KARGUGABETZEAK

Demokrazia ideia faxistei aurre egitera behartuta

EH Bilduk eta Elkarrekin Podemosek ematen duten erantzuna isil-isilik geratzea baldin bada, argi eta garbi erakutsiko digute zertan ari diren jokatzen.

2

Jon Ander Etxebarria Garate

Euskadiko Biologoen Elkargoko Dekano ohia. Bilbo

CSICeko (Espainiako Consejo Superior de Investigaciones Científicas delakoa) Enjuanes birologoak lehengo egunean esan zigun Gizarte Segurantzak ez lituzkeela Covid-az txertatu gabeak tratatu beharko, eta murrizketak txertorik hartu ez duten pertsonentzat bakarrik ezartzearen alde agertu zen.

Enjuanes jaunak CSIC bezalako erakunde publiko batean lan egiten duenez, Gobernuari eta Gobernuari babesa ematen dioten alderdiei eskatzen diet berehala kargugabetu dezatela. Izan ere, Gizarte Segurantzak zergadunek horretarako egiten duten kostuari esker eusten dio, eta euren artean txertatutakoak nahiz txertatu gabekoak daude; beraz, arreta jasotzeko eskubide osoa dute. Alkoholikoak, drogazaleak, gehiegizko abiaduragatik trafiko-istripua izan dutenak eta abar ere artatu behar diren bezala. Egoera hauek, Enjuanes jaunaren ikuspegi hori oinarri hartuta, ideologia faxista bati dagokiona, bizimodu osasungarria ez izateagatik gaixotzeko edo lesionatzeko arriskua duten pertsonenak lirateke. Are penagarriagoak dira bere adierazpenak, txertoa jartzea osasungarria dela esaten digunean, guztiz kontrakoa dela frogatzen ari denean.

txertoa jartzea osasungarria dela esaten digu, guztiz kontrakoa dela frogatzen ari denean

Horregatik eskatzen diet EH Bildu, Podemos, ERC eta BNG alderdiei, baita EAJ-ri ere, interpelazio parlamentario bat egin dezatela pertsona horren berehalako kargugabetzea eskatzeko, bere hitzak sistema antidemokratikoei dagozkielako. Gure aldetik, berriz, EH Bilduk eta Elkarrekin Podemosek Euskal Herriaren kasuan ematen duten erantzuna isil-isilik geratzea baldin bada, argi eta garbi erakutsiko digute zertan ari diren jokatzen. Hain zuzen ere, globalismo neoliberalaren alde apustu egiten besterik ez dira arituko, Estatuko goi mailako funtzionario baten jarrera faxistari aurre egiteko aukera dutenean.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Demokrazia ideia faxistei aurre egitera behartuta” bidalketan

  1. Baiki, Jon Ander

    CSIC erakunde publikoa denez, gu ordezkatzen gaituzten erakunde Edo Alderdi publikoei dagokie erantzutea.

    Bai CSIC, baita horren barne lan dagoen funtzionarioari kontuak eskatzeko.
    eta euron jarrera faxistak zalatzeko.

    STOP faxismoari!!!

  2. Ez naiz ez alkoholiko, ez drogazale. Eta gehiegizko abiaduragatik ez ohi dut izaten trafiko istripurik.
    Besterik gabe, ez dut txertorik jarri.
    Konparazioa ez zait zuzena iruditzen.

Utzi iruzkina, izen eta abizenez

Azken artikuluak