Bermeoko Arozena Barroeta Institutuko zuzendariak deituta, 2022ko martxoaren 28an, astelehena, Ordezkaritza Organo Gorena (OOG) biltzeko deialdia dela-eta, hona hemen nire ekarpena eta aktan jaso beharrekoak jasotzeko eskaera.
Bilerarako nire proposamenak:
- Institutuko Zuzendaritzak eta irakasleek ikasleei maskara jartzeko agindurik emateari utzi eta lehenbailehen maskara barik etortzen animatu ditzaten ikasleak behingoz.
Irakasle batek umeei maskara ipintzea eskatzea, legez kanpoko delitua izateaz gain, astakeria bat iruditzen zait, boterekeria, sumisio-behartze guztiz tokiz kanpokoa.
Umeei maskara ipintzea eskatzea, legez kanpoko delitua izateaz gain, astakeria bat iruditzen zait
Irakurri, esaterako idatzi hau: https://independentea.eus/eskola-protokoloen-kontrako-garrasia
- Bilera honen aktan hemen behean duzuen idatzia eranstea eskatzen dut:
Gentza Eleder Aurtenetxe Pildainek OOGko ordezkaritza utziko du gaur hasita. Hemen behean horren zergatiak:
2020 eta 2021 urteetan oso gauza larriak gertatu dira Bermeoko Arozena Barrueta Institutuko OOGren baitan, hala nola:
- OOGko (Institutuko Ordezkaritza Organo Gorena) batzarretan adierazi dut irakasleek ikasleari maskara derrigortzea legez kanpokoa dela, eta praktika hori lagatzea eskatu izan dut behin eta berriz. Eta jaramonik ere ez didate egin.
- Eskaera hori aktan jasotzea eskatu izan dut idatziz, gutxienez, historian gera dadin, eta jaso ere ez, legez kontra, ustel.
- OOGko beste inork, ia, ez du ezer esan, eta aurrera, isilik.
- “Goittik” zetozen aginduak zirelako, hori izan da eman izan didaten arrazoia. Horixe Zuzendariaren argudio bakarra/nagusia!
- Eta beste batzar batera etorri, maskara barik, salbuetsita egonda, legez, 2021eko azaroan, eta sobera espazio, aire aretoan, eta Zuzendariak udaltzainei deitu, ni bota nazaten-edo (“Goikoek -Eusko Jaurlaritzakoek- hori agindu zidatelako”! Josu Zuzendariak esanda).
- Eta hauek, udaltzainek, paperak eta legea ikusi eta bertan egoten utzi batzar gelan, eta batzarreko kide gehienak kanpoan, kexu, maskara ez dogulako jantzi, salbuetsita egonda, legez!
- Eta batzarra bertan behera, eta hurrengo astean online deitu batzarra zuzendaritzak. Eta guk ezetz, ez dekogula batzuk mediorik edo modurik, ez internet derrigorrik. Eta aurrera, diskriminatzaile eta legez kanpo hori be, itxuraz.
- Eta, Institutuko bertako AJA (Antolakuntza eta Jarduera Araubidea) behin eta berriro bete gabe, ilegalki aurrera, “goikoek agindu dutelako”.
Noraino irentsi behar dugu?
Nik bizi izan ditudan bidegabekeriak izan dira, oso epe laburrean. Normaltasunez, gainera, inongo erantzunik gabe
Goiko horiek nik bizi izan ditudan bidegabekeriak izan dira, oso epe laburrean. Normaltasunez, gainera, inongo erantzunik gabe gehien-gehienongandik.
2022ko martxoan hasitako errejimenaren estukada honetan argi geratu zaigu zer den Institutua. Krisialdietan ikusten da benetako garrantzitsuena.
Gure seme-alabak hezten laguntzeko jende eredugarrien proiektu ilusionagarria da Institutua? Ez. Gure seme-alabak eta gazteak menperatzeko eta ahultzeko sistemaren organo zuzena da. Jakina, borondate oneko eta bokazioko irakasle batzuk badira, baina, sistemari aurre egin ezean, agintarien joko ziztrinen tresnatxo bilakatuko dira, batez ere.
Zer da Zuzendaritza Taldea: ikasleen premiak aztertu eta ahalik eta ondoen laguntzeko gidaritza? Ez. Zuzendaritza Taldea, Institututik kanpoko agente ezezagunen aginduak betearazteko burokrata akritiko eta arriskutsu batzuen taldea da. Ikasle eta gurasoen aurkako interesak gailentzen zaizkienak. Legea lotsa gabe saihestuz eta urratuz, “goikoen” babespean daudenez, gozo.
Zuzendaritza Taldea agente ezezagunen aginduak betearazteko burokrata akritiko eta arriskutsu batzuen taldea da
Zer da Ordezkaritza Organo Gorena? Hau guztia gauzatzeko eta legezko itxurak egiteko antzezkizun bat. Paripea. Goitik datozenak betearazteko. Gobernuaren nahia inposatzeko eta haien esanetara dauden irakasleen gremioaren interes batzuk babesteko pantomima.
Horiek dira 2019tik Arozena Barroeta Institutuko OOGn parte hartu ondoren argi geratu zaizkidan ideia batzuk.
Hori horrela, eta ikusita gaur egun ez dugula inongo elkartasun kritikorik ez gurasoen ordezkariekin ez ikasleenekin, hutsala iruditzen zait bertan parte hartzea.
Are gehiago: kalte egiten dit osasunean.
OOGren deialdia jasotzean, lehen, zerbait sortzeko aukera moduan hartzen nuen. Gaur egun, makilkada bat zait. Fisikoki eragiten dit, kalte egiten dit.
Hori dela eta, gaurtik aurrera OOGtik kanpo geratzen naiz.
Ikusita inork gehiagok ez duela atzamarrik mugitu eta Zuzendaritza Taldeak ez duela dimisiorik eman, eta, diodanez, osasun-kalte zaidanez, OOGn dimisioa aurkezten dut honen bidez.
Gentza Eleder Aurtenetxe Pildain
OOGko guraso ordezkaria
Mundakan, 2022ko martxoaren 28an
Eskerrik asko, Gentza, hain garbi adierazteagatik bizipen eta bizitzaren aldetik, zerk osatzen duen hezkuntzaren muina.
Argi eta garbi bezain molde egokian.
Aupa zu Eleder hain argi azaltzearren OOGan zergatik aurkeztu duzun dimisioa eta bertan emandako arrazoiak.
Gure seme-alabak hezten laguntzeko jende eredugarrien proiektu ilusionagarria den hezkuntza sistema bat nahi dugu guk ere.
Eskerrik asko, Eleder, hain argiki deskribatzeagatik eskola gehienetan gertatzen dena.
Azken bi urteetan umeak eskoletan jasaten ari diren tratua abusuzkoa da, ez du beste izenik, eta astakeria, eta bidegabekeria hutsa. “Hau denboralditxo baterako” zela uste izan zuten guraso asko jokoz kanpo harrapatu izanak, printzipio ahulek, begirada kamutsak, ikuspegi etiko erlatibistek eta orain errealitatea (eta hankasartzea) onartu nahi ez duten guraso askoren egoskorkeriak ere izan du zerikusirik abusu eta bidegabekeria hau luzatzean. Porrot kolektibo bat da.
Gainera, zuzendaritza-taldeak osatzen dituzten burokrata horien gehiegikeriak eta jauntxokeria ez ditugu berehalakoan ahaztuko. Ez dezatela pentsa, guk eskoletako ordezkaritza-organoetatik dimisioa eman arren eta halabeharrez distantzia hartu arren, gehiegikeria hauek onartuko ditugunik. Akritikoak nahi du besteak ere bera bezain akritiko eta otzan izatea, bere burua faltsuki lasaitu asmoz, baina hori ez da gure egitekoa.
Aupa Gentza, besarkada handi bat.
Zure idatzia irakurrita gogorarazi dit zer nolako une gogorrak bizi izan ditugun, zelako gutxi eta bakartuak izan garen eta zein garrantzitsua den elkartzea eta antolatzea.
.Mila esker, Eleder!
Maskarada groteskoak gizaki arrunt askoren ustelkeria eta ziztrinkeria moralaren maila utzi du ageri-agerian, inguruan dauzkagun herritar “normie” askoren koldarkeria eta miseria humanoa.
Atera kontuak norainokoa den beren arduragabekeria: batzuek, berek sortutako haurtxoen biziak ere oparitu dituztela esperimentazio eugenesikorako eta genozidiorako, mainstream delako soilik. Izugarria da.
Besarkada beroa, Eleder, ez zaude bakarrik.
Eskerrik asko bihotzez zure koherentziari preferentzia emateagatik.
Mundua alderantziz daukagu benetan! Benetan gure umeen beharrizanetatik hurbil dauden irakasleak, bokaziodunak egon beharko lirateke haien onerako erabakiak hartzen diren tokietan eta ez alderantziz.
Konfidantza daukat guztion artean mundu berri bat sortuko dugula, umeak etorkizuneko hazi bezala ulertuta merezi duten maitasun eta miresmenagaz bide lagunduko dituen mundua.