abesten duen medikua

Gaitasun osoa duen gizaki pareko bati transmititzen dio bere ezagutza sendagileak

Bere sendaetxean ez dago norberak onartu eta ulertu ez duen protokolorik. Ulermena, bizipoza, zaintza goxoa eta bere baitan gaituen bizitzari bideratutako kantuak daude.

1

Ainhoa Bilbao

Filosofia irakaslea. Bilbo

Abesten duen medikuak ez du farmakorik saltzen, ez du inoiz ezetzik esaten, baina begirada maitakorrez zure burua zaintzen erakusten dizu. Ez zaitu infantilizatzen: gaitasun osoa duen gizaki pareko bateri transmititzen dio bere ezagutza, eta liburuak eskaintzen ditu ezagutza horietan sakontzeko. Edozein gai begirada maitakor hori galdu gabe aztertzen du eta, hori dela eta, berarekin hitz egitea gogoko duzu beti.

Abesten duen medikuak bizitzaren beraren kantua darama barruan. Umea bezain errugabea eta jakintsua bezain sakona da bere begirada. Ez du bizitzaren ustelgarritasuna ukatzen, baina eskutik oratuta eramaten zaitu zure gorputzak egiten duen sendaketa prozesua ulertzera. 

Umea bezain errugabea eta jakintsua bezain sakona da bere begirada

Bere sendaetxean ez dago plastikozko poltsa batetik atera eta besoko zainetara doan elixir kablerik. Ez dago goizaldeko hiruretan esnatzen zaituen erizainik, loa bera baita sendagai nagusienetariko bat. Eta, nola ez, ez dago norberak onartu eta ulertu ez duen protokolorik. Bere sendaetxean ulermena, bizipoza, zaintza goxoa eta bere baitan gaituen bizitzari bideratutako kantuak daude. Berehala sendatzen gaituen kantua. Harreman politak sortzen dituen kantua.

ez dago norberak onartu eta ulertu ez duen protokolorik

Bizitzari abesten dion medikuak bizitzan nola egon badaki: lasai, ezer espero gabe, baina, hala eta guztiz ere, ekinean jarraituz.

Benetako medikuak behar ditugulako, Eneko Landabururi zuzenduta, bihotz-bihotzez. Eskerrik asko existitzeagatik.



Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Gaitasun osoa duen gizaki pareko bati transmititzen dio bere ezagutza sendagileak” bidalketan

  1. Ados Ainhoa, askotan, segun eta zer programazio dugun, gauzak kontrako aldera ikusten ditugu, eta ez gara konturatzen, jendeak intentzio honak dituela, eta ez bada ala, puzle orokorraren osagarri bat besterik ez dela, denok, elkarrekin, aurrera egin dezagun.

Utzi iruzkina

Azken artikuluak