mikroipuina

Ukabilak zerura

Osasunaren Mundu Batzarraren 77. edizioaren atarian gauden honetan, burura etorri zait iaz mikroipuin lehiaketa batera aurkeztu nuen kontakizun laburra. Nolabait pertinentea izaten darrai, zoritxarrez.

/ Yumikrum

2
Aner Hernandez

Aner Hernandez

Musikaria, diseinatzailea. Mutriku

IRITSI DIRA APARKALEKURA, denboraz estu, ikuskizun gose.
Espetxea antzeman dute hondoan, burnizko sare garai batek
Arabako basamortuaren bihotzean zedarritutako karratua,
turista-horden santutegi. Ordaintzean guardiak oinezkoen
atea zabaldu die, araua gogorarazi artean:

—Fotos no.

Kaiola ertzean irentsi ditu jendetzak. Ukondoak lagun, heldu
dira aurreko ilaretara. Hamabiak jotzear.

Presoak erdigunera jaiki dira emeki. Koreografia traketsean,
buzo grisen kremailera jaitsi dute lepotik gerrira, eta eskuak
mahuketatik libratu.

Sirena-hotsa urrunean. Haizeak harrotu ditu hautsak labur.

Emakume eta gizon; haur eta nagusi; soinak biluzik barkatzen
ez dakien eguzkipean. Kokotsak duin, ukabilak zerura, eta
agerian inoiz ziztatu gabeko sorbalda eta besoak.

2023ko apirilean

Ziriako Andonegi

Mikroipuin Lehiaketara

aurkeztua.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Ukabilak zerura” bidalketan

  1. Ederra, Aner.
    Prestatua diguten espektakuluzko panoptikoaren adierazgarri?
    Hor ere pase eta ziztadak egunerokoan.

    Baina, ukabilak zerura bezala, gora bihotzak.

  2. Milesker, Ihintza! Halakoxe mundua ari zaigu geratzen. Kartzelak parke, pentsamendua bekatu, duintasuna pribilejio.

    Baina, artzainak dioen bezala, gora bildotsak 😉

Utzi iruzkina

Azken artikuluak