Zilarrezko aitzurra

Bestela, nola bizi!

Baraua, lasaitasuna, eguzkia, ibiltzea, izerdi ematea, sentitzen dena esan eta egitea, ura, haizea, buztina, hankutsik ibiltzea, irrati eta telebistarik gabe egotea, bertso eta doinu zahar eta berri kantatzea.

7

Xabi Iguaran

Sendabide naturala. Euskara klaseak. Intxixu kultur elkartea. Oiartzun

“Pandemia” hauen bestelako norabidea irakatsi izana, bide zuzena, eskertu behar diogu Xabi Iguarani, barra-barra zabaldutako “Zilarrezko aitzurra” liburuaren sarreran eta amaieran, 1996an argitaratuta jada, argi eta garbi helarazi zigun ondorengo abisu hau.

Osasuna, botika eta ospitale negozio bihurtu dutela ikusirik, Oiartzungo Intxixu herri kultur lantaldeak herrira jo eta sendabide naturala eta herrikoiaren ikastaroak antolatu ditu.

Baraua, lasaitasuna, eguzkia, ibiltzea, izerdi ematea, sentitzen dena esan eta egitea, ura, haizea, buztina, hankutsik ibiltzea, irrati eta telebistarik gabe egotea, bertso eta doinu zahar eta berri kantatzea, esaterako: gure eguneroko bizitzaren tarte atseginak dira eta behar-beharrezkoak ditugu. Bestela, nola bizi!

Baina gero eta makurrago biziarazten gaituzte, duintasuna galtzen badugu, beraien negozio, pentsaera eta bakearen morroi bihurtzen bagara. Gero eta ospitale, kartzela, kuartel, polizia, gorbatadun-alkauete, teknikari-txupatinta, “langile kualifikatu”, funtzionario-zuri, etsaien soldadu, kontsumo-drogadikto, telebabesle, futbolero lizentziatua eta beste horrenbeste gehiago. Ez badugu geure burua zaintzen, osasuna zaintzen, bizia zaintzen, ez badugu «EZ!» esan eta gurea egiten!

Eutsi goiari!, bestela bagoaz laster arto, gari, patata transgenikoa eta “Dolly” arkumea, behi eroak eta tximu klonikoen zelaira…

1996an “Zilarrezko aitzurra” liburuaren sarreran eta amaieran, Intxixu Herri Kultur Lantaldeak argitaratutakoa.

Aierdi, Ergoiengo bidean, Oiartzun

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

7 erantzun “Bestela, nola bizi!” bidalketan

  1. 70.hamarkadan INTXISU antzerki taldea ezagutu genuen, baita bere emanaldietan arte, umore eta iraultza aurkitu eta emanaldietan gozatu.
    Gaur pozez ikusten dut izaera bera INTXISU elkartean. Ez nekien esistitzen zenik. Sorpresa polita. Bizirik gaude!
    Aupa Oiartzun!

  2. Lesaka, 1972, edo 1973? urriaren 10, ostirala: “Intxixu” taldearen antzerkia euskaraz karrikaz karrika eta gero frontoian.
    Izugarrizkoa.
    “Euskal Iakitzaren I. Astea” 😉
    Handik sortu zen hilabete batzutara Tantitumairu ikastola.

    (Poztu nau Intxixuren berri izateak orain; pozten naiz)

  3. Aupa Amaia, familiak ba omen ditu ale batzuk oraindik. Enrikeren bitartez eskatu ditzazkegu. Pribatuan idatziko dizut. Beste inork nahi badu eskatu dezala hemen edo pribatuan idatzi dezala [email protected] helbidera.

Utzi iruzkina, izen eta abizenez

Azken artikuluak