Miguel Servetek Astrologiaren defentsarako eta haren aldeko diskurtsoa idatzi zuen eta, are, astrologia-eskolak eman zituen. Bere ideiengatik eta librepentsalaria izateagatik, jazarria izan zen eta Juan Calvino despotaren gorrotoa pairatu zuen, azkenik sutan hil zen arte. Bere garaiko intolerantziaren biktima izan zen, finean, garai guztietako intolerantzia bera dena, eta egunotan oldarkor ageri dena. Ematen ari zen ikasbide batzuetan eten zuen mediku bati buruz idaztean, Servetek zera esan zuen: “Arrazoirik gabe kondenatzen dute ezagutzen ez duten hori”. Mediku eta osasun instituzio askok lelo modura duten hausnarketa da: ezagutzen ez duten medikuntza hori erdeinatu, laidoztatu eta kondenatzen dute. Orain, inoiz ez bezala, ezinbestekoa da sendaketaren zientzia eta artea hedatzea.
Sutan hiltzea exekuzio-metodo kroniko bat izan da gure herrialdearen historian, eta Europan oro har. Haatik, Servetena kasu azpimarragarria da, zerbait gehiago baitago atzean: horren jazarriak izan ziren bere ideiak, ezen ez behin, hiru bider erre baitzuten. Inkisizioak kondenatuta, Vienatik ihes egin zuen, eta bere ordez bere irudi soil bat orrialde zurizko hainbat libururekin batera erretzearekin konformatu behar izan zuten han. Italia hegoalderako bidean, Servetek Genevan eskala egitea erabaki zuen, eta han ezagutu egin zuten, akusatu eta berriro sutara kondenatuz. 1553ko urriaren 27an besoari bere obraren ale bat lotuta erre zen. Baina Servet, oraindik, hirugarrenez erreko zuten. 1942an, nazien okupazioarekin kolaborazionista zen Frantziako gobernuak, Annemassen, Geneva ondoan, berari eskainitako eskultura pentsamendu libreari egindako monumentua zela iritzita, estatua bertatik kendu zuen, eta sutan urtu zuten. 1960an berriro ipini zuten haren estatua.
Eskerrak suarenak modan egoteari utzi ziola debekatuak garbitzeko.
Iker Zalduak itzulitako pasartea,
