Portzentaiak

Saia haiteke heu bilatzen

Expansiónen arabera txertatuak dira %90,43. Zein da txertatuen portzentajea hil direnen adin-arkuan?

Extremaduran behintzat, kobid–txertoa hartu dutenak %90,43 dira, Expansión agerkariaren arabera / Expansión

8
Juan Martin Elexpuru

Juan Martin Elexpuru

Euskal idazlea eta filologoa. Bergara

“Ez da komeni ahaztea”
artikuluan iruzkinduz
argitaratuta estreinakoz

Juan Luis, aspaldiko: nik ezin izan diat aurkitu hik aipatzen duan datu hori, —txertatuen portzentajea hil direnen adin-arkuan— baina saia haiteke heu bilatzen. Eta esango diguk.

Expansión agerkariaren arabera, %90,43 dira Extremaduran “completamente vacunadas”.

https://datosmacro.expansion.com/otros/coronavirus-vacuna/espana-comunidades-autonomas/extremadura

Bi dosi hartuta, dirudienez, “completamente vacunadas” dituk, zeren eta Osasun Ministerioaren arabera %54k bakarrik hartu zian hirugarrena Espainiako estatuan.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Saia haiteke heu bilatzen” bidalketan

  1. Eskerrik asko, Juan Martin. Ez zekiat animatuko naizen datu hori bilatzen, une honetan astirik/asmorik ez diat. Baina kontua duk datu hori ezagutu ezean, nire ustez, hik emandako datuak ez duela askorik argitzen kontua. Eman dezagun hildako guztiak 50 urtetik gorakoak direla, eta 50 urtetik gorakoen artean txertatuen portzentajea %99ekoa dela (normalean txertaketa portzentajea handiagoa da zaharren artean, nik uste); hala balitz, txertoaren aldeko datua izango lukek, izatekotan, hik emandakoa. Aitzitik, hildako guztiak 40 urtetik gorakoak izan eta 40 urtetik gorako txertatuen portzentajea %90ekoa bada, orduan txertoaren aurkako datu kezkagarria izango lukek. Ez nauk ioso iaioa matematiketan, baina uste diat ulertzen dela.

  2. Zaharretxe askotan denak edo ia denak zeudek txertatuta. Normala, jakina, COVIDez hildakoen artean txertatuen portzentajea %100etik gertukoa izatea, edo %100ekoa izatea ere.

  3. Juan Luis: datu hori ezingo diagu aurkitu, baina bai beste batzuk. Esate baterako, aste honetako partea (uztailak 14):
    “Los hospitales extremeños tienen a día de hoy un total de 173 personas ingresadas con covid, 9 de ellas en UCI. Desde el pasado jueves hay que lamentar el fallecimiento de 26 personas, todas vacunadas, por lo que el total de víctimas es de 2.490 desde el inicio de la pandemia”.
    26 hildako, “todas vacunadas”.
    http://www.juntaex.es/comunicacion/noticia&idPub=37280#.YtLwU35ByUk

  4. Galdera xume bat, Juan Luis: 2020ko udaberrian zahar-egoitzetan izan zen hilkortasun handia (ospitale bat zapaldu ez zuen jendearena) CovidAK eragin zuela egiatzat edo ebidentziatzat daukazu? Hilkortasun hori birus bati eta birus bati bakarrik egozten diozu? Jakiteagatik besterik ez dut galdetzen.

  5. Adinduen Egoitzetako hildakoez zerbait gehiago?

    Pixkat airean geratu delakoan niagok 2020ko AUZI hori,

    Zeren EGIA baituk, Mikel, aitonamona mordo bat hil zen orduan

    Ofizialisten esan zigutenez, Covid19-aren erruz…eta beraZ, zaharrok lehentasuna txertatzeko zerrendan…

    Baina ez ahaztu behar, Juan Martín,

    Egoitza haiek eta beren zaindariek urte oso bat ziharduten graban, hango baldintzak salatzen… Urtebete osoa greban lekuan lekuko Diputazioen aurrean. Eta Gure Instituzioen erantzuna… Txakur txikirik Ez Egoitzei, zaintza eta zaintzailetzan txakur txikirik Ez …

    Bakarrik den.denak txertatxea, lehentasunez!!!
    eta bitartean aitonamona ISOLATZEA… gogoratzen?

    eta bitartean Ibuprofeno/Paracetamol/Big.Farmaren pozoiak eurrez!!

    Ondorioa… txit logikoa: Egoitzeko aitonamona tristeziaz eta sobredosiaz hil ziren, senideen bisitarik gabe ISOLATUTA, ezen ez Covidaz, erran zuten bezala.
    AGIAN gehienbat, aurreko “tratamendu” guztiaz gain, sasitxertoen inokulazioak errematatu zituen.

  6. Ebidentzia handirik ez daukat, egia esan, Ihintza. Datu eta iritzi kontrajarriak han eta hemen, besterik ez. Zalantzak, zalantzak eta zalantzak. Baina nik gertu samarretik ezagutzen dudan zaharretxeko egoiliar, langile, arduradun eta familiarren artean oso gutxi dira txertaketaren onurak zalantzan jartzen dituztenak, eta are gehiago: hasieran txertaketaren aurka zeuden batzuek iritzia aldatu zuten gero. Batzuek zalantzan jartzen dute neurri batzuen zorroztasuna, baita beste gorabehera batzuk ere, derrigortasun maila eta abar… Baina txertaketa bera ez. Eta badute eskarmetua kontu honetan. Argi dago gaitzak ez duela lehen bezain larri erasotzen. Agian ezin da jakin horretan txertaketa lagungarri izan den edo ez (eta agian ez du lagundu, ez dakit), baina, oro har, txertaketarik gabe egoera okerragoa izango zelako irudipena da nagusi nik ezagutzen dudan zaharretxe horretako egoiliar, langile, arduradun eta familiarren artean. Agian egun batean argi geratuko da dena, baina orain ez zait iruditzen kontua oso argi dagoenik, eta bakoitzak konfiantzazkoa iruditzen zaionari egiten dio kasu, nik uste, gehienetan ezjakintasunetik eta itsumandoka (hori da nire kasua behintzat).

  8. “Argi dago gaitzak ez duela lehen bezain larri erasotzen”, diozu, Juan Luis. Agian, agian bakarrik, izan ote liteke ‘lehen’ batik bat kalterako ziren ‘protokoloak’ ezarri zirelako eta baita osasunaren kontra zuzen-zuzenean jotzen zuten ‘neurri sanitarioak’ ere?

    Ez!!! Hori ez da posible eta ezin liteke! Esango dit batek baino gehiagok.

    Eta horrek gogora ekartzen dit Knut Wittkowski bioestatistikariak ohartarazpen modura esan ziguna:
    “Konfinamenduak ekidin zuen zerua eror zedin. Eta horren proba da zerua ez zela erori”.
    Ulertzen da, ezta?

Utzi iruzkina

Azken artikuluak