Irakasle eta sendagile batzuek aurtengo maiatzean abiarazi genuen manifestu bati atxikimenduak lortzeko kanpaina. Eskola Covid protokoloak guztiz desagertzea eta berriro ere inoiz ez errepikatzea eskatzen genuen bertan. Orain, urrian, manifestu hori publiko egiteko garaia heldu da. Ostiral honetan, urriaren 7an, arratsaldeko 20:00etan izango da Arriaga plazan, Bilbon (euria egingo balu, Sendeja kaleko tingladoetan batuko ginateke, Bilboko Areatzan).
Hilabete hauetan guztietan, maiatzetik urrira, osasun eta hezkuntza arloko profesionalen 86 atxikimendu lortu dira. 86 profesional horiek babesa ematen diogu manifestu honi, denok aho batez esaten dugu ozen: azken bi urteotan bizi izan dugun askatasunen, subiranotasunaren, duintasunaren, emozioen, osasunaren eta hezkuntzaren galera ez dugula onartzen, ezerk ez duela justifikatzen galera hori, eta gizarteari eta instituzioei eskatzen diegu INOIZ EZ daitezela berriro ere protokolo hauek errepikatu ikastetxeetan.
hainbat ikerketa zientifiko badira azaltzen dutenak maskarak zein kaltegarriak diren gizakiontzat, eta, batez ere, umeentzat
Ostiralean Arriaga plazan publiko egingo den manifestuan, 2020ko martxotik, etxean espetxeratu gintuztenetik, gaur egun arte, protokolo hauek gure umeei zelako kaltea sortu dieten deskribatzen dugu. Badira, dagoeneko, hainbat eta hainbat ikerketa zientifiko, azaltzen dutenak maskarak zein kaltegarriak diren gizakiontzat, eta, batez ere, umeentzat. Umeek bizi duten antsietatea, depresioak eta beren buruaz beste egiteko joera zeharo igo dira, zenbakiak oso kezkagarriak direlarik. Eta irakasleok eta osagileok egunero ikasgeletan edo kontsultan bizi izan ditugun esperientziek hori erakusten dute. Horiek guztiak nahikoa dira Covid eskola protokoloen gaitzespena publikoki eskatzeko. Honi gehitu behar zaizkio manifestuan aipatzen ditugun beste hainbat arrazoi ere, hezkuntza arloari dagozkionak; adibidez, ezarritako neurriak aurretiaz hezkuntzaren gidari ziren helburu transbertsal garrantzitsuenekin bateraezinak direla.
gizarteari kontatzeko zer bizi izan duzuen azken bi urte hauetan
Osasun eta hezkuntza arloko profesionalei, manifestuari jada atxikimendua eman diozuen horiei, baita eman ez diozuenoi ere, gonbidapena luzatzen dizuegu ostiral honetan, urriaren 7an, arratsaldeko 20:00etan Arriaga plazara hurbil zaitezten. Arriaga plaza betetzeaz eta manifestua irakurtzeaz eta publiko egiteaz gain, hitza hartzera ere gonbidatzen zaituztegu, gizarteari kontatzeko zer bizi izan duzuen azken bi urte hauetan eta zergatik uste duzuen protokolo hauek ezin direla berriro ere errepikatu.
Azkenik, gizarteari ere gonbidapena luzatzen diogu ostiralean Arriaga plazara hurbiltzeko, osagile eta irakasleekin batera, manifestu honi babes publikoa emateko. Milesker!
Berton ikusiko gara.
NAZKArillak kaltegarriak, bai ez ahaztu printzipala: ume eta nerabe Orori sasi-txerto pozoitsua inokulatu ziotela.
Eta horretarako jarri zuten arrazoia, are “descabellado”-agoa: “umeen gurasoen onetako zela.” (Sic)
Beraz, gurasoei ez zitzaien ardura izan BEREN UMEAK SAKRIFIKATZEA.
Ez ahaztutekoa beneta!