Bertsolaritza da kontatzen duena egiz, bi begiz, noizpait norbaitek nonbait, kontatu beharrekoa zela eta kantatu zituenekoak, adibide. Hitzen jostunen etxea da hau, ez juglare orojakintsuen ohian ezta subentziojale adoktrinatuen eliz-mezkita. Hemen bertsoa da generoa, neurrian hartutako droga psikoaktiboa, azken puntua eta lehenengoa.
Ni naiz txakurra deitu zizuna (erremixa)
Kaixo Felix, X. Silver naiz, txakurra deitu zizuna
modu polita ez zela aldez aurretikan jakituna
baina lortu nun, bai lortu ere, horrekin bilatzen nuna
ahantzi bazaizu, porsiakaso ere, hona nere erantzuna
Denbora joana hausnarketari ez zaionez lagun txarra
kazetariek zabaldu zuten bertsio bat ta bakarra
zalantzan jarri ezina bera ez al da bitxi xamarra?
Ze kristo izan zen ados ez zena isilarazi beharra?
Zuk telebistan, irratietan eta egunkarietan
lau haizetara zabaldu zenun beldurra modu denetan
sentiaraziz bizitza bera beldurgarria benetan
eta txertoen ondorioz zenbat hil dira azken urtetan?
Donostiako ospitaleko ZIUek nolako sona
hartu zuten zu zinenez gero bertan buru zen gizona
bapatean, ui, gogoratu dut han larri gaixo zegona
Jendea hiltzen, zu bertso jartzen, ze gusto txarreko broma
ta orain ziur zu zarela bat txertatu gabe dagona
Negazionista esan zenidan, argudioetan zein urria
gelditzen zinen, nahiz ta iraina ez den taktika berria
gaitza inorrek ez zuen ukatzen, baina bere jatorria
isolatu ez den birus bat zen, ze igerlek igerria?
PCRak diagnosian erabiltzeko hautua
ongi dakizu izandu zela maltzurkeriz gauzatua
nola bihurtu zenuten zirku intzidentzi metatua
argi utziz hau dela herri bat arras manipulatua
Jendea hiltzen, zu bertso jartzen, ze gusto txarreko broma
ta orain ziur zu zarela bat txertatu gabe dagona
Gorritu gabe aipatze hutsa asintomatikoena,
hasieran bromak ziren, ta gero haserrea eta pena
mediku batek ez ote daki ume batek dakiena?
Ez dela inoiz gaixoa izan sintomarik ez duena.
Bapateko heriotzek, turbominbiziek eta beste hainbat gaixotasun kontuk, gertatutakoa egunero gogorarazten diguten bitartean, gehiengoa, ezarritako ahanztura ofizialean bizi da. Eskerrik asko Xabier!!!
Eta orain Kim Fox kardiologoaren eskandalua iruzur erraldoiarengatik.
Geroz eta argiago dago herritarrok eta herriarentzako eratu behar dugula geure Osasungintza bide industrialistak baztertzen hasita ahal den neurrian eta inor ez aberasteko moduan izan daitezela geure bizitza, jaiotza eta heriotza.
Denok markatu gintuzten egun haiek. Nik ez nuen txertatu nahi baina aitortzen dut familia presioagatik eta ateratzeko eta bidaiatzeko jarritako oztopoengatik egin nuela. Baina beti norberaren askatasuna defendatuta. Neure gorputza neure erabakia!!! Aspertu arte errepikaturiko lema, eta ez gizon eta ez emakumeek ez zutena defendatu, gainontzekoei negazionista deituz. Nire bi semeetatik bat txertatu zen eta bestea ez. Hori da askatasuna! Eskerrik asko Xabier.
Eskerrik asko Xabier, ederra benetan
Gizakiari ez zaigu gustatzen engainatuak izan garela onartzea!
Eskerrik asko Xabier, erantzun gabeko galderak bizirik mantentzeagatik!!
Hori da, eskerrik asko Xabier galderak bizik mantentzeagatik; nik nire inguruko gazteei zure lanaren berri ematen diet aldioro, etorkizuna baietz, gazteak bizirik badira !!!