Debekatutako medikuntza

Bakterioek eragiten al dute gaixotasuna, ala honen emaitza dira?

Béchampek frogatu zuen gaixotasuna zela germenak eragiten zituena, bakterioek eta birusek ez zutela gaixotasuna eragiten.

0

Karmelo Bizkarra

Medikua. Higienismoa, baraua. Medikuntza integratibo eta humanistikoa. Donostia

Sarritan gertatzen da une jakin batean historiak erabaki bat hartzea, eta erabaki hori, nahiz eta okerra izan, denboran zehar luzatzen da eta egia ukaezina dela ezartzen da, berrikusteko aukerarik gabe. Horrez gain, erabaki horrek milioi askoko negozio bat justifikatzen badu, gero negozio hori bera justifikatuko duena, haren nagusitasuna bermatuta dago hamarkadatarako eta hari aurre egitea ekintza iraultzaile bihurtzen da.

Gaur egungo osasun-industria, mina anestesiatzen duten baina sendatzen ez duten lo egiteko eta «lo gelditzeko» pilulak sustatzen dituena, txertoak bultzatzen dituena —gure bizi-ohitura txarrek ereindakoaren uzta kaltegarria mirariz galaraz dezakegunaren ilusioan sinestaratsiz—, eta drogez eta amaigabeko afekzioez josten gaituena, ideia batean oinarritzen da hein handi batean: germenek gaixotasunak eragiten dituzte.

Izan ere, XIX. mendeko bigarren erdialdean Louis Pasteurrek garatu zuen gaixotasun infekziosoen teoria germinalak zioenez, mikroorganismoek pertsona batetik bestera airearen edo kontaktu fisikoaren bidez transmititzeko duten gaitasunaren ondorio ziren kutsatzeak. Planteamendu horrek, jakina, izugarri erakarri zuen orduan sortzen ari zen botiken industria, eta 150 urteko oparotasuna eman zion, baina teoria harekin batere ados ez zegoen gizon bat egon zen: Antoine Béchamp (Bassing, Frantzia, 1816 – Paris, 1908), biologo eta ikertzaile ezaguna, Frantziako Zientzien Akademiako kide aktiboa eta Pasteurren irakaslea.

Birus bat agertzen bada, gaixotu egiten gara ala birusa hor dago gaixotzen garelako? Hain zuzen ere, Béchampek frogatu zuen gaixotasuna zela germenak eragiten zituena, bakterioek eta birusek ez zutela gaixotasuna eragiten, baizik eta horiek jarduten zuten eremuaren kalitatea: organismo baten metabolismo zelularra eta pH-a guztiz orekatuta bazeuden, ez zegoen gaixotasuna garatzeko aukerarik. Garrantzitsuena, beraz, ez ziren germenak, zelulen osasuna baizik. Garrantzitsuena ez zen ernamuina, lurra baizik.

Ane Miren Elordui-Zapatarietxek itzulitako pasartea,
“La medicina proscrita” liburukoa.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak