OSASUNAREN AUTOGESTIOA

Iatrogeniaren eta errepresio sanitarioaren aurrean, osasun-autodefentsa

Bizitzaren medikalizazioak gaixotasunak eragiten ditu. Industriak erabaki medikoak baldintzatzen ditu eta, hauek norbere erabakien gainetik jartzean, gizakion askatasuna zanpatzen da.

2

Angel Bidaurrazaga Vandierdonck

Medikuntzan doktorea, EHUko irakasle ohia. Bilbo

Autodefentsa sanitarioa

2020ko maiatzaren 17an Raoul Vaneige belgiar pentsalariak manifestu bat argitaratu zuen: plandemiaren zurrunbiloaren erdian autodefentsa sanitarioaren aldarrikapena zen, munduan gertatzen ari zenaren aurrean. Idatzian bizitzaren alde egiten du estatuek hartutako erabakien aurrean, gehien bat “txertoen” derrigortasuna eta osasun sistemaren suntsiketa kritikatuz. Neokapitalismoak hartutako bidearen kontra, osasun-autolaguntzarako deia egiten du, errepresio sanitarioa sistemaren beste adar bat delako.

1975an beste filosofo batek, Ivan Illich austriarrak, Nemesis medica liburu arrakastatsuan, osasungintzak hartutako ildoaz ohartarazi gintuen eta bizitzaren medikalizazioak eragindako gaixotasunak, iatrogenia alegia, kritikatu zituen. Liburuan esan zuen farmako-industriaren eraginak erabaki medikoak baldintzatzen dituela eta erabaki hauek gure osasunaren inguruko norberaren erabakien gainetik jartzen direla, gizakien askatasuna baldintzatuz.

2014an Abel Novoa sendagileak, postmedikuntzaren sortzaileak, prebentzio kuaternarioaz hitz egin zuen gaixotasun kronikoen biltzar batean, hau da, ekimen medikoek eragiten dituzten arazoen jatorriaz: gain-diagnostikoak, prebentzioan abusuak, froga konplementario eta teknologikoen gehiegikeria eta tratamenduen ugaritasuna. Bere tesia zera da; medikuntzaren zentzua galtzen ari da tekniken eta medikamentuen gehiegizko erabilpenagatik, gaixo zaharrekin batez ere.

Marketinaren eraginez, gaixoak kontsumismoan erortzen dira, mistika bat sortzen da teknologiak eta farmakoek dena konponduko dutelakoan

Era berean, kontuan hartu behar da Ameriketako Estatu Batuen (AEB) eragina, medikuntza defentsiboa zabaldu baita, hau da, medikuek salaketen arriskua saihesteko joera hori. Herrialde horretatik datorkigu medikuntza zientifikoaren eragina ere, non osasungintza pribatuaren nagusitasuna erabatekoa den. Askotan marketinaren eraginez, gaixoak kontsumismoan erortzen dira, mistika bat sortzen da teknologiak eta farmakoek dena konponduko dutelakoan, goian aipatutako albo-kalteak gutxituz. Pandemiari aurre egiteko “txertoekin” izandako eskarmentua ikusi besterik ez dago; izan ere, nahiz eta “txerto” horiek arriskutsuak eta esperimentalak izan, agintariek inposatu egin dituzte Mendebaldeko herrialdeetan.

Gure herrian badaude osasun-autodefentsan edo osasunaren autoantolakuntzan hasitako taldeak

Honen guztiaren aurrean, gure herrian badaude osasun-autodefentsan edo osasunaren autoantolakuntzan hasitako taldeak, bakunaren aurkakoak, osasun-eskolak, terapia alternatiboak… Modu dispertsoan hasitako ernamuinak dira, beste osasungintza-modu baten alde lanean ari direnak. Gai hau sakonduko dugu, segur aski, uztaileko Elosuako baraualdi Independentean.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Iatrogeniaren eta errepresio sanitarioaren aurrean, osasun-autodefentsa” bidalketan

  1. Big-FARMAren mistika.

    Mistika horrek sinastarazi digu, adibidez, sasi-txerto geniko pozoitsu batzuk inokulatu eta salbatuko ginela.

    Lehenik, produktu geniko inoiz esperimentatu batekoak izan dira (eta jarraitzen dute izaten, por Teutatis!)

    Bigarrenik, esperimentalak izanik, geu gara “Indiako untxitzoak”

    Hirugarrenik, GURE kontura batzuek topera aberasteko balio izan dabe, hainbat milioi biktima eraginez.
    Urrezko prebentzio neurria ahaztuta (“Primum, non nocere”)

    Azkenik,
    zeinek hartuko du hildakoen kargu?

    Noski, ez Plizer, ez Modernoak…,
    hala utzi baitute segurtaturik, euren kontratu milonarioetan.

    Haiek ez Dute erantzukizunik.
    Faltaría plus!!

  2. Haiek ez omen dute erantzukizunik (ez gertatu denaz, ezta etorkizunean gertatu diren ondorioez: tronbo, minbiziaz …).

    Orduan, zeinek dauka erantzukizuna?
    Haiekin euren botiken transitoa sinatu zuten gobernuek (hainbat diru publiko xahutuz, eta jende oro arriskutan jarriz?)

    Horiek ere ez omen erantzukizunik (fede onez jokatu omen zuten Bill Gatesentzat milioiak bilduz sasi- botikek erosteko…)

    Bill Gates, Black Rock…: Zeini erantzukizuna?
    OMS Erakundeari…
    Edo azken geure buruari eskatuko erantzukizuna, Elite horietaz fidatzearren eta haien esku jartzearren, geure burua eta GURE ume eta nerabeen burua (ez ahaztu: batik bat ume eta nerabeak ziren arriskutsuenak!
    Eta haiengandik gurasoak defendatu behar ziren, umeak inokulatuz, inokulatuz, INOKULATUZ, produktu pozoitsuekin inokulatuz…
    eta Afrika osoa ere inokulatuz, bestela alferrik!
    Tira,
    “Historias para no dormir”
    Horixe izan da Plandemiaren historia.

    Eta oraindik ez agertu erantzizuna duen INOR ERE!

    NUREMBERG zain dago.

    .

Utzi iruzkina, izen eta abizenez

Azken artikuluak