 45 metrotako distantziara dagoen pertsona bat kutsatu arte 15 minutuz boteka jarraitzen duela dio. Bale. Esaten dizute. Eta hasieran “ikerketa zientifiko batek dio” ohartxoa gaineratzen badiozu, kito!

[José Luísen ekarpena]: Hau oso ohikoa da medioetan. Esamolde horrekin topo egiten duzunean; ikerketaren erreferentzia bilatzen duzu; aizu, kazetari, “ikerketa batek” esan didazu, zein ikerketa da?; ez dago jakiterik!

“Zientifikoki inposatua” eta “zientifikoki onartua” ez dira gauza bera

Bai. Baina horrez gain, ikerketa existituta ere, kontua da jende askorentzat ikerketa zientifiko bat entzikliken modukoa dela. Pseudoerlijio berria da zientzia. Beraz, onartzen joan behar garen dogmak ikerketa eta aldizkari zientifikoen bidez heltzen zaizkigu. Eta zientziatan zenbat eta ezjakinago, orduan eta joera handiagoa zientzialariek esaten dizutena onartzeko. Tira, ez zientzialariek (hau xehetasun garrantzitsua da), baizik eta zientzialari talde jakin batek, erakunde horietan boterera iristea lortu eta zientzia eta medikuntza eredu jakin bat inposatzea lortu duten horiek.

[Nire oharra: ingeniaritza linguistikoari heldu eta hitzen benetako esanahia berreskuratze aldera, zuzenagoa litzateke “zientzia” pseudoerlijio berria dela esan beharrean, “zientismoa” dela pseudoerlijio berri bilakatutakoa esatea. Izan ere, ikuspegi bakarreko zientzia, botereak inposatu nahi diguna, ez da benetako zientzia, kontrakoa baizik; hortaz, ezarri nahi dutena, hobe esanda, zientismoa da.]

Helburu nahaspila

Benetako hildako batek ez du ezer demostratzen, nahi denerako erabil daiteke, horretarako botere nahikoa izanez gero.

Hau muntaia bat da, edo, Plural-21en deitzen diozuen moduan, Koronabirus Operazioa, beste hura HIESaren muntaia izan zen bezala. Ideia bera da, hau da, eraikitzen den zerbait da. Oinarri erreal bat baliatuta, noski. HIESaren muntaiak benetako oinarri bat du, benetako hildakoak zeuden, baina benetako hildako batek ez du ezer demostratzen, nahi denerako erabil daiteke, horretarako botere nahikoa izanez gero. Kasu honetan berdin: hildako batzuk daude, eta boterearen esparrutik horren gaineko eraikitze bat egiten da.

Agerikoez haratago

Bill Gates edota George Soros modukoen gainetik daude munduko benetako agintariak, eta inork gutxik ezagutuko ditu horiek.

Hemen jada gauzak korapilatzen hasten dira. Horietariko batzuk identifikatu ditzakegu, esaterako, aipatu agentziak, hauek finantziatu eta kontrolatzen dituztenak nortzuk diren, etab. Ordea, horien gainetik, adibide argienetako bi jartzearren, Bill Gates (txerto eta osasungintzaren eremuan) edota George Soros (zentsura mediatikoaren alorrean) modukoen gainetik daude munduko benetako agintariak. Inork gutxik ezagutuko ditu horiek, eta euren asmoen inguruan espekulatu baino ezin dugu egin. Zalantzarik gabe, ezer onik ez. Eta gizateriaren ongizatea xede duenik ere ez.

Begi-bistakoak

Estatu batzuetako ekonomiak behea jotzeko apustua egin dela, Espainia eta Italiaren kasu ezin argiagoetan bezala, garbi dago.

Gauzak gurutzatu eta aldrebesten dira. Esaterako, beldurraren bitartez jendea kontrolatzea? Jakina. Jendea osasunaren arlo zabalean kontrolatzea? Zalantzarik gabe. Pausuak eta pausuak ematen joan dira, immunitate pasaporte horietara, txertatua nor dagoen eta nor ez jakiteko edota testa nork egin duen eta nork ez jakiteko mugikor aplikazioetara heldu arte. Hori begi-bistakoa da. Estatu batzuetako ekonomiak behea jotzeko apustua egin dela, Espainia eta Italiaren kasu ezin argiagoetan bezala?  Hau ere garbi dago. Greba orokor egun bakar batek berebiziko krisia eragiten bazuen, ba hiru hilabete greba orokorrean, atera kontuak! Ez dago espezialista ezta ekonomialaria izan beharrik honek lurralde bateko ekonomiarentzat suposatzen duen eraso basatiaz jabetzeko.

Esaerak dioen bezala, ur arrean, arrantzalea jabe. Muntatzen ari diren era askotako negozioak bistakoak dira: mozal, mantal, astronauta itxurako lan-jantzi, eskularru, eta abarrak saltzen; maila sakonago batean, ba  test, tratamendu, txerto, eta abarren salmenta. Noski hau ez dela horretarako esklusiboki muntatu, batzuk dioten bezala. Baina helburu aprobetxagarri bat zen hori, eta horretan ere ari dira.

A gripearen aurrekaria

A gripearen adibidean ikusi genuen, aurreikuspen horren itzelezkoak jaurti zirenean. Lurralde askok tratamendu eta txerto pilaketa egin zuen. Soilik txertoekin zazpi mila milioi dolar mugitu ziren eta gero ez ziren erabili (zorionez) eta suntsitu egin behar izan ziren. Discovery Salud aldizkarian muntaia faltsu hori guztia azaldu zen, baina inork ez zuen deus esan une horretan. Baina gero, Europar Kontseiluko Osasun Komisioko presidenteak, Wolfgang Wodargek, esplikatu zuen, eta orduan izan zen mundu mailako eskandalua lehertu zenean, gizon honek azaldu zuenean aurreikuspen horiek sortu eta OMEk pandemia hori deklaratu izanak tratamendu eta txertoen negozioa sustatzea zuela helburu. Tira, denboratxoa emango dugu oraingo honetan betetzen ari den helburuetako bat hori dela onartua izan arte.

[Nire oharra: beste bideo honetan Jesúsek berak ezin hobeto laburbiltzen du gakoa, errazen ikusten dena, ez garrantzitsuena, ordea, alderdi ekonomikoa dela dionean. Eta jarraitzen du: baina ez genuen ordukoaz ezer ikasi. Hura argi ikusi zen, komunikabide guztietan atera zen, baina gero, hurrengo “pandemia” bat agertzen denean, jende berberak muntatua, ezaugarri  antzeko eta helburu, oraingo honetan zabalduak, baina, paretsuekin, inork ez du ikusi nahi!]

“Jesús García Blancarekin elkarrizketa: Konspiranoikoak ala matxinatuak?” bideoa / Plural-21

Konspiranoikoak ala matxinatuak? elkarrizketaren laburpena, atalka:

2 erantzun “Koronabirus Operazioa, eraikitze modu eta helburuak antzematen” bidalketan

  1. Zientzia, BEnetako zientzia, zientismoa, ikuspegi bakarreko zientzia, ikerketa ta aldizkari zientifikoen dogmak, zientzilariak, zientzilari talde jakin bat, zientifikoki inposatua, zientifikoki onartua,…
    Eneee! Zoramena!
    DEBATE ZIENTIFIKOA YA!

    Eskerrik asko Haizea Urtasun.

Utzi iruzkina

Azken artikuluak