Jesús García Blanca ibilbide luzeko idazle eta ikerlari independentearen ekarpena altxor bat iruditu zaidanez, ¿Conspiranoicos o rebeldes? elkarrizketan jasotzen dituen eta bereziki aipagarriak iruditzen zaizkidan ideien laburpena doa hemen. Konspiranoikoak ala matxinatuak?-en nioen bezala, bizi dugun egoera ikuspegi zabal batetik ulertzeko gakoak gutxik bezala mahaigaineratzen dituenaren sentipena dut eta, horrexegatik, nire eskerrik beroenak helarazten dizkizuet, berriro ere, Plural-21eko kideei eta zuri, Jesús. Hona hemen ba:
Egoera “arraroa”
Arraroa bai, baina ezohikoaren zentzuan. Osasun eta gaixotasunaren arloan mugitzen diren botere harremanen isilpeko kontuak ezagutzen denbora daramatenei ez baitzaie arraroa iruditu gertatu dena. Aitzitik, batzuek iragarria zuten jada, nahiz eta ez espero izan halako eraso izugarririk.
Aurrekariak egon dira, in crescendo joan direnak, eta hau da, oraingoz, azkeneko eztanda; hori baldin bada, eta ez beste eztanda erraldoi multzo baten lehena…
Nola iritsi gara honaino?
Erantzun luzearekin egunak eman genitzakeenez, eta laburrarekin motz geratu, ertaina eman behar. Eragile multzo batzuengatik heldu gara hona. Baina bada bereziki garrantzitsua den bat: aspaldidanik botere mekanismo automatiko batzuk sortzen joan izana. Automatikoak honako zentzuan: ezartzen dira, martxan jarri, eta hor geratzen dira, funtzionatzen, batzuk besteei batzen, batzuetan baita erabat kontrolatuta egon gabe ere, botere efektu oso kaltegarriak produzitzen doaz. Botere mekanismo horien guztien bateratzearen ondorioa da hau.
Erakunde sarea
Alde batetik, erakunde, gobernu agentzia, fundazio, enpresa “filantropiko” sare oso bat dago, mota ezberdinetako agenteek osatua.
Ofizialki ikus daitekeena Osasunaren Mundu Erakundea da, jendearen gehiengoak gizateriaren osasunaz arduratzen den nazioarteko erakundetzat duena, osasun arazoak identifikatu eta konpontzeko estrategiak gidatzen dituena, etab. Baina hain zuzen ere guztiz kontrakoa bihurtu da. Gaur-gaurkoz finantzaketaren % 18 soilik du publikoa, alegia, estatu kideek egindakoa. % 82 esku pribatuetatik dator. Zeintzuk? Nagusienetako bat Bill eta Melinda Gates Fundazioa da, gutxi gorabehera aurrekontu horien % 11 jartzen duena zuzenean bere fundaziotik, baina gero askoz gehiago jartzen du sortzen joan diren beste erakunde batzuen bitartez. Horietatik garrantzitsuena eta ikusten errazena (prentsa oharretan eta nazioarteko albisteetan) Gavi Aliantza da; Haurren Laguntzarako Nazio Batuen Funtsa (UNICEF), Munduko Bankua, OME bera eta horren ezagunak ez diren beste erakunde batzuekin batera Gates Fundazioak berak sortua; munduko haur guztiak txertatzearen helburuarekin. Beste parte handi bat industria farmazeutikoak berak jartzen du. Eta badakigu, nork ordaindu, hark agindu.
Argi eduki behar dena OMEren aurrekontuaren zatirik handiena medikuntza, farmako eta txertoen esparruan interes pribatuak dituzten erakunde pribatuek jartzen dutela da. OME ez da jendearen osasuna zaintzeko erakunde independente eta publikoa, baizik eta pantaila bat, esku pribatuen zerbitzura, eta gainera osasunaren kontzeptu jakin batean interesa dutenak: txerto bidezko “prebentzioa” eta farmakoen bidezko “sendakuntza”.
Gero, badaude beste agentzia garrantzitsu batzuk. CDC (Centers for Disease Control and Prevention – Gaixotasunak kontrolatzeko eta prebenitzeko zentroak) munduko osasun agentziarik boteretsuena da, AEBko osasungintzarena berez, baina gero planeta osotik hedatzen dira honek elaboratzen dituen gaixotasunen definizio, tratamendu, prebentzio irizpideak etab., batez ere gaixotasun kutsagarrien ingurukoak. Eta hau da hain zuzen ere beste gako bat.
Gaixotasunaren Teoria Mikrobiarra
Pandemia faltsu honetan beste funtsezko elementu bat dago, guztiz kaltegarria dela demostratu dena: Gaixotasunaren Teoria Mikrobiarra, gaixotasunak mikrobio (bakterio, birus, etab.) bitartez kutsatzen direnaren ideia. Pasteurrek duela mende bat baino gehiago jaurti zuen ideia hau eta gailendu eta inposatu egin zen, baina ez arrazoi zientifiko-medikoengatik. Hau da, ez zen eztabaida zientifiko-mediko bat egon, non teoria hori zuzena zela ondorioztatu zen eta ondorioz aurreko ikuspegia bertan behera utzi zen. Medikuntzak tradizionalki milaka urtetan izan duen ikuspegia gaixotasunak barrutik sortzen direla, eta norbanakoaren jokaera, bizi-ohitura eta ingurumenarekin lotuta daudela da. Hau guztia ahantzi egin dugu.
Gaixotasuna gainera erortzen zaigu, zorte txarra balitz bezala, hain zuzen ere, planetatik dabilen birus bat balitz bezala… Hau da, ez du zure bizi-ohiturekin zerikusik, zuk ezin duzu ezer egin, sinpleki, obeditu egin behar duzu: esaten dizutenari obeditu, ez harrapatzeko edo, harrapatu baduzu, sendatu ahal izateko.
Hezkuntza-mekanismoak
Iritsi garen neurriko absurdoak onartu ahal izateko hezkuntza-mekanismo batzuk egon dira, bidea prestatu dutenak, Wilhelm Reichek esaten zuen moduan, “ez du axola noren esklabo” izan dadin jendea, eta edozer obeditzen bukatu dezan, erabat zoro edo zentzugabea iruditu arren.
“Jesús García Blancarekin elkarrizketa: Konspiranoikoak ala matxinatuak?” bideoa / Plural-21
Konspiranoikoak ala matxinatuak? elkarrizketaren laburpena, atalka:
- Konspiranoikoak ala matxinatuak?
- Pandemia faltsuaren sustraiak
- Wilhelm Reichen oinordekotzatik ikasten
- Esnaeratik gatazkaren sorburura
- OME, pandemia faltsu honen sortze ofizialaren erantzule
- Koronabirus Operazioa, eraikitze modu eta helburuak antzematen
- Zientzia-fikzio espektakulua
- Beldurrak katigatuta: zenbateko, etiketa eta protokoloak
“zorte txarra balitz bezala”.
Kuriosoa da ikustea Zientzia erligiotzat hartzen dutenek nola egozten dioten zorteari,gaixotasunen garapena edo haiekiko erresistentzia. Uste hori ez da batere Zientifikoa baina Fede nagusiaren defentsarako den guztia,ongi etorria zaie.
Gainera ez egiozue ezer esan,baezpare.
Oso ondo dago dakarzun testua, Haizea. Pandemia bat dugu, bai: osasun sistemak ezarri duen pandemia. Lehen, Erdi Aroan, adibidez, jendea naturarekin bat bizi zen eta ez zen edozein gauzagatik hiltzen.
Ikusiak ikusirik, argi dago, nik uste, biosferaren lehen boomerag hori zaku zulatuan erori dela. Mundua gobernatzen duten agintari gorenek ez dute ikasi lehen lezioa, eta bide beretik darraite: HIPER-HAZKUNDEAREN BIDETIK.
Horiek horrela, sarritan galdetzen diot nire buruari: GEUK AUKERATU AL DITUGU? Aparte uztera noa nausi-mausiak, Biden-Putin-Xi… eta hemengoei buruz galdetzera: Geuk aukeratzen ote ditugu? Ala ez agian egiazki?
Bikaina. Eta ateismo sutsuarekin zuten harremana, zientzia bat eta bakarra orain fede-dogma eta legetzat hartu dutenek? Deigarria zait, egunero.
Matxinatuak? Agian bai, baina nolako matxinada bultzatu nahi da testuaren printzipioetan oinarrituta?
Oinarrizko ezagumenduaren aurkakoa, giza-osasunari eraso egiten diona, atzerakoia eta kaltegarria; zeren gaixotasunen teoria mikrobiarraren ageriko froga objektiboak ez onartzea gaur egun, pandemia ukatzea ondorioz, nahita egindako hautaketa pertsonala da guztiontzako kaltea, sufrikarioa eta heriotzaren mehatxua ekarriko dizkiguna, gaur eta etorkizunean.
Mikel Martinez:
Gizateriaren sufrimenduak eta heriotzak benetan kezkatzen bazaitu, gaur gaurkoz, hobe zenuke industriak sortutako esperimentu sintetiko genetikoekin kezkatzea, mikrobioekin baino gehiago. Ez al duzu uste? Zer da arriskutsuagoa, zure ustez? Zerk eragiten ditu heriotza gehiago: mikrobio ugariek ala iatrogeniak eta kutsadurak, bizi garen ingurugiro toxikoak? Pentsa ezazu pixka batean, mesedez, eta pentsatu lasaitasunez: inork ez du ukatu hemen (artikulu honetan) dela delako arrazoiagatik gaixotu dena zaindu eta bere sendabidean lagundu behar denik. Kontrakoa, izatekotan. Beraz, “hautaketa pertsonala” eta “oinarrizko ezagumenduaren aurka” egotea aipatzen dituzunean, zeri buruz ari zaren hobeto pentsatzea interesgarria litzateke, zuretzat eta zure ingurukoentzat, guztiontzat.