'OGRUE' URTEBETE

Zurekin nahi dugu ospa

Urte bat da joan zarela,
egin zenuela ospa.

Iñaki Segurola joan zen azken Durangoko azoka, 2021-12-7 / Independenteko artxiboa

8
Mikel Alzuart Zaldain 'Dutari'

Mikel Alzuart Zaldain 'Dutari'

Abeltzaina. Arizkun

Doinua: Habanera

Zure ahoan bilorik ez,
hitza ez zitzaizun kosta,
hezur gogorrari berdin
egiten zenion hozka.
Nahiz eta honek zekarkeen
euskal munduan ortoska,
zure izaerari fidel
izatea baitzen koxka.
Ezagutu egin ginen
joan aurretik ozta-ozta,
gertatzen ari zenakin,
zu kritikoa, prefosta.
Urte bat da joan zarela,
egin zenuela ospa;
aurrera bagoazela
zurekin nahi dugu ospa.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

8 erantzun “Zurekin nahi dugu ospa” bidalketan

  2. Mila esker, Mikel, urteurren honetan habanera eder honengatik. Bai, elkarrekin ospa dezagun Bizitza, bere osotasunean.

  3. Gaurko egunarekin bi adar
    Enborrari helduak eder
    Halabehar madarikatuak eraman zituen,
    Garai itsusienean
    Bi kontakizun desberdin
    Garai luzeegi horretan
    Adio ehotzaile bi
    Errota erraldoi batean
    Txikitasunaren bazterrak bilatzera bultza nindutenak.
    Untz bilakatu naiz ordutik
    Haurrek jolasa utz ez dezaten
    Horma garaietan gora.
    Iñaki eta Alberto
    Altzo bila joan ote ziren?

Utzi iruzkina

Azken artikuluak