Umeen, gurasoen eta hezkuntza-profesionalen ahotsak entzun nahi ditugu, eta horretarako Bidanian abenduaren 3an egingo dugun Hezkuntza Topaketara gonbidatzen zaitugu.
Hiru urte pasatu dira mundua hankaz gora jarri zenetik eta, guk ezer erabaki gabe, arau zorrotz eta askatasunaren eta osasunaren kontrakoak jarri zirenetik. Azken hilabeteetan, ematen du lasaiago gabiltzala eta hau guztia ametsgaizto bat besterik ez dela izan, baina zentzugabekeria askok dirau oraindik gizartean eta eskoletan, eta etorkizuna zelan datorkigun eta zelan – guk geuk – planteatu eta forma eman nahi diogun aztertzeko bildu nahi dugu. Horretarako, Heike Freire psikologoa, pedagogoa eta filosofoa gonbidatu dugu, honetaz guztiaz hitz egiteko: nora goazen Hezkuntzan eta zer eskola nahi dugun.
Abenduaren 3an Bidanian, Gipuzkoan, elkartuko gara. 10:00etan hasiko gara eta 14:00ak arte Heike Freirerekin arituko gara. 14:00 eta 15:30 artean bazkari autogestionatua elkarbanatuko dugu. 15:30 eta 18:30 artean, beste hainbat irakasle eta psikologorekin batera, solasaldia izango dugu “zer eskola nahi dut?” gaiaren inguruan. 18:30 eta 19:00ak artean ondorioak bilduko ditugu eta topaketari itxiera emango diogu.
Parte hartzeko, idatzi mezua bizitzahezkuntza@protonmail.com helbidera
Parte hartu nahi baduzu, izena eman ezazu bizitzahezkuntza@protonmail.com posta elektronikora mezua idatziz, eta ezaiguzu zuetariko zenbat etorriko zareten, zenbat heldu eta zenbat ume izango zareten, eta zein adinetakoak (dinamikak egokitzeko). Hau guztia antolatzeko diru bat jarri behar da heldu bakoitzeko (umeek doan): 12€ izango dira, eta ordaintzeko bide desberdinak jarriko dira eskura. Izena ematerakoan emango da aditzera topaketa egingo den leku zehatza.
Gure ahotsak entzutea eta nolako eskolarekin amesten dugun adieraztea dira helburuak, baita azken hiru urte hauek etorkizuneko eskolan zelako aztarna utzi duten aztertzea ere. Azken horri buelta eman nahi diogu, denon artean hezkuntza sistema osasuntsu bat sortzeko. Horretarako, zure ahotsa ere entzun nahi dugu, ume, gazte, ama, aita eta hezkuntza-profesional zaren hori.
Gure ahotsak entzutea eta nolako eskolarekin amesten dugun adieraztea dira helburuak. Zure ahotsa ere entzun nahi dugu
Eskerrak eman nahi dizkiet gurekin batera topaketa hau maitasun handiz antolatzen dabiltzan Diego, Ainoa, Iraide, Julia eta Potori. Abenduaren 3an ikusiko dugu elkar!
nolako eskola nahi dugun… nire mezua:
zorioneku zuen bilera!
nire zirioneku mezua; eskola zentzuduna, besterik barik: hau da, Hezkuntza Itun zentzuzkoaren arabera, euskera bere jantzi ederrekin (bere historia eta pentsaera sakonarekin) programatuko duena, ez euskera mantxua, asignatura-derrigorrez-gainditu-behar dena.
Baina horretarako ez dirudi Programatzeko kapaz (edo ez du nahi programatu, okerrago dena) egungo Hezkuntza Administrazioa.
Beraz, Hezkuntza Programakuntzan, eskola komunitate OSOAK parte hartu beharra du, ez soilik Administrazioak (gaur egun PSE/PNVren esku), baizik baita ikasle, irakasle eta gurasoen eledunek; horixe baita zentzunduna.
Beraz
-horretarako ZER EGIN, Bidania-Bidania?
-ANTOLATU-ANTOLATU!
-Beti diozu berdin, Ivan Ilich…bAINA NONDIK HASI?
-Lehenik ESPABILTU, ESPABILARAZI.
-Baina hori guztia deokraziaz, ez duk?
-Bai Ivan Illich, baina ez ZENTRALISMO demokratikoz.
Animo zuen ahaleginarekin. Hausnarketa modura zerbait: ez al da bizitza bera eskola umeentzat? Ondorioak ateratze aldera galdetzen dizuet eta zuzenean Heikeri galdetuko nioke hauxe bera.
Hala izanik(edo ez), gaur eskola modura ulertzen dugun horretara joaten, zenbat urterekin hasi beharko lukete haurrek?
berriro ere animoak eskainiz amaitu nahi nuke iruzkintxo hau.