Independenteara ibilbide luzeko idazle eta ikerlari independente hau ekarri nahi izan dugu, bizi dugun egoera ikuspegi zabal batetik ulertzeko gakoak gutxik bezala mahaigaineratzen baititu. Eskerrik asko Plural-21 Planeta Bizi batean Bizitzaren zaintzarako Elkartea “gutun” hau euskararatu eta zabaltzeko baimena emateagatik, eta eskerrik asko, Jesús, zure argitasunarekin lainoa urratzen laguntzeagatik.
ITZULPENA:
Black Mirror izeneko telesail aztoragarri horretan, bada Espainian “La ciencia de matar” izenburudun kapitulu bat azaltzen saiatzen ari naizenaren alegoria perfektua dena. Istorioa, telesaileko ia guztiak bezala, apokalipsi ondorengo etorkizun distopiko batean garatzen da. Bere protagonista erakunde militar bateko kidea da, gizateria mehatxatzen duten munstro beldurgarri kontsideraturiko partzialki humanoideak diren izaki mutanteak, “labezomorroak”, suntsitu eta desagerraraztea misio duena. Soldaduek sarraski misioei ekiten diete garunean “maskara” izeneko inplante neuronal bat jaso eta gero. Inplanteak ahalmen berezi batzuk ematen dizkie, beren triskantza zereginean lagungarri zaizkienak baina, istorioaren une jakin batean deskubritzen dugunez, hain zuzen ere hori da mutanteak munstro beldurgarriak bailiran ikustea ahalbidetzen duena, egiazki pertsona errugabeak direnean.
Haluzinazio kolektibo ikaragarri horretan gaude.
Nola izan da hau posible? Konspirazio bat da? Bill Gates eta multinazional farmazeutikoen aurrean saldu al dira mediku, erizain eta pertsonal sanitarioa orokorrean, zientzialari, aldizkari medikoetako editore, osasun arloko arduradun politiko garrantzitsu eta kazetari legio oso batekin batera? Nire ustez, galdera horren erantzuna honakoa da: batzuk, oso gutxi eta influentzia oso handikoak, bai; baina gehiengo nagusia, ez. Zergatik ez? Ez delako beharrezkoa: doan egiten dute. Edo beste modu batera esanda: beste arrazoi batzuengatik egiten dute, Boterearen erremintak ezagutuz soilik uler daitezkeenak. Tresna hauek ez dute osasun/gaixotasun arloan soilik jarduten, baizik eta askoz haratago, hezkuntzaren arloan, hau da, makineriaren piezen fabrikazio prozesuan, ciberpunk estilora azalduta, Matrix-eko zirkuituetan.
Giza arrazaren etorkizuneko patua etorkizuneko haurren estruktura karakterialak sortua izango da. Euren esku eta bihotzetan egongo da erabaki garrantzitsu hau. XX. mendeko kaosa garbitu beharko dute. Hori gure ardura da, kaos honen erdian bizi garenona.
Wilhelm Reich
Ez genion kasu zipitzik ere egin Reichi, eta orain, ia hirurogeita hamar urte beranduago, ondorioak planeta birrintzen ari dira. Reichek aipatzen zituen “etorkizuneko haurrak” heldu bilakatzen joan ziren, Reichek berak salatzen zituen Boterearen erremintek eta ondoren etorritako askoz beldurgarri eta zitalagoak direnek modelatuta. Gutxi batzuk bakarrik biziraun zuten: inork entzun edo ulertu gabe hemen eta han oihuka jarduten duten horiek. Inork ez zuen XX. mendeko kaosa garbitu, gehiengoa kaos hori hedatzen laguntzen edo bere isiltasunarekin konplize bilakatzen ari zelako.
Aparatu mediku-farmakologikoari emakumeei erditzea indarrez kentzen utzi genion, bizi-energian alterazioak eta haurtxoen uzkurdura biologikoa probokatuz, korazak betiraunkortuz, plazererako gaitasuna distortsionatuz, gaixotasunerako joera, dependentziarakoa, sumisiorakoa edo, beste bide batzuetatik, zitalkeriaren zabalkundea eraginez.
Gure osasuna aparatu horretxen eskuetan abandonatu genuen, osasun sistema moderno farmakologiko erredukzionista mekanizista eta desumanizatuek osatzen duten sarea ageriko aurpegi duena. Gutxienez duela mende batetik hona, bizitza protokolo sanitario transformatzen ari da aparatu hori, Goikoentzat kontrola eta irabazi ekonomikoak sortuz; eta behekoentzat menpekotasuna eta eskubide, askatasun, autonomia, erabaki eta abarren galera. Trukean, papur toxikoak, gure gorputz eta arimaren garrasiak isilarazten jarraitzeko. Armategi kimiko eta bioteknologiko oso bat, Gaia ekosistema eta duela milaka milioi urte bizitzaren abentura hasi zuten eta bizikide ditugun biztanleekin osatzen dugun barne mikrosistema suntsitzeko.
Eta horretan gaude: kaos emozional ikaragarri horretan.
Jesús García Blanca
Funtsezko arazoa menperatzearen sustraiak bilatu eta horien gainean jardutea da, dagoeneko egina dagoen produktu baten aurka borrokatzearen higadura amaigabera mugatu beharrean.
Jesús García Blanca, ‘El rapto de Higea’
“Jesús García Blancarekin elkarrizketa: Konspiranoikoak ala matxinatuak?” bideoa / Plural-21
Konspiranoikoak ala matxinatuak? elkarrizketaren laburpena, atalka:
- Konspiranoikoak ala matxinatuak?
- Pandemia faltsuaren sustraiak
- Wilhelm Reichen oinordekotzatik ikasten
- Esnaeratik gatazkaren sorburura
- OME, pandemia faltsu honen sortze ofizialaren erantzule
- Koronabirus Operazioa, eraikitze modu eta helburuak antzematen
- Zientzia-fikzio espektakulua
- Beldurrak katigatuta: zenbateko, etiketa eta protokoloak
Lehendabizi, milesker Haizea “gaia” alde honetatik ikustarazteagatik. Eta jarraian esan nahi nuke ados nagoela Jesus García Blancak mahai gainean eta eztabaidarako paratzen dituen gaiekin. Gure osasun emozionala xixko eginda dagoela zalantza gutxi.
Zer arraio egiten ari gara umeekin?
Era guztietako bortizkeria ongi ezarria dago gure bizitzetan.
Sozietate honetan, gabezia oinarrizko zulo ase-ezin batean dauzka gure izaera erreprimituak sustraiak ongi boteak;ordezko gauzekin saiatzen gara jasanezina jasangarri egiten baina alferrikakoa da, gure egonezina gailentzen da, eta sumisioa.
Jende askok ikertu eta eskribitu du zapalketa sexuala oinarri duen egoera, gero eta zitalago dena, honen inguruan. Era guztietako zentsura jarrerek atsedenik ez ordea. Botere patriarkala da. Botere patriarkala da, lehenego segunduetan emakumeak eta umeak gogor zartatzen dituena.
Eliteak agintzen du. OMEk Eliteen jarraibideen arabera planeatu eta justifikatzen du. Gobernuak tirania hori legeztatzeaz eta dekretatzeaz arduratzen dira, beren legeak hautsiz, golpistak direlako. Masak enbrutatzeko bitartekoek gezurrak botatzen dituzte eta manipulatu egiten dute. Horda armatuek erreprimitu egiten dute, ankerki erasotzen diete babesik gabeko biztanleei eta prebarikatu egitn dute. Justiziak bere isiltasun konplizearekin ateak zabalik uzten dizkie triskantza horiei guztiei. Herriak, gehienak “lotan”, toleratu eta obeditzen du. Osasun arazoak dituztenek dilema haundi baten aurrean daude: mediku edo sikario baten aurrean dauden jakitea. Ikastetxeetan gure umeekin egiten ari direna gizateriaren aurkako krimenak dira, horrela salatu behar dira eta euren arduradunak Nazioarteko Zigor Gortera eraman gerla krimennengatik eta genozidioagatik. Horiei eta aurretik izendatutakoei. Nazioarteko Zigor Gorte nahikoak beharko dira… Batekin ez da iristen.
Jesus Garcia Blancaren “El rapto de Higea” duela urte mordoxka irakurri niNan eta antza denez orain ere gaurkotasun osoa diNK bere ekarpenak. Osasuna danoi!!
Eskerrik asko Haizea, inguruan bizi dugunaren azalpen hain sakon eta zabala Independenteara ekarri izanagatik, gertatzen ari dena ulertzen laguntzen duelako, eta gure hizkuntzan gainera.
Artikulu interesgarria, hausnartzeko geratzen zaidana, Jesús García Blancaren komatxoen esaldia bere liburutik ateratakoa: “The abduction of Higea”
“Funtsezko gaia nagusitasunaren sustraiak aurkitzea eta horien gainean jardutea da, dagoeneko egindako produktu baten aurka borrokatzearen amaierako higadura mugatu beharrean”.
Esaldia baino lehenagoko sarrera, ez dakit artikuluaren egilearekin edo García Blancarena, baina idazten duenean: “Eta hemen gaude: kaos emozional ikaragarri honetan”, lehen komatxoaren antzera, horretarako bigarrenik, zergatiei / ondorioei buruz dudan pertzepzioa desberdina da edo ondorioztatu dudanaren berri eman nahi diguna.
Niretzat, haietan jarduteko nagusitasunaren sustraiak aurkitu behar ditugula diodanean, fokua ondorioan jarri behar da eta ez nagusitasun botere hori sortu duen kausan.
Ulermen desberdin hori nire ikuspuntu desberdinetik dator, artikuluaren egileak “kaosa emozional ikaragarria” aipatzen duenean, sustraietan daudenek nagusitasun horren eragile gisa egindako gehiegikeria horren ondorioz.
Beraz, niretzat funtsezko galdera lehen kausa nagusia aurkitzea da, hau da, “jatorrizko bekatua” … inkontzienteki oraindik ere egin genezakeela “esna” gaudela uste dugunok ere … eta hori “kaosa espiritual ikaragarria” sortzen jarraitzen du, “azken kontu ajustean” eta Balantzak orekatzeko azken garai honetan murgilduta aurkitzen garelarik.
Ondo izan
“kAOS EMOZIONALAren zati bat, nik uste, egoera honi buruzko BURU-NAHASTEAK eragiten du.
Inork gutxik hitz egiten du egoera honen ZERGATIAZ, eta hitz gutxi horien esangura lanbro-itxuraz heltzen da gizartera, ezer iristen baldin bada. Horrek zihurgabetasuna eragiten du (“hala gaude eta ez dakigu zergatik.”).
Kausa, nire ikuspegiz, argia da (ez dakit ados egongo zareten; ados dagoen jende multzo bat behar da baita egungo nekea eta haserrea bide eraginkorretik antolatzeko, irmoki antolatzeko).
Biosfera lar den beste toxikotu da, eta boomerang efektuarekin kolpatu gaitu. Lehen abisua.
Kapitalismo basatia da errudun, bere “industria iraultzen” zaborreria sortu duena. Eta egungo iraultza (zibernetikoa) da azken guinda.
Baina “ezkerra” ez da ausartzen hori publikoki azaltzera, eta are gutxiago ekintzetan abiatzera. Boto asko galduko luke, bistan dago.
Jendeak segurtasuna eskatzen baitu, eta lehengo “paraisuetara” bueltatzea. (hortik txerto magiko baten altzoa etsi-etsian desiratzea).
Beraz, naturaren bigarren lezioa etorriko da. Eta agian hirugarrena beharko… ahotik bitsa atera arte akaso.
Gizarteak (“gure” agintarien eskutik)
Konturatu barik,
EUSKERA ETA GENEROA (1) artikuluan utzi dut hemen utzi behar nuen mezua. Han dago.
Haizeak aireatu digun gai hau ezin da inolaz ere puntu honetan bukatutzat eman.
Nire ustez eskuartean dugun gai garrantzitsuena da: oraintxe bizi dugun egoera ZERGATIK sortu den jakitea.
Adibide bat jartzera noa, OIHAN SOILTZEA, deforestazioa.
Kapitalismo basatiaren abangoardiak Amazonia Oihanari SU EMAN zion, hots, su eman, apropos, gizadiaren birikagunea dugunari. Ez dute inor gartzeratu!. Ehun euro lapurtzeagatik jende gixajoa gartzeleratzen dutenean. Justizia.
Ba begira, OMS berak esan berri du, Maria Neiraren ahoz, ezen azken epidemien %70 (Ebola, Sars. VIH) animalietatik sortu dela, Oihan tropikalak suntsitzeagatik.
Eta Maria Neira bada nor, OMSko Osasun Publiko eta Ingurameneko zuzendaria baita.