Lehenik eta behin, zuen webgunea —Independentea.eus— oso gogoko dut, benetan euskal abertzalea baita eta irekia dirudi.
Lehen, noizean behin, hemengo egoerari buruz idazten nuen eta egindako artikuluak beti argitaratzen zizkidaten. Orain dela lauzbabost urte, hori aldatu zen. Ez dakit zergatik baina nolabaiteko zerrenda beltzean nago.
Euskal independentzia derrigorrez ikusi nahi dut baina balizko indepentziazaleek ez horrenbeste. Euskañola gupidarik gabe salatu dut baina ustezko euskaltzale batzuek uste dute euskañol hori “mestizaje” mesedegarria dela (jakina, ez dut euzkera garbija delakoa nahi baina …)
Euskal independentzia derrigorrez ikusi nahi dut baina balizko indepentziazaleek ez horrenbeste
Beste arrazoia izan liteke nire jatorria eta , azken batean, askorentzat, benetan Euskal Herrikoak direnak dira euskal abizenak dituztenak edo, behintzat, Euskal Herrian jaio direnak baina ikastoletan heziak. Nire uste apalean, beharrezkoa da Euskal Herri kosmopolita bat eraikitzea, Espainian eta Frantzian zentratu gabe baina bai Euskal Herrian eta munduan zentratuz.
Euskal Herria ahultzen ari zaigula ikusten dut, euskara bera atzeraka ari zaigula. Kanpoan jaio diren askok ez dute euskara ikasi beharrik eta beren seme-alabek, askotan, espainiera hobesten dute (ez bakarrik latinamerikarrek), euskal gizartean kabitzen ez baitita baina bai gizarte espainieradunean. Etorkinak asimilatu gabe, euskarak jai dauka. Euskara hizkuntza etniko bakarrik baldin bada, jai dauka.
ez dago
euskararen
etorkizuna eta
balizko Euskal
Errepublika bat
bereizterik
Berrian artikuluak argitaratu ezinik, naziogintza.eus webgunean artikulu bat argitaratzen saiatu nintzen baina, beraien ustez, interesgarriagoa da, euskararen indarguneak eta ahulguneak aipatzea eta ez balizko Euskal Errepublika bat. Hala ere, euskararen ahulguneak gaurko egitura politikoari lotuta daude eta, ondorioz, ez dago euskararen etorkizuna eta balizko Euskal Errepublika bat bereizterik. Hortaz, ez nuen ezer idatzi naziogintza.eus webgunean, oso politika itxia baitute.
Gauza asko salatu behar dira, Jaurlaritzaren euskara politika burugabea, alderdi abertzaleen utzikeria, euskal gizartearen lasaikeria (euskarari dagokionez), etab.
Prest naukazue artikuluak idazteko, goian aipatutakoa lantzeko. Noski, nahi ez baduzue, berdin da. Ulertuko nuke.
Euskal Herriak bere arima dauka infiltraturik, bere erakunde, partidu, sindikatu eta komunikabide ororen bitartez.
Egunon, Mikel. Lehenik eta behin esan nahi nuke pozten naizela gure artera inguratu zarelako eta zure iritziak ere beharrezkoak ditugula gure E.H. gaztigatu honetan. Halaber, agerkari digital honen sorrerak ez du zuzenean abertzale izatearekin edo ez izatearekin zer ikusirik adierazpen askatasunarekin baizik, hain baitugu murriztua eta galerazia eskubide hori, batez ere 2020ko martxo malapartatu haren ondoren. Ziur naiz zure ekarpenak oso interesgarriak izango direla eta askok irakurriko ditugula, gustura gainera.
Ongi izan.
Gorka: bai, adierazpen askatasunarekin lotuta dago Independentearen sorrera, hau da injerentzia ekonomikorik gabeko pentsamendua jaso eta askatasunez garatu ahal izatearen beharra, kazetaritza herriaren aldekoa eta, herri kulura, eredu sozialeko komertzio txiki eta burujabeaarena, hizkuntz aniztasuneko mundua eta abar, —eta ez Covid terrorismoak eta soluzionismo teknokratikoak elikatzen duen korporazionismo multinazionala, ez totalitarismoaren saldukeria, ezta NATOpeko ‘citizen of the world’, ezta habiadura handiko inperio kosmopaletoarena, eta ez abarrik—.
Baina aldi berean, piztu nahiko genuke gertuko herri hori, oinezkoa, soziala, naturala, ez al dago erabat lotuta abertzaletasunarekin? —Eta aldi berean penintsulako, galietako, europako zein ameriketako herri ezberdinetako zapaltzaileak ez dire patria txikiekin lotuta?
Nire ustez, 2020a, herriak suntsitzeko agenda inperialista korporatibista agerian ezarri zitzaigun urtea izanda, espabilatzeko garaia da, ostia, espabila gaitzen, hau pikutara doala, gaozen lanean jartzera, mundu mailan tokian tokiko herri guztien sakontze, lurra lantze eta sustraitzera, etorriko direla loratzeko gariak.
Pena euskaraz ez duela egiten Indepera ekartzeko, baina asko gustatzen zait Alfonso Longo zentzu honetan, oso garbi ikusten du Great Resetaren totalitarismoa ezarrai nahi zaigun garai hau, hain zuzen, herri identitateak garatzeko garaia dela berez.
Oso ona artikulua, Morris, herri euskal kosmopolita behar dugu eta gogoz jasotzeko Jaurlaritzaren euskara politika burugabeaz, alderdi abertzaleen utzikeria, euskal gizartearen lasaikeria euskarari dagokionez… eskerrikasko!
Ados zurekin, Kote. Hitzarekin dut nik arazoa, besterik gabe.
Jajaja, ulertzen dizut guztiz, Gorka! Ze aberri abertzale ta ze krixto!
Oso interesantea iruditzen zait hitz horren inguruan ditugun urtikariak eta ezinegonak ikustea.
Ea, Mikel Morris, zu hiztegigile izanik, ea beste hitzen bat beharko genuke horretarako ere. Aberria eta abertzale hitzek arazoa dute eta…
Aurreko hiztegigilearekin ‘aukera’ hitza erabiltzen genuen. Hori aldarrikatzen dut nik. Nire aukera euskara da. Euskara da euskaldunon aukera. Aukerazalea zara? Non dago ezker aukerazalea? Bai. Guzit bat hitz horrekin. Ogrue ari zait. Hitz horren potentziala GKSko gazte komunista ultrasingularistak eta Bizitzako agure aniztasunzaleak elkartzeko kapazidadea du.
Eta bitartean, beste errealitatean, halako hitzik esan gabe, plataformatan esaten dutenean behin eta berriz “todos unidos sin ideologías” zertaz ari dira berez? Ez dute aipatzen bere aberia edo patriarik, ezta bere aukera aipatzen, baina bai ari dira egiten aukera jakin horrek dakarren mundu guzti hori nagusitzen, besteak baztertu bitartean, betiko lez.
Berdin berdin, 2020ko kinkan PSOEk, Erregeak eta ejerzitoa elkartu zirenenan telebistako partea ematen “juntos” eta “unidos” errepikatuz behin eta berriz, eta orduan Otegi zuzendu zitzaigun euskaldunoi erdaraz esanez que “hay que remar todos juntos”… Hemen imaginatzen dut Jon Ander Etxeberria: “Pero vamos a ver…” Baina argien hitz egin zuena honi buruz Jasone Iroz izan zen,argi eta garbi: “arraun egin dezagula, elkarrekin? Ea, nik biziki maite dut estropadak, itsasoa; baina, norekin arraun? Norantza? Zein da patroia?”
neu ere hizkuntza zale naizen aldetik (nahiz eta ez soldatapekoa (freekia) badu zeresana gai honi buruz.
Euskerak, bere baitako hiru hizkuntza izanez (engor “akitanoa” gehi adar amazigh bereberra eta sáharar-mediterranioa, bat bakarra barik HIRU SINONIMOA dauzaka dagoena eta gura duguna adierazteko:
1) ABERRIA = *ABU-AN-ARA-EN-ERIA, hots, “jatorrizko (ABU-AN) lurralde (ARA-EN) multzoa (ERIA)”, beste konnotazio positibo nahiz negatibo bage.
2) ENDA = *EIÑ-EN-AN-ARA–>–>EU-AN-ARA, hots, “endaren (EIÑ-EN-AN) lurraldea (ARA)”, hau ere konnotazio etnizista bagea, lurrari atxikia, besterik gabe.
3) DEIERRIA = *DA-EIÑ-EN-URI-AN-ERRIA–>–>
“izatez uriguneko (DA-EIÑ-EN-URI-AN) barrutia barrutia (ERRIA)”,
hau ere inolako konnotazio gabea, bistakoa denez, Nafarroako bailara ezaguna baita, leku-izena, besterik gabe.
Eskerrik asko zuen iritziengatik. Leku bat behar dugu, guztiok guztion iritziak partekatzeko eta eztabaidatzeko.
Mota guztietako ideiak eta gertaerak eztabaidatu behar dira, baita euskaraz ere. Horrela, ideiak hobeto “destilatuko dira” eta dena euskara eta Euskal Errepublikaren mesedean!