1. Zer egin ote daiteke diktadura informatiboaren aurrean
Sare sozialetan gure kezkak eta paranoiak arintzen ditugu, Bilbokoa bezalako bilerak ezinbestekoak egiten dira, baina efikazia aldetik nola gabiltza? Heltzen da gure mezua gizartera? Gure familiara, lagun-taldera, ingurune politikora; herrira, azken batean? Ezetz dirudi. Ez da erraza, ondo dakigunez. Izurriteari dagokionean, hedabide handi guztiek mezu berdina zabaltzen dute, mezu gezurtia ehuneko handi batean, baita “gure” hedabideek ere. Eta hori ez da aldatuko, diru-laguntza eta publizitate instituzionaletik bizi direlako, eta nekez egin dezaketelako besterik. Honek ez die erantzukizuna kentzen kazetariei, politikoei kentzen ez dien bezala. Baina hilero soldata eraman behar dute etxera. Gero bakoitzak auskalo nola egiten dituen bakeak bere kontzientziarekin.
Zer egin dezakegu honen aurrean? Interneteko sare sozialen bidez gizartearen geruza batera heldu gaitezke soilik, uste baino geruza txikiagora. Eta badakigu jende gehiena hedabide nagusien bidez informatzen dela. Zer egin? Diktadura informatiboan bizi garenez, nik uste ez dugula beste biderik diktadura garaiko metodoetara itzultzea baino: kartelak, pankartak, pintadak, esku-orriak…, manifestazio eta hitzaldiez gain, noski. Jendeak kalera irten bezain laster informazioa jaso behar du hormetan, eskelekin gertatzen den antzera. Adibide bat jartzearren, bihotzekoaz hildakoen datu kontrastatuak baditugu, herri mailakoak zein orokorrak, ziztaden aurretikoak eta ondorengoak, denen begi bistan ipini. Eta hori bezala beste edozer. Beti ere informazio zuzena eta kontrastatua.
Diktadura informatiboan bizi garenez, nik uste ez dugula beste biderik diktadura garaiko metodoetara itzultzea baino
Laugarren dosia hartzera deituko digute laster. Kasu batzuetan hasita daude. Eta indar guztia egin beharko dugu jendea ez dadin berriro besoa ipintzera joan xalo-xalo. Nolabait eman beharko dizkiogu jende horri arrazoiak eta datuak. Herriko hormak ez badira mintzatzen, nola? Eta honek koordinazioa eta inplikazioa eskatzen du. Herri bakoitzean buruz eta adorez jardungo duen talde bat, behintzat. Bada horretarako prest dagoen jenderik?
2. Extremadurako azken datuak, ezabatuak dagoeneko
Ez nuke astunegia izan nahi Extremadurako zenbakiekin, baina datu sinesgarriak ematen dituen (zituen) erkidego bakarra denez, jarraipen zehatza egitea merezi duelakoan nago. Uda honetakoak oso adierazgarriak dira eta berez komentatzen dira.
EXTREMADURA, COVID HILDAKOAK AURTENGO UDAN:
| txertatuak | txertatu gabeak | |
| ekain. 23 | 17 | 1 |
| ekain. 30 | 11 | 1 |
| uzt. 7* | ||
| uzt. 14 | 26 | 0 |
| uzt. 21 | 26 | 0 |
| uzt. 28 | 13 | 0 |
| abuz. 4 | 18 | 0 |
| abuz. 11 | 13 | 0 |
| abuz. 18 | 13 | 0 |
| abuz. 25 | 10 | 0 |
| irail. 1 | 7 | 0 |
| irail. 8 | 5 | 0 |
| irail. 15 | 6 | 0 |
| irail. 22 | 3 | 0 |
| Denera: | 168 | 2 |
*Aste horretan ez zuten txertatu/txertatu gabe datua eman.
Oharra: irailaren azken asteaz geroztik Extremadurako Osasun Sailaren lehengo webgunea ez dago erabilgarri, ezin da sartu. Azpian datozen loturek ez dute funtzionatzen. Datu deserosoak ezabatzeko ahalegin berantiarra? Damnatio memoriae nabarmena? Itxura guztien arabera, webgunea berritu dute eta datu zahar guztiak ezabatu dituzte. Beraz, bukatu da, akabo Extremaduraren gardentasuna. Hemen azpian webgune zaharretik bere garaian egindako kopia-pegak (lehen biak izan ezik, egunkari batekoak baitira).
- ekain.23: Extremadura notifica 18 muertos por covid. Todos los fallecidos estaban vacunados menos uno.
- ekain. 30: 12 han fallecido en los últimos siete días. Todos los fallecidos estaban vacunados menos uno.
- uzt. 14: hay que lamentar el fallecimiento de 26 personas, todas vacunadas.
- uzt. 21: hay que lamentar el fallecimiento de 26 personas, todas vacunadas.
- uzt. 28: hay que lamentar el fallecimiento de trece personas, todas vacunadas.
- abuz. 4: hay que lamentar el fallecimiento de 18 personas, todas vacunadas.
- abuz. 11: hay que lamentar el fallecimiento de trece personas, todas vacunadas.
- abuz. 18: hay que lamentar el fallecimiento de 13 personas, todas vacunadas.
- abuz. 25: hay que lamentar el fallecimiento de 10 personas, todas vacunadas.
- irail. 1: hay que lamentar el fallecimiento de siete personas, todas vacunadas.
- irail. 8: hay que lamentar el fallecimiento de cinco personas, todas vacunadas.
- irail. 15: hay que lamentar el fallecimiento de seis personas, todas vacunadas.
- irail. 22: hay que lamentar el fallecimiento de tres personas vacunadas.
Extremadurako hedabideetan naturaltasunez ematen ziren datu hauek. Adibide batzuk: https://www.elperiodicoextremadura.com/extremadura/2022/07/21/extrem adura-notifica-26-muertos-covid-68601942.html
https://www.hoy.es/extremadura/extremadura-suma-muertes-20220728170329-nt.html
https://www.radiointerior.es/2022/08/04/el-ses-confirma-que-18-personas-vacunadas-pierden-la-vida-por-covid-en-7-dias-en-extremadura/
Inork ikusi du horrelakorik hemengo hedabideetan?
Inork ikusi al du horrelakorik hemengo hedabideetan?
3. “Pandemia” amaitu ote da?
ESPAINIAR ESTATUAN COVID HILDAKOAK UDAN (ekainak 21-irailak 21):
| 2020 | 3.425 |
| 2021 | 5.628 |
| 2022 | 6.125 |
EUSKADIKO ERKIDEGOAN COVID HILDAKOAK UDAN (ekainak 21-irailak21):
| 2020 | 279 |
| 2021 | 337 |
| 2022 | 466 |
vasco
(Orrialde azpiko diagraman punteroa pasatuta lortzen dira datuok). Expansión-en oharra: Nota: Los datos de España y las Comunidades Autónomas se han obtenido del Ministerio de Sanidad, del Instituto de Salud Carlos III. En ocasiones, hay datos no coherentes debido a que hay datos de fechas anteriores que están pendientes de ajuste por parte del Ministerio. Corregimos y actualizamos estos datos a medida que el Instituto de Salud Carlos III rehace las series de datos.
Datu hauek oso harrigarriak dira. Uda honetan ez da hedabideetan Covidari buruzko berririk ia ikusi, badirudi ez dela ia inor hiltzen horregatik; UBIn daudenak ere oso gutxi omen dira; jendeak ere “pandemiaren ondoren” esaldia darabil, igarotako gauza balitz bezala, eta, ostera, datu ofizialek esaten dute aurreko bi udetan baino askoz ere jende gehiago hil dela aurtengo udan Covidagatik/Covidarekin.
Datuen manipulazio hutsa? Ea buru argiagoren batek argitzen digun hau
Aitortu behar oso galduta gaudela datu hauen aurrean eta ez dakigula zer pentsatu. Badirudi, Extremadurako datuak ezagututa, gero eta jende gutxiago hiltzen dela (konparatu uztaileko eta iraileko datuak). Honek badu bere logika. Adituek diote birusak aldatzen eta indarra galtzen joaten direla denborarekin, eta dagoeneko aldaera berriek ez dutela gaiztotasun handirik. Horrela bada, ea nola justifikatzen duten 4. dosia. Baina, ostera, Euskadik bikoiztu egin ditu aurreko urteetako hildakoak, eta espainiar estatuko datuak ere antzeko bidetik doaz. Datuen manipulazio hutsa? Ea buru argiagoren batek argitzen digun hau.
4. Geopolitika, gerra, prezioen garestitzea, gosea…
Ematen du birusak baino buruhauste handiagoak eman behar dituela Geopolitikak (hitz potoloa) hurrengo hilabeteetan. Eta honetan ere, kasualitatea, hedabide nagusien eta ez hain nagusien jokabidea berdintsua da. Eta berdintsua izan beharko du, ziurrenik, informazio zuzena eta kontrastatua zabaldu nahi duenaren bideak. Baina hau beste baterako gaia da. Ildo honetan, oso interesgarria P. Baños koronelari eta J.A. Zorrilla enbaxadore ohiari R. Gisbert-ek eginiko elkarrizketa (https://www.youtube.com/watch?v=hMzFdLjHc2Q). Merezi du entzutea.
Erabat ados nago. Baina erresistentzia horretan oso aktiboa den pertsona batek behin eta berriz esaten duenez, proposatu beharrean, jar gaitezen martxan. Triptikoak egin ditzagun iradokitzen dizut, ongi eginak, hodeiko plataforma batera igo ditzagun, globalismoaren aurkako taldeetan iragar ditzagun, eta jendeari esan inprimatzeko eta postontzietan jartzeko, kaleetan itsasteko, etab. Hori da hasiera. Era berean, Telegram-en informazio-kontrako kanal bat ireki dezakegu, metodo hori aktibatu nahi dugun pertsonak elkartzeko. Pixkanaka-pixkanaka hazi egingo gara, eta horrekin batera informazioa kalean bertan. Ondo antolatuta, inprimategi batean inprimatu ahal izango ditugu panfletoak, prezio merkean (edo doan, agian). Nik etorkizun hurbilerako pentsatu dut (badakit hau konplexuagoa dela eta ondorio zuzenak dituela) ekintza zuzen baketsuak kontuan hartu behar dugula. Errepideak moztea edo kateatzea zarata egiteko moduak dira, eta honaino iritsita, argi dago dagoeneko entzunarazi behar zaigula, nik uste. Jakina, horrek atxiloketak, zigorrak eta mendekua ekar ditzake. Horregatik, abokatuekin antolatzea eta ekintza horiekin sor litezkeen gastuak estaltzeko funts solidario bat lortzea ere ondo legoke. Egia da ez direla metodo erakargarriak, inork ez dituela metodo horiek erabili nahi, baina batzuetan, zoritxarrez, ez dugu beste irtenbiderik.
Bai, Juan Martin!
“Diktadura informatiboan bizi garenez, nik uste ez dugula beste biderik diktadura garaiko metodoetara itzultzea baino: kartelak, pankartak, pintadak, esku-orriak…, manifestazio eta hitzaldiez gain, noski. Jendeak kalera irten bezain laster informazioa jaso behar du hormetan, eskelekin gertatzen den antzera.”!!!
-Ivanovich, egin diat hik dioenari buruzko gogoeta.
-GOGOETA, GOGOETA. Zuek, euskaldunok Gogoetaren inflazioa duzue, eta ekintzaren deflazioa.
– ??
– Bai, motel. Irakurtzen diat zenbat berba alferreko idazten duzuen “euskeraren egoerari buruzko” aiheru eta lanturu…
– Hori egia duk bai, eta gero horietariko inor ere ez dela apuntatzen EUSKALGINTZAREN hitzordurako…
-Tira, ez hasi ere eure betiko erroiluarekin…
Nik erraiten diat eta galdetzen ANTOLAKETAZ, primo.
– ah, antolaketaz…
– antolaketaz, baiki.
– Ba hemen, hartan ere, hainbat gauza eta hitzordu antolatzen diagu: dela, laster izanen dugun EUSKERALDIA, KORRIKA Karriketan zehar..
-Eta halere, primo, iragartzen diat aberiaren bat duzuela ANTOLAKETAN, eta horretan bai baduzuela aditua: ez ahaztu “ZER EGIN” idatzi nuela eta ..
– Tira, ez hasi hi ere aitonaren batailarxoak kontatzen, eta utzidak gogoeta pixkat egiten…
– “gogoeta, gogoeta…”
– Ba bai, Ivanovich, utzidak berba egiten gutxienez..
– Erran erran, primo.
– Ba hemen, EH honetan gauza asko egiten ditugula herri eta bailaran euskeraren eta euskal kulturaren alde, baina ez dagoela EUSKAL HERRI MAILAKO antolakuntza finko bat …
– AEK…
– Euskal kultura eta pentsaera zainduko duen antolamendua erran nahi diat, Katalunian “OMNIUM CULTURAL” bezalakoa…
– Euskaltzaindia…
– Kaka errea. Hemen, barne kolonizatuak egoteaz gain, ETBren eskutik, UPV-Zuzendaritzaren eskutik, Euskera Zaintzen ez dakien Euskaltzaindiaren eskutik…
– ah, bazekiat primo, orain IRUÑA-VELIAREN auziarekin hator, eztarrian hinkata gelditutako Arantza hori.
– Ba bai. Arantza halakoa, zeren hori ez zitekeen gertatu beste inon: ez La France handiosoan, ez España gloriosoan, ez Catalunya noski…ez munduan beste iñon ..
– Abrevia, tío.
– Labur esanik, OMNIUM kataluniarra errango lukeena: “acullá faltan un parell de cojons y de ovaris”
Oroimen historikoaren gabezia orokorra. Zenbat hiltzen ziren baztangak kutsatuta, polioaren ondorioak ikusi al dituzue, neronek Marokon ikusi ditut, eta Euskal Herrian oso txikitan, baina neronen amak ezin ditu ahaztu, eta …eta….Izurrite beltzak Europako, auskalo Asian, ez baitago daturik, populazioaren erdiak baino gehiago akabatu zuen. Uda honetan, baina apenas dagoen informaziorik, 10.000 hildako izan dira Taiwanen. Txertoak? Bai horixe.
Felix, oroimen historikoa guztiari aplikatzea hobe, komeni zaigunari bakarrik aplikatu beharrean.
Taiwango datu bila ari zara agidanez… ongi, ongi.
Gertuxeagokoak interesatuko balitzaizkizu, hona hemen aukera batzuk:
https://independentea.eus/kontakizun-pandemikoaren-historiaren-porrot-zientifikoa/
https://independentea.eus/zazpigarren-olatua-hirugarren-inokulazioaren-ondorioen-mozorro-berria/
https://independentea.eus/txertatuta-bazaude/
https://independentea.eus/extremadura-ekaina/
https://independentea.eus/birus-neuronalaren-antidotoa/
Animo!
Historia liburuetan Covid 19aren pandemia txertoari esker kontrolatu zala agertuko da.
Baina 2020ko maiatzean, txertaketa hasi baino lehen egoera kontrolatuta egoala eta hasieran ezin zala gauza handirik egin autopsiak eta tratamendu eraginkorrak galarazo ebezalako, hau ez da inon agertuko.
Gauza gehienak ez dira agertuko, historia garaileek idazten baitute beraiei komeni zaien modu gezurrezko…gezurtian.
Baina badira herri batzuk (edo leinu txiki batzuk, sikeran), memoria galtzen ez dutenak. Herri indigenoak, apika.
Ados naiz Amaiarekin.
Barka: Euskadiko Erkidegoan hildakoen datua oker eman nuen. Hau da zuzena:
EUSKADIKO ERKIDEGOAN COVID HILDAKOAK UDAN (ekainak 21-irailak21):
2020 279
2021 337
2022 466
Zuzenduta, eskerrik asko, Juan Martin.