Hezkuntza Topaketa martxoaren 11n Bidanian

Azken hiru urteak Hezkuntzan: nora goaz?

Arduratuta gauden eta Hezkuntza munduan gauzak aldatu nahi ditugun guraso eta irakasle talde bat gara eta umeen, gurasoen eta hezkuntza profesionalen ahotsak entzun nahi ditugu. Horretarako, Bidanian egingo dugun Hezkuntza Topaketara gonbidatzen zaitugu martxoaren 11n.

Hiru urte pasatu dira mundua hankaz gora jarri zenetik, eta, guk ezer erabaki gabe, arau zorrotz eta askatasunaren eta osasunaren kontrakoak jarri zirenetik. Azken hilabeteetan, ematen du lasaiago gabiltzala eta hau guztia amesgaizto bat besterik ez dela izan, baina zentzugabekeria askok dirau oraindik gizartean eta eskoletan, eta etorkizuna zelan datorkigun eta zelan, guk geuk, planteatu eta forma eman nahi diogun aztertzeko bildu nahi dugu. Horretarako, Heike Freire psikologoa, pedagogoa eta filosofoa gonbidatu dugu honetaz guztiaz hitz egiteko: nora goazen Hezkuntzan eta ze eskola nahi dugun.

Azken hiru urte hauek etorkizuneko eskolan zelako aztarna utzi duten aztertu nahi dugu

Zentzugabekeria horren adibide, aurreko astean, DBHko irteera batean, oraindik ere beste irakasle batzuekin lehian aritu nintzen autobusean maskara dela-eta: “faborez, datorren astean ez dira jada derrigorrezkoak izango garraioan maskarak, eta denok elkarrekin egingo dugu lo irteera honetan, beraz, txotxolokeria gutxiago, mesedez” esan nien. Eskerrak gidariari galdetu eta nahi genuena egiteko esan zidan eta maskararik gabe igo ginen autobusera. Honelako egoerek sutan jartzen naute. Oraindik ere zauriak sendatu eta sentipen eta bizipen asko elkarbanatu behar ditugu.

Martxoaren 11n Bidanian, Gipuzkoan, elkartuko gara. 10:00etan hasiko gara eta 14:00 arte Heike Freirerekin arituko gara. 14:00 eta 16:00 artean bazkari autogestionatua elkarbanatuko dugu. 16:00 eta 18:30 artean, “ze eskola nahi dut?” hausnarketarako unea izango da, eta, Josetxu García irakaslearen eskutik, “umeak eta digitalizazioa” gai garrantzitsuaz mintzatuko gara.

Parte hartu nahi baduzu, eman ezazu izena gurasoakbiltzarre@protonmail.com posta elektronikoan

Parte hartu nahi baduzu, eman ezazu izena gurasoakbiltzarre@protonmail.com posta elektronikoan, eta ezaiguzu zuetariko zenbat etorriko zareten, zenbat heldu eta zenbat ume eta zein adinetakoak (dinamikak egokitzeko). Hau antolatzeko, diru bat jarri behar da heldu bakoitzeko: 30€ (otsailaren 25etik aurrera, 50€). Umeek doan izango dute. Ordaintzeko bideak eta leku zehatza, behin mezu elektronikoa jasotakoan jakinaraziko dira.

Gure ahotsak entzun nahi ditugu, zein eskolarekin amesten dugun ikusi eta azken hiru urte hauek etorkizuneko eskolan zelako aztarna utzi duten aztertu eta buelta bat eman nahi diogu, hezkuntza sistema osasuntsu bat sortzeko denon artean. Horretarako, zure ahotsa ere entzun nahi dugu, ume, gazte, ama, aita eta hezkuntza profesional zaren hori.

Eskerrak eman nahi dizkiet topaketa hau maitasun handiz antolatzen dabiltzan Diego, Josetxu, Iraide, Andere eta Potori.

Martxoaren 11n ikusiko dugu elkar!