Mekanikari iaioa izanik, Rife 1933an Mikroskopio Unibertsala eraikitzeko gai izan zen, 6.000 bat atal anitz zituena eta gauzak 50.000 aldiz handiago ere ikusarazteko gai zena. Tresna honi esker –merkaturatzea ia ezinezko zena, zeukan sofistikazio maila, kostu altu eta hauskortasunagatik- bertatik bertara ikusi ahal izan zuen Rifek birus eta bakterioen bizitza zikloa eta bere lehen baieztapen iraultzailea egin: “Minbizia birus batek eragiten du, eta birusa ez da bakterioaren bizitza zikloaren forma bat baizik”.
Mikroskopio Unibertsalaren bitartez frekuentzien erabileraren ondorioak zuzenean aztertzean, honakoaz konturatu zen Rife: “Ehunak ez dira kaltetzen, ez da minik hartzen, ez da inolako soinurik entzuten eta ez da ezer sentitzen. Argizko hodi bat pizten da eta hiru minutu beranduago, amaitu da tratamendua”. Baliteke bere aurkikuntzarekin Rifek argiaren erabilera terapeutikoari hasiera ematea, hamarkada batzuk beranduago sortu zen laser izpiaren modura, hau, baina, osasun sistemaren onarpenarekin.
1934an Hego Kaliforniako Unibertsitateko ikerlari batzorde batek baieztatu zuen Rife hainbat gaixotasun osatzea lortzen ari zela bere bulkada elektronikoen tratamendua erabiliz. Espero zitekeen bezala, farmaziaren industriak lehen mailako etsaitzat hartu zuen, eta ondorioz, Minbiziaren Aurkako Nazioarteko Fundaziotik kaleratu zuten iruzur salaketapean, epaitegietara eraman zuten eta bere izena zikindu zuten. Bere Mikroskopio Unibertsala desmuntatu zuten eta bere ikerketen agiriak poliziak eraman zituen. Medikuntzaren alorreko komunikabideek, farmazia-konpainien sustengu ekonomikoa zutenez gero, uko egin zioten Riferen terapiaren inguruko ezein artikulu argitaratzeari. Horrela, terapia ahaztu egin zen. Rife 83 urterekin hil zen, garraztuta eta alkoholiko.
Independenteko lantaldeak itzulitako pasartea,
“La medicina proscrita” liburukoa.
