LURRALDETASUN LINGUISTIKOA

Gaur egungo hizkuntza-politikekin ezinezkoa da euskarak aurrera egitea

Euskararen erabilera sustatzeko proposamen linguistikoari buruzko hitzaldia ETZI, martxoaren 20an, EHUren Leioako Campusean, Josu Alberoren eskutik (Naziogintza Taldea).

0

Joxemi Campillo Robles

Irakasle eta euskaltzalea. Bilbo

Euskararen Erabilera Sustatzeko Proposamen Linguistikoa

HITZALDIA:

Josu Albero (Naziogintza Taldea)
Martxoaren 20an, 12:00etan

Adela Moyua aretoa, Zientzia eta Teknologia Fakultatea, EHUko Leioako Campusa

PRENTSA-OHARRA:

Denok dakigunez, euskararen egoera orokorra ez da batere ona. Azken 40 urteotan euskararen “ezagutza” igo bada ere, bere erabilera ez da handitu. Inkesta soziolinguistiko guztiak bat datoz. Azken urteotan, euskararen erabilera jaisten ari da Euskal Herrian. Euskal Herriko tokirik euskaldunenetan ere, gure arnasguneetan, euskararen atzerakada oso kezkagarria da. Arrazoiak asko dira, kulturalak, soziologikoak, teknologikoak eta demografikoak.

Hau guztia dela eta, premiazkoa da proposamen linguistiko berriak mahai gainean jartzea. Izan ere, gaur egungo hizkuntza-politikekin jarraituz gero, ezinezkoa da euskarak aurrera egitea. Joera negatibo hori zuzentzeko eta euskararen egoera linguistiko orokorra iraultzeko, NAZIOGINTZA taldeak proposamen linguistikoa prestatu du, lurraldetasun linguistikoaren printzipioan oinarrituta. Hitzaldi honetan proposamen linguistikoa aurkeztu nahi dizuegu, eta bide batez, zuen iritziak eta ekarpenak jaso nahi ditugu.

Naziogintza Taldearen ustez, ezinbestekoa da EAEn Hizkuntza Lege berri bat martxan jartzea. Lege horrek, besteak beste, tratamendu linguistiko berezia eman beharko lieke gure “arnasgune”ei, hots, gure herri eta eskualde euskaldunenei, lurraldetasun linguistiko printzipioa aplikatuz bertan, Belgikan, Suitzan edo Kanadan egiten den modu berean.

Proposamen linguistiko horren ezaugarri nagusiak hauek dira:

  • Lurraldetasun linguistikoaren printzipioa ezarri arnasguneetan: horrenbestez, toki horietan euskarari erabateko lehentasuna emango zaie arlo guztietan.
  • Euskara izango da hizkuntza ofizial bakarra arnasgune horietan.
  • Hizkuntza Lege berri batek finkatuko ditu zein eskualdek eta udalerrik osatuko duten eremu euskaldun hori.
  • Eremu horretan, euskaldunon eskubide linguistiko kolektiboak erdaldunen eskubide linguistiko indibidualen gainetik jarriko dira, Belgikan edo Suitzan egiten den modu berean.
  • Gaur egungo hizkuntza politikek eman beharrekoa eman dute, eta datu soziolinguistikoek argi erakusten digute ez dutela balio euskara indartzeko. Ikusi besterik ez dago zein den gure hizkuntzaren bilakaera, erabilerari dagokionez, Euskal Herri osoan. Eta, batez ere, “arnasgune”etan. Proposamen berriak eta ausartak ezarri ezean, euskararen etorkizuna oso iluna izango da.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak