Steinerrek ere hitz egin zuen medikuen eta erizainen jarrerari buruz, gaixoarekiko arretari buruz: “Gaixo baten gelan sartutakoan beldurra zuen jabe egiten bada, emandako tratamendu guztiek ez dute ezertarako balioko. Maitasunez sartzen bazarete, zuekiko kezkarik gabe, eta arima betean jartzen bazarete sendatu beharreko horren alde, maitasunez blaitzen badituzue zuen ezagutza irudimentsu eta inspiratuak, ez dira zuen ezaugarri pertsonalak (beldurrak ezkutatutako nortasunekoak) soilik izango sendatze prozesuan parte hartuko dutenak, maitasunak gurutzatutako ezagutzakoak baizik”.
Bere garairako aurreratua eta originala den edozein pentsalariren kasuan bezala, etsaiak izan zituen Steinerrek, eta ez edonolakoak. Emantzipazio eta autonomia indibidualerako mugimendu bezala eratzen ari zen Antroposofia, bideak irekiz bai medikuntzan, bai nekazaritzan eta baita eremu sozial guztietan ere. Desio eraldatzaile horrek, Europan momentu hartan hazten ari zen nazismoaren uzkurtasuna piztu zuen. Hala irakurri ahal izan zen Süddeutsche Zeitung-en: “Estatu Alemanarentzako arriskua da Rudolf Steinerren hiruataltasun sozialaren eredua, eta beharrezkoa da hari aurre egitea”. 1921aren amaiera aldera, nazionalsozialisten gustukoak ez zirenen zerrenda batean agertu zen Rudolf Steinerren izena. Adolf Hitler berak “herrien egoera mental normalaren suntsipenerako metodo juduen” aldekotzat deskribatu zituen hiruataltasunaren jarraitzaileak, Völkischen Beobachter egunkarian. 1922ko maiatzean, Steinerren kontrako lehen atentatu saiakera gertatu zen. Eta urte hartako azken gauean, nahita piztutako sutean erre zen Steinerren lehen Goetheanuma (bere Goethe miretsiaren omenez hala izendatua), Suitzako Dornach herrian gizarte antroposofoari leku egiteko eraiki zena. Steinerrek ez zuen ordea adorerik galdu, eta handik hilabete batzuetara beste Goetheanum bat diseinatzen ari zen jada, 1928an amaituko zena, sortzailea hil eta hiru urte beranduago.
Oier Iruretagoienak itzulitako pasartea,
Muturreko eta ez hain muturreko kapitalistentzat ere arriskutsua izango da medikuntza integratzailea bera, tirania sanitarista inposatu dutenentzat eta ezker homolagatu konplizearentzat.