Erabaki beharra

Institutuko Ordezkaritza Organo Gorenerako 10 proposamen

Jolas-orduetan umeak libre mugitzea; maskararik gabe ahalik eta denbora gehien bizitzea; seinaleztapena zuzentzea, legeak jasotzen baitu hainbat kasutan BAI ibil daitekeela gabe; erabakiak hartzeko institutuen autonomia aztertu eta erabiltzea; pantaila orduak minimizatzea, irakaskuntza ez-presentziala eta on-line bi gauza ezberdin direnaz jabetzea…

2

Eleder Aurtenetxe Pildain

Gune Irekia. Irrati elkarrizketak. Mundaka

2020ko azaroaren 4an Arozena Barrueta Institutuko (Bermeo) Ordezkaritza Organo Gorenean aurkeztutako 10 proposamen independente, banaka erabaki eta  bozkatzekoak.

Bertan izan ginen bilera aretoan testu hau aldez aurretik batzarkide ziren zuzendaritza talde, irakasle, langile eta gurasoei (ikasle bat ere ez zen egon batzarrean!) aldez aurretik e-postaz bidalita, eta bertan bileran, ahal izan genituen zirrikituetan, ahotsa ematen.

Hogeitaka lagunen artean bakar-bakarrik ginen holako proposamenekin, eta aurrerabiderik ez.

Aktan behintzat bildu zezaten eskatu genuen ahoz eta idatziz ondoren, eta horretan ere putz. Hemen behean proposamenak eta informazio gehigarria.

Osasuna

1. Arnasketa arazoak dituztenak edo bestegatik maskararik gabe ibili daitezkeenak, berehala musukorik gabe ibiltzeko egin beharrekoak egin ditzagun (kartelak aldatuz, zuzenean esanda,…).

2. Eskatzen dugu, jolas-orduetan umeak libre eta arduradun mugitzen utzi ditzagun berehala, maskararik gabe ere bai.

3. Eskatzen dugu, ahalik eta denbora gehien utzi ditzagun ume-nerabeak maskararik gabe arnasten, maskararik gabe bizitzen, bai klase orduetan eta bai denbora gehienean.

4. Zelan zaindu eta indartu osasuna? Ikasgai hori erdigunean ipini dezagun orain, kurrikulumean asignatura berezi bat izan ez arren.

Autonomia

5. Berehala zuzendu dezagun institutuetan seinaleztapena, argi adieraziz maskararik gabe BAI ibili daitekeela baldintza batzuetan, legeak dioen moduan.

6. Antolatu eta bultza dezagun, epe laburrean, ortuko jarduna, eta txerta dezagun kurrikulumaren barruan, ahal bada. Eta bila ditzagun ahalik eta espazio zabalenak, susta ditzagun hormetatik kanpoko ikas-espazioak eta jarduerak.

7. Azter eta erabili dezagun institutuaren autonomia erabakiak hartzeko. Noraino erabaki dezakegu institutuko organoetan bertan?

Teknologia eta askatasuna

8. Etxean internet, konputagailu edota smartphone-ik gabe bizitzeko askatasuna bermatu eta zaintzea eskatzen dugu.

9. Software librearen eta pribatutasuna zaintzen duenaren kontzientzia hartzea, ezartzea, erabiltzea, irakastea eta sustatzea eskatzen dugu. Kudeaketan, klaseak ematerakoan,… Drive, Classroom,… Swiso.org. Gurasooi irakastea.

10. Pantaila orduak minimizatzea eskatzen dugu. Guk teknologia erabili, makinek gu erabili ordez. Testuliburuetan eta eskuzko idazketan oinarritutako ikas-irakaskuntza jarraitu. Ikas-irakaskuntza ez-presentziala eta irakaskuntza on-line, gauza bi dira.

Eranskinak

1. Joseba Bidaurrazaga, 82 urtetik gorako mediku naturista Bilbokoa 2020-10-6an, irratian Berbaz (75 minutu), osasunari eta covid-19 egoerari buruz. Oso interesgarria eta ulerterraza.

2. Maskara derrigortasunagatiko delituen zerrenda, irakasleek azalduta: honetan hizki beltzez azpimarratu dut nik.

3. Jon Ander Etxebarria Garate: Covid-19aren krisian hartutako neurrien inguruko Euskadiko Biologoen Elkargo Ofizialeko Dekanoaren hausnarketak (2020ko abuztua).

4. Birusa, maskara, beldurra, eta abarrei buruz, biologo baten azalpen argiak hemen.

5. Jacques Brodeur-en, ume eta nerabeen pantaila erabilera murriztearen sustatzailea, testu ugari hemen.

Ipar Euskal Herriko hainbat eskoletan, aspaldian ari dira, haren eskutik, “10 egun pantailarik gabe” izeneko programak eragiten (Gaztezulo, EiTB, Naiz)

6. Hezkuntzan ere Librezale, software librearen aldeko taldearen komunikatua.

7. Larrun hilabetekaria, 2020ko irailekoa, Burujabetza Teknologikoa Hezkuntzan gaiari heltzen.

8. Zer dio Osasun Mundu Erakundeak maskarei buruz?

9. Eta zer da OME, gaur egun? Documentos TV-ko dokumental interesgarria hemen.

10. 2020ko maiatzaren 20ko BOE, maskararen erabilerari buruz:

3. artikulua. Maskara erabiltzea nahitaezkoa den eremuak.

Maskara erabiltzea nahitaezkoa izango da bide publikoan, aire zabaleko espazioetan eta erabilera publikoko edozein espazio itxitan edo jendearentzat irekita dagoenean, baldin eta pertsonen arteko segurtasun-tartea gutxienez bi metrokoa izatea ezinezkoa bada.

2. artikulua. Behartutako subjektuak.

2. Aurreko paragrafoan jasotako betebeharra ez da exijituko hurrengo kasuetan:

a) Maskara erabiltzeak areagotu dezakeen arnas zailtasunen bat duten pertsonak.

b) Behar bezala justifikatutako osasun-arrazoiengatik maskara erabiltzea kontraindikatuta duten pertsonak, edo desgaitasun- edo mendekotasun-egoeragatik erabiltzea bideraezina egiten duten jokabide-aldaketak dituztenak.

c) Haien izaera dela-eta maskararen erabilerarekin bateraezina den jarduerak garatzea,.

d) Ezinbesteko kausa edo beharrizan-egoera.

11. Sindikatuen eskaerak 2020ko irailean:

“Gure eskaerak argiak dira: langile kolektibo guztietan ratioak jaitsi eta plantillak handitzea, garbitzaile, sukaldari, 0-3ko haur hezitzaile, premia berezietako laguntzako espezialista, jangela eta garraioetako begirale zein irakasle izan; protokoloak jasotzen dituen Norberaren Babeserako Ekipamenduak ikastetxeetan egotea, bereziki gertuko harremana duten premia bereziko espezialista zein hezitzaileen kasuan; geletan pertsonako 3m2 eta 1,5 metroko distantzia egotea, geletan gehienez ere 10-15 ikasle egonik, … espaziorik ez dagoen eskoletan bestelako eraikinak zein espazio naturalak baliatzea; …curriculumaren egokitzapen eta murriztea,…”

12. Jon Ander Etxebarria Garateri (Euskadiko Biologoen Elkargo Ofizialeko Dekanoa) Luis de Miguel abokatuak irailaren 24an eginiko elkarrizketa bideoa.

13. Errekurtso zirriborro honetan, goiko idatziko argudio gehienen lege-oinarria zehazten da:

14. 41/2002 Legean, azaroaren 14koa, pazientearen autonomiari buruzkoa.

8. artikulua: informatutako baimentzea.

Paziente baten osasunean eragiten duen ekintza edozeinetarako hura informatzea eta hark aske eta bere gogoz baimena ematea ezinbestekoa da, 4. artikuluan zehazten den informazioa jaso eta gero, kasuari dagozkion aukerak baloratu ondoren.

2 erantzun “Institutuko Ordezkaritza Organo Gorenerako 10 proposamen” bidalketan

Utzi iruzkina

Azken artikuluak