Kontakizun pandemikoaren porrot zientifikoa

Pandemiaren datu ofizialen azterketa zientifikotik kontakizun baten historia ondorioztatzen da. Kontakizun horretan porrotak dira nagusi, porrot soziopolitiko eta ekonomikora eraman gaituztenak, eta honako hauek zerrendatu daitezke:

• Pandemia hau teilatutik hasita eraiki da, eta ez zimenduetatik hasita, datuen genoma-bankuarekin birusaren aldaerak sekuentziatuz.
• Ez da inolako kultibo zelularrik egin birusa isolatzeko, lehenengo eta behin paziente baten arnas-aparatuko lagin batetik isolatu behar zenean.
• Lagina garbitu eta arnasketa-aparatuko zelulen kultiboan isolatu ondoren, birusa mikrofotografiatu eta sekuentziatu ahal izango zen.
• PCR moduko teknika bat erabili da, screening-teknika bat dena, eta inongo unetan balio ez duena gaixotasun bat diagnostikatzeko lehenago birusa kultibatu gabe.
• Asintomatikoak erabili dira alegiazko gaixo gisa, imajinaziozkoak, sintomarik ez duen pertsona bat ez dagoenean gaixo, eta, gainera, beldurraren birus neuronala sartu dute, hauek kutsatzaile handiak zirela esanez.
• 2020ko martxo-apirila aldian, benetan hildakoak izan zirenean (eta ez, hain zuzen ere, ohiko arnasketa-gaixotasun baten ondorioz), ez zuten aztertu nahi izan ea kausalitaterik edo kasualitaterik egon ote zen eta gaixotasunaren arrazoia 2019-2020 kanpainako gripearen txertoaren inokulazioan ote zegoen. Hori berresten du autopsiarik egin ez izanak, autopsiak direlarik funtsezko elementu bat ezagutza medikorako, bai benetan gertatu zenaz jabetzeko, bai erabili beharreko tratamendu posibleak aztertzeko.
• Estatistika epidemiologikoko tresna bat erabili dute, egindako PCR testetan oinarrituta kalkulatua, tresna hori erabilgarria izateko gutxieneko irizpide batzuk ezarri gabe.
• Estatistika epidemiologiko ofizialaren erabilerarekin, erakunde sanitarioen nahierara sortu dira olatuak, eta olatu hauekin hartu dira gure eskubide eta askatasunen murrizketa eragin duten erabakiak. Horixe erakusten du egindako test-kopuruak lortutako positibo-kopuruarekin korrelazio zuzena izateak eta honek, aldi berean, Intzidentzia Metatuarekin (IM).
• IMren normalizazioa egin behar zen, 2020ko martxo-apirilean gertatutakoa estatistikoki azaltzeko moduan, kalkulu ofizialarekin egin ez zena. Gainera, hurrengo olatuak ez ziratekeen esanguratsuak izango, seigarrena izan ezik, horren arrazoia egindako PCR test kopuru handia delarik.
• IM normalizatuak hobeto azalduko lituzke pandemian zehar izan diren ospitaleratzeak, ZIUak eta hildakoak, eta ondoriozta daiteke horiek urtaroko gripe-epidemiei dagozkiela.
• Ro koefizienteak, IM normalizatu batekin hobeto azaltzen bada ere, ez du korrelazio esanguratsurik erabilitako estatistikarekin; izan ere, Ro koefiziente estatistikoak argi eta garbi adierazten digu gizabanako batek duen kutsatzeko gaitasuna, eta bere balioak gripearen urtaroko epidemiei dagozkienak izan dira, hasieran izan ezik.
• Lehen olatua izan ezik, gainerako olatuak gripearen urtaro-epidemiekin bat datozen ospitaleratzeen eta ZIUen gehikuntzarekin bat etorriz sortu dira, eta, neurri batean, txertoak berak eragindako kasuak estaliz, seigarren olatu apartarekin egiaztatu daitekeenez, adin-tarte nagusienen hirugarren inokulazioarekin batera.
• Covidaren txertoa albo-kalteak eragin dituen terapia genikoa da (iktusak, perikarditisak, miokarditisak, tronboak, etab.), bai spike proteinagatik, bai RNAk gure zelulen DNArekin izan dezakeen birkonbinazio genetikoagatik (minbizi agresiboak, azelerazio metastasikoak, etab.).
• Frogatu da ondoz ondoko inokulazioek kasu positibo gehiago eragin dituztela, eta, are okerragoa dena, hildako gehiago, adin-tarte desberdinetako inokulazio jarraiekin eta hirugarren dosiarekin argi ikus daitekeen bezala.
• Txertoa erabat inmoralki erabili dute, xantaia emozionala eginez; aldez aurretik, askoz test gehiago egin dira txertatuko ziren adin-tarteetan, eta kanpaina gaizto bat ezarri da, hala nola populazioaren estigmatizazioa covid pasaportearekin edo adingabeak txertatzeko presioa, jada dosi guztiekin txertatuta dauden adinekoak ustez babesteko.
• Hilgarritasunari eta hilkortasunari buruzko datuak, txertaketa-portzentaje txikiagoa duten eta murrizketarik ezarri ez duten herrialdeekin alderatuta (Suediakoak, esaterako), EAEn izan ditugunak baino dezente hobeak dira, eta hemen murrizketa handiagoekin eta txertaketa-ehuneko handiagoarekin.
• Hildakoen % 85 baino gehiago 70 urtetik gorakoak dira.
• 2021eko udan okupatutako ZIU oheen batez bestekoa 2020ko udan baino % 61,48 handiagoa izan da, eta alde nagusia da 2020an ez zegoela txertorik eta 2021ean txertaketa-prozesu betean geundela.
• 2020, 2021 eta 2022 urteetan hildakoak alderatuz gero, 2020ko martxo-apirilean hildakoen kopuru handia ikusten da, eta, 2022an, 2021ekiko konparazioan, heriotzak ugaritu egin dira. Elementu bereizgarria da 2021eko hilabete horietan txertaketa-prozesuari hasiera ematen ari zitzaiola, eta, aldiz, 2022ko aldi berdinean hirugarren inokulazioa egiten ari zela zaharrenen adin-tarteetan. Eta hain zuzen ere tarte horietan egin du gora gehien hildakoen kopuruak.

Informazio ofizialarekin egindako kontakizun pandemikoaren ikuspegi honek ez du inoiz sartu nahi izan konspiranoiarik, ez eta etorkizuna iragar zezakeen kristalezko bolarik ere. Baina, hori bai, lortu nahi duena da euskal gizartea esnatzea, globalismo neoliberalaren ofizialismoa ematen ari den urrats berrien aurrean, orain tximinoaren baztangaren birusarekin eta zorroztasun zientifiko txikienik ere ez duten zoonosiekin, eta 2030 Agenda ekologismoaren eta progresismoaren bibliatzat erabiltzearen aurrean. Izan ere, 2030 Agenda hori, gorriz eta berdez bildutako karamelu moduan aurkezten badigute ere, egiazki pandemia hau diseinatu duen globalismo neoliberalak berak diseinatu du, eta, nahiz eta gozoki horren bilgarria progresismoarentzat eta ekologismoarentzat iradokitzailea edo erakargarria izan, errealitatea da, behin bilgarria kenduta, topatuko dugun gozokia erabat beltza dela.

Horregatik, esnatu egin beharra daukagu, eta gure agintariei eta botere ekonomiko horri esan behar diegu aski dela gu egainatzeaz, nahikoa dugula iruzurrez, eta benetan behar dugun txertoa izpiritu kritikoarena dela, askatasunarena, demokraziarena eta sen onarena. Txerto biriko laukoitz hori bai; hori eraginkorra eta osasuntsua izango litzateke, bai maila fisikoan, bai mentalean, gure gizartearentzat.